Provébiu 17:3 - ꞌRe Ihâimana Uꞌâsi Mono Zadawa Wasuꞌu

³ Ẽtẽ waipo pré oru hã, ẽtẽ waipo prã prata me, te za unhama na da te 're pibu za'ra, i'uptabi zô. Tane te Uburé Danhib'apito hã sena na niha na dapẽ'ẽ 're danhimirosa'rata na 're idahâimana za'ra mono zé hã te te 're apibu.

Provébiu 17:3 ပူးပေါင်းရင်းမြစ်များ

Provébiu 15:11

Uburé Danhib'apito nho'remhã, 're idadâ'â za'ra mono zéb u hã, te 'ridawa haré na 're romhâimana. E niha te aré bété ni'wa tipẽ'ẽ 're tinhimirosa'rada hã tiwi suwa.

Provébiu 16:2

Uburé marĩ i'uwaibaba na da te 're i'manharĩ za'ra mono zém na da te 're rosa'rata za'ra mono zahã, te Uburé Danhib'apito, dapẽ'ẽ 're, da te dasima 're iwẽ za'ra mono zé iwẽ na hã iwasété na zama hã te te dawi 're awaihu'u.

Provébiu 17:2

Pawa'âbâ ãna dama romhuri'wa i'rãiwaihu'u pe hã te za ti'madâ'â'wai 'ra hã sipa, tinhimiwada'uri na, timama ma, te te sina irowazém hiri hã. Taha zarina te za duré imama nhimarĩ zama isisãnawã norĩ siré sima 'mai'â, i'uirĩ na hã.

Provébiu 21:2

Uburé marĩ i'uwaibaba na da te 're i'manharĩ za'ra mono zém na, da te 're rosa'rata za'ra mono zahã, te Uburé Danhib'apito, dapẽ'ẽ 're, da te dasima 're iwẽ za'ra mono zé iwẽ na hã iwasété na zama te te dawi 're awaihu'u.

Provébiu 27:21

Ẽtẽ waipo pré oru hã, ẽtẽ waipo prã prata me, te za unhama na da te 're pibu za'ra, i'uptabi zô. Tane te za duré iwẽ norĩ hã sena zô da te 're pibu za'ra.

Daniéu 11:35

Nima norĩ i'rãiwaihu'u pe hã te za simro ni. Tane nherẽ, taha zarina te za 'Re ihâimana u'âsi mono nhib'a'uwẽ norĩ hã we tihâimanazé hã hiri wẽ za'ra. Tawamhã tô õhõ na si te za we ãma tihâimana za'ra, 'Re ihâimana u'âsi mono bâdâ te te ipisutuzéb u.

1 Pedru 1:7

Wanhib'apito umnhasi sina 're aihâimana za'ra wa'aba mono zô, te za rowasédé hã asada 're hâimana za'ra wa'wa. Wanhib'apito Zezu Cristuhu ma, wẽ di, Wanhib'apito umnhasi sina 're i'aihâimana za'ra wa'aba mono zé hã. Ẽtẽ waipo pré oru hã dama isawi pese zém nhipai u, tãma wẽ di. Ẽtẽ waipo pré oru hã wa'âbâ za'ẽtẽ wa, dama sawi pese di, ta hã dama 're hâimana u'âsi mono dai õ nherẽ. Zata õ zô, te za unhama wa hiri ni, zata õ wa, da te iwaihu'uzéb da hã, oru uptabi na. Tane, a norĩ wa'wa hã rowasédé hã asada 're hâimana za'ra wa'aba mono nherẽ, Wanhib'apito umnhasi sina 're aihâimana u'âsi za'ra wa'aba mono wamhã, apâ wei morĩ wapsi, te za danho'a ai'ãma tiwata za'ra wa'wa, õhõ umnhasi sina ãma 're i'aihâimana u'âsi za'ra wa'aba mono zém na. Tame te za duré marĩ hã iwẽ hã aima sõmri za'ra wa'wa. Rowẽ uptabi hã te za duré aima pisutu za'ra wa'wa. Tawapsi, aima 're rowẽ uptabi za'ra wa'aba mono di za oto.

Apocalipsi 2:23

Pi'õ nhirã zarina 're ihâimana za'ra mono norĩ hã wa za duré hâ za'ra, si'utõrĩ da, isimiroti zarina ta norĩ hã we 're hâimana za'ra mono wa. Tawamhã ãne te tãma rob'manharĩ za'ra wamhã, te za uburé ĩzazei'wa norĩ hã ãma ĩwaihu'u za'ra, pi'uriwi marĩ hã da te 're 'manharĩ za'ra mono newa, duré pi'uriwi danhimirosa'rada hã da te 're 'manharĩ za'ra mono newa, uburé marĩ hã te dawi 're i'awaihu'u mono na hã. Uburé danhimirosa'rada hã ĩma waihu'u pese di, duré marĩ zô 're idanhimnhasi za'ra mono zéb zama. Tawamhã ni'wam norĩ hã marĩ iwẽ hã te te 're i'manharĩ za'ra mono zé wa'rãmip si, wa za marĩ iwẽ na te tãma 're awa'âbâ. Duré ni'wam norĩ hã marĩ te te 're i'manharĩ wasété za'ra mono zéb zarina si, wa za te 're ahâ za'ra.