Provébiu 17:9 - ꞌRe Ihâimana Uꞌâsi Mono Zadawa Wasuꞌu

⁹ Ni'wa hã dawasédé da te tãma 're i'manharĩ mono zé te te da'ãma 're 'madâ'â mono õ wamhã, isimizawizé tãma 're ihâimana mono zém na hã te za dama sihâi'ré. Tane nherẽ, duré ni'wa dawasété na te te 're rosa'rata u'âsi mono wamhã, te za sina 're siwãnhizari zahuré.

Provébiu 17:9 ပူးပေါင်းရင်းမြစ်များ

Salmu 32:1

Tãma 're rowẽ uptabi za'ra mono di, iwasédé 'Re ihâimana u'âsi mono te te ãma 're i'ab'madâ'â mono õ norĩ ma hã, iwasédé te te tãma 're i'apari mono norĩ ma hã!

Provébiu 10:12

Danhiti'ru hã te za dasisada dahâimana wasété zé hã te te dazada 're sani za'ra. Tane nherẽ, danhimizawizé hã te za dawasédé da te 're i'manharĩ za'ra mono zé hã te te 're azuwa, te te da'ãma 're i'a'madâ'â mono õ zarina.

Provébiu 16:28

Iwasété norĩ hã te za damreme na dasi'ahâri hã te te 're sani za'ra. Te za duré dasiwaihu'u iwẽ siré 're idahâimana za'ra mono zém hawimhã da'ãma 're siwãnhizari za'ra.

Provébiu 17:10

Ni'wa i'rãi waihu'u wẽ ma, da te pẽtẽ wamhã, te za tihâimana pese zé hã sina uze, te te waihu'u wẽ wa. Tane nherẽ, isimiza'rese'õ hã 100 na da te 're pré'é mono nherẽ, siwaihu'u su'u õ di, tiwasété na hã.

1 Corĩtu 13:4

E niha tawamhã, danhimizawi pese na, Cristuhu ãma za 're idahâimana za'ra mono zé hã. Isazei'wa norĩ hã simizawi pese na 're hâimana za'ra mono wamhã, marĩ na da'ãma 're wa'a su'u za'ra mono õ di za. Da'ãma 're ipẽ'ẽzé za'ra mono zarina, te za tô te te 're dapawaptob u'âsi za'ra, da'ãma 're isiwãrĩ za'ra mono na hã. Duré marĩ na 're si'ruiwapari za'ra mono õ di za. Duré tiwẽ na sina 're wata za'ra mono õ di za. Duré danhipai u pire na 're ihâimana za'ra mono na, 're si'madâ'â ze za'ra mono õ di za.

1 Pedru 4:8

'Re idasisawi za'ra mono zé hã uburé roti nhipai u te 're hâimana, pire na. Tahawa, te za 're asisawi pese za'ra wa'aba mono. E marĩ wa. Dazawizé hã dama 're hâimana za'ra mono wamhã, dawasédé hã da te da'ãma 're 'madâ'â za'ra mono õ di za, ahâ na, da te 're 'manharĩ za'ra mono nherẽ, dawasédé hã.