Provébiu 17:7 - ꞌRe Ihâimana Uꞌâsi Mono Zadawa Wasuꞌu

⁷ Isimiza'rese'õ, damreme iwẽ na te te inharĩzéb da hã te te wazari õ di, niwa ãma hâimana õ wa. Duré dama iwazém norĩ hã dazadawa nhipese na rowasu'u hã te te wazari õ di.

Provébiu 17:7 ပူးပေါင်းရင်းမြစ်များ

Provébiu 12:19

Dazadawa nhipe hã hâimana hâ õ di. Õne haré te za ai'utõ. Sena na damreme si te za 're hâimana hâ u'âsi.

Provébiu 12:22

Uburé Danhib'apito ma, isadawa nhipese norĩ hã tãma 'ru ti. Tane nherẽ, sena na te te 're inharĩ za'ra mono norĩ si, tãma isawi pe hã.

Provébiu 19:10

Isimiza'rese'õ norĩ, sima sipese na 're ihâimana za'ra mono da hã ibâi õ di. Pawa'âbâ ãna te te dama 're iromhuri za'ra mono norĩ hã bété. Dama i'rãnho'õmo norĩ upana te te 're ida'a'madâ'â mono da hã ibâi õ di duré.

Provébiu 24:7

Rowaihu iwẽ hã isimiza'rese'õ norĩ ma hã pire uptabi di, te te 're iwaihu'u za'ra mono da hã. Tawamhã dasi'rã'õtõ ãma niha na robzanhamri ãma hã te te 're inharĩ waihu'u za'ra mono da hã mare di.

Provébiu 26:1

Rob'ré siwaprã rowahâzé pĩni u'ẽne 're ita'a mono ne, duré niha wamhã, roptehâri siwaprã tã 're ita'a mono ne, ni'wa hã ihâimana nhimiza'rese'õ ãma 're iwata mono zé hã te te rowazari õ di, sadai õ wa.

Provébiu 26:7

Imorĩ'õ hi hã taré 're isiwaiwẽrẽ za'ra mono ne, te rowaihu'u wẽ na ihâimana nhimiza'rese'õ nhimirobzanhamrizé hã taré pese 're hâimana.

Provébiu 29:12

Dama i'rãnho'u dazadawa nhipese na romreme te te 're wapari za'ra mono wamhã, te za uburé ipa'upari'wa norĩ hã tiwasété za'ra.