Provébiu 18:1 - ꞌRe Ihâimana Uꞌâsi Mono Zadawa Wasuꞌu

¹ Ni'wa dasiré 're hâimana mono da, te te sima 're iwẽ mono õ hã te za tihâimanazém na si 're si'madâ'â. Te za duré uburé roti iwẽ hã te te siwi 're awẽ'õ.

Provébiu 18:1 ပူးပေါင်းရင်းမြစ်များ

Ezodu 33:16

E niha te za duré wasiré aimorĩ za'ra õ nherẽ, aimawi a'uwẽ norĩ hã waihu'u za'ra, asib'a'uwẽ norĩ ãma, duré ĩ'ãma i'aipẽ'ẽtozém na hã. Wasiré 're i'aihâimana u'âsi za'ra mono zé, te za aimawi na 're iwahâimana za'ra mono zé hã te te dama 're ahâi'ré.

Provébiu 14:10

Dapẽ'ẽ 're marĩ zépata pire hã dasi'rep si dama waihu'u pese di. Tane duré date robze hã ni'wai ma, da te ipo'o da hã waihu'u õ di.

Provébiu 17:14

Damreme na dasi'ahâri, 're isãna'rata mono zé hã, aiwa â nhowadazé 're isipo'o na'rata mono ne hã te 're hâimana. Tahawa iwẽ hã ropsiwamnarĩ prãi ré, da te ãma 're irosahâri za'ra mono da si.

Provébiu 20:19

Dabâsi zei'wa norĩ hã te za dasi'rep si marĩ dama 're ihâimana za'ra mono na hã te te ãma dawi 're aropé. Tahawa imreme hâ norĩ nhiti romhâ na 're aihâimana mono.

Provébiu 20:3

Uburé isimiza'rese'õ norĩ te waptu na tisi'wapé na hã dame 're hâimana za'ra. Ni'wa dasi'wapé nhiti 're ihâimana mono si dama wazéb u'âsi di.

Provébiu 24:21

Ĩ'ra, ma'ãpé Uburé Danhib'apito hã 're wazé mono, duré dama ipire norĩ zama. Duré ã norĩ da, sada 're ihâimana za'ra mono norĩ siré hã 're aihâimana mono tõ.

Provébiu 26:17

Ni'wa damreme na dasi'wapé tẽme itei õ nherẽ, õne haré isébré hã, aiwa wapsã rowẽ na te te ro'razâri ré ipo're na da te 're iwaibui mono ne hã.

Provébiu 3:21

Ĩ'ra, asimirowaihu'uzé iwẽ, duré ai'rãi waihu'u pe hã aipẽ'ẽ 'remhã asima 're tété mono. Niwamhã romhâ na aiwi 're hâimana mono tõ da hã, rẽme tõ.

Provébiu 8:14

Ĩnhimiroti iwẽ zarina, wa tô te 're da'apawapto, marĩ iwẽ hã da te ãma 're 'manharĩ wẽ za'ra mono da. Ĩnhimiza're hã te ĩma 're hâimana. Ĩnhiptete di, duré wa hã.

Mateu 13:11

Tawamhã Zezusi hã te asa tãma nharĩ za'ra, ãne: — 'Re ihâimana u'âsi mono hã a norĩ wa'aba ma si, ma tô dama iwaihu'u'õ hã aima waihu'u za'ra wa'wa, da'ãma 're isib'a'uwẽ mono zém na hã, sõ'awimhã te te dama hâi'ré õ nherẽ.

Mateu 13:44

Tawamhã ãne te duré tãma rowasu'u za'ra: — 'Re ihâimana u'âsi mono, da'ãma 're isib'a'uwẽ mono zém na, wa za duré aima ãma romnhimiré'é za'ra wa'wa, ãne. Aibâ hã daburu na te te romhuri ré, ma tô ẽtẽ'ubuzi iwa'âbâ za'ẽtẽ uptabi hã 'masã, ti'ai 'rowi ni'wa te te aré dawi isuwa hã. Te te sãmri wamhã, ma tô duré apâ dawi suwa inomrozéb ãma, da te sãmri tõ da. Tawamhã toi uptabi wa, ma tô uburé tinhibro hã dama wede, buru tô õ hã te te dawi uipra da, ẽtẽ'ubuzi, iwa inomro hã te te sima âri da.

Marcu 1:35

Tawamhã robza'rã ré, ma wahudu Zezusi hã, 'ri nhiti morĩ da, a'ubuni u. Taha wamhã, te tame a'â tihâiba, 'Re ihâimana u'âsi mono ma, mreme da.

Marcu 4:11

Tahawa, Zezusi asa ma tô ãma sada'âbâ za'ra, ãne: — 'Re ihâimana u'âsi mono hã a norĩ wa'aba ma si, ma tô aima waihu'u za'ra wa'wa, dama iwaihu'u'õ hã, da'ãma 're isib'a'uwẽ mono zém na hã, sõ'awi te te dama waihu'u õ nherẽ. Ĩzazei'õ'wa norĩ ma, wa za ĩnhimiromnhimiré'é na si te tãma ãma 're rowasu'u za'ra. Tawamhã ta norĩ hã titõmo na te te 're rob'madâ'â za'ra mono nherẽ, taré te za te te 're rob'madâ'â za'ra. Duré 're simipari za'ra mono nherẽ, taré te za duré 're simipari za'ra, te te 're waihu'u za'ra mono ãna. Te te 're waihu'u za'ra mono wamhã, te aré tiwasété wi 're sipizari za'ra, 'Re ihâimana u'âsi mono niwĩ, iwasédé hã te te ãma 're ab'madâ'â tõ mono da.

Roma 1:1

Wa hã Paulu, Cristu Zezusihi ma romhuri'wa, wa ãma aima rob'ui'éré za'ra wa'wa, Roma ãma 're aihâimana za'ra wa'aba mono norĩ ma. 'Re ihâimana u'âsi mono hã ma tô ĩpisutu, isadawa wasu'u na te tãma 're romhuri mono da, Zezusihi wasu'uwẽ hã te te wama 're i'awaihu'u mono hã te dama 're wasu'u u'âsi mono da, isadawa para.

2 Corĩtu 6:17

Ãne duré Danhib'apito mreme na rob'ui'éré wasu'u amo hã: “Dapo're ãna 're idanomro mono norĩ hã, te za oto asiwi 're irẽme za'ra wa'aba mo, ta norĩ hâimana wasété zém nhiti, 're aihâimana za'ra wa'aba mono da oto. Dapo're'õ norĩ hã uburé marĩ hã te te siwi 're i'manharĩ wasété za'ra mono zé hã, tiwi 're upi zahu za'ra wa'aba mono õ di za oto. Tawapsi, wa za oto ĩsitẽme te 're aiwaibui wẽ wa'wa.

Zuda 1:19

Aibâ iwasété norĩ hã te isazei'wa norĩ wi tinhimirowasu'u wasété na te te 're ro'wa'rutu za'ra, isazei'wa norĩ hã siré 're si'rã'õtõ u'âsi mono nherẽ, siwi 're siwanhizari za'ra mono da, ta hawi. 'Re idahâimana wasété za'ra mono norĩ nhimirosa'rata zarina si te ta norĩ hã te te 're rosa'rata za'ra. 'Re ihâimana u'âsi mono pẽ'ẽzani hã ta norĩ pẽ'ẽ 're, 're hâimana za'ra mono õ di.