Provébiu 17:17 - ꞌRe Ihâimana Uꞌâsi Mono Zadawa Wasuꞌu

¹⁷ Ni'wa hã te za tisiwaihu te te 're sawi u'âsi. Ropipa hã sô watobro wamhã, te za isisãnawã ne hã tãma 're hâimana.

Provébiu 17:17 ပူးပေါင်းရင်းမြစ်များ

Provébiu 16:28

Iwasété norĩ hã te za damreme na dasi'ahâri hã te te 're sani za'ra. Te za duré dasiwaihu'u iwẽ siré 're idahâimana za'ra mono zém hawimhã da'ãma 're siwãnhizari za'ra.

Provébiu 18:24

Marĩ u'âbâ si dasisawizé hã, õne u'âsi ãma 're dasisawi za'ra mono õ di. Tane nherẽ, dasiwaihu'u uptabi te dama 're hâimana, dasisãnawã 'râwi nhipai u hã.

Provébiu 19:13

Da'ra isimiza'rese'õ te za timama wi tihâimanazém na hã tiwi rowamna. Duré damro pi'õ timreme na isimiwati pe hã aiwa â 're itoptõrĩ nhimizahâri za'ra mono õ ne hã.

Provébiu 19:7

Isimarĩ'õ, isisãnawã uptabi te te siwi 're wẽ'õ mono nherẽ, e te aré bété isiwaihu'u norĩ hã te te sina 're tété za'ra. Mare di. Aiwa te za tô te te siwi 're wẽ'õ pese za'ra. Tahawa isiwaihu'u norĩ te te 're pawaptob za'ra mono da, duré sô 're rĩtĩ za'ra mono nherẽ, nimame te te i'manhopẽtẽ da hã mare di za.

Hebreu 2:11

Zezusi hã ma tô dawasédé hã te te dama 're apari. Taha zarina te iwasédé te te tãma 're i'apari mono norĩ ma, isiré misire Imama za'ra na hã tô õhõ si tãma 're hâimana za'ra. Tahawa, Zezusi hã ãma 're sisé mono õ di, ta norĩ hã tisisãnawã na za te te 're anhisi mono na dâ'âsina, 'Re ihâimana u'âsi mono hã misire Imama za'ra wa, simisutu. Te za tô tisisãnawã na te te 're anhisi, Zezusi hã.

Ruti 1:16

Tane nherẽ, ma tô Ruti tãma tinha, ãne: — Ĩwi rosawi õ di za, asiré ãma ĩmorĩ tõ da hã. Duré ĩ'ãma rosa'rata õ di za, za te i'airẽmezém na hã. Nimomo aimorĩ da wamhã, wa za tô ãma asiré mo. Duré nimomo 're aihâimana mono da wamhã, wa za wa hã asiré 're ĩhâimana. Asiré a'uwẽ norĩ hã ĩsiré a'uwẽ te za 're hâimana za'ra. Duré Asib'apito ãma wa za wa hã ĩnhib'apito, 'Re ihâimana u'âsi mono ãma.

1 Samuéu 18:3

Tawamhã Zonata norĩ hã Dawihi me, ma tô sena na ropisutu zahi hã sima 'manharĩ zahuré, tinhimizawi zahuré zém na hã. E marĩ wa. Zonata Dawihi ãma ipẽ'ẽzézé hã sa'ẽtẽ uptabi wa.

1 Samuéu 19:2

Tahawa, te ãne timama hã tãma wasu'u, Dawihi ma: — Ĩmama te ai'ãma sima rosa'rata, te te aiwĩrĩ da. Tahawa, awẽ mararé hã asipibui pese za. Nima niwĩ pi'uriwi aima'uri za, tame a'â asãmra da.

1 Samuéu 19:3

Tawamhã wa hã wa za ĩmama zô mapa, a'ubuni wi aima'uri ré nimame, te tãma nharĩ da, aihâiba na hã. Tawamhã marĩ te tiwi upsibi mei wamhã, wa za aipo're pu'u.

1 Samuéu 20:17

Tawamhã Zonata, Dawihi zawizém na te duré tãma 'manha, tinhimiropisudu hã. E marĩ wa, 'râwi 're isisawi pese mono ne, Dawi hã tãma sawi uptabi wa.

1 Samuéu 23:16

Tawamhã Zonata hã ma tô itẽme mo, te te sõpẽtẽ da tame. Tahawa, ma tô apâ ipẽ'ẽ nhiptede hã sina tãma tisõ, za te te sina i'umnhasizé hã isitob'ru norĩ wi 'Re ihâimana u'âsi mono nhimipawaptobzé hã.