Provébiu 17:16 - ꞌRe Ihâimana Uꞌâsi Mono Zadawa Wasuꞌu

¹⁶ Isimiza'rese'õ norĩ rowaihu'u wẽ tãma 're hâimana za'ra mono da, rob'uiprazé te te ãma 're i'uprosi za'ra mono hã marĩ dai õ di. E marĩ wa. Ta norĩ hã tô te te waihu'u za'ra dai õ wa.

Provébiu 17:16 ပူးပေါင်းရင်းမြစ်များ

Provébiu 14:6

Uburé marĩ na da'ãma 're iwa'ẽ za'ra mono ti'rãi waihu'u wẽ zô 're isi'wapé za'ra mono norĩ hã, niha hã ti'rãi waihu'u wẽ na tihâimanazé te te 're isõpẽtẽ za'ra mono da hã, mare di. Tane nherẽ, simiza'rese wẽ na 're ihâimana za'ra mono norĩ ma hã wapure di, te te 're iwaihu'u za'ra mono da hã.

Provébiu 18:15

I'rãiwaihu'u wẽ 're ihâimana mono hã te õne u'â tipẽ'ẽ na marĩ te te 're iwaihu'u mono da hã sô 're si'wapé.

Provébiu 23:23

Sena hã rowaihu iwẽ hã duré danhimiza'rese wẽ hã ma'ãpé dawi 're i'a'uipra mono ne hã asima 're awaibui mono. Duré dama 're i'awede mono ne hã niwamhã 're arẽme mono tõ.

Provébiu 24:7

Rowaihu iwẽ hã isimiza'rese'õ norĩ ma hã pire uptabi di, te te 're iwaihu'u za'ra mono da hã. Tawamhã dasi'rã'õtõ ãma niha na robzanhamri ãma hã te te 're inharĩ waihu'u za'ra mono da hã mare di.

Zuwã 3:20

Ni'wam norĩ hã 're nomro wasété u'âsi mono wamhã, te za 're imorĩ wẽ uptabi hã te te 're 'ruiwapari za'ra, rowa'a iwẽ hã. Tawamhã itẽme 're nomro mono õ di za, isimirosa'rata wasété na te te 're awaihu'u mono wa, 're siséb za'ra mono õ'umnhasite.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:46

Tane nherẽ, pahi ãna ma tô Paulu norĩ hã tãma nharĩ za'ra, zudeu norĩ ma, ãne: — A norĩ wa'aba ma, uimrehẽne wa tô aima rowasu'u za'ra wa'aba ni, 'Re ihâimana u'âsi mono zadawa wasu'u na hã. Tane hã tô, wẽ di. Tane nherẽ, taré newa, ma tô asiwi iwẽ'õ za'ra wa'wa, iwasu'uwẽ hã. Tahawa, ibâi õ di, hâiwa ãma rowẽ ãma 're i'aihâimana u'âsi za'ra wa'aba mono zéb da hã, 'Re ihâimana u'âsi mono 'rata. Tahawa, wa za airẽme za'ra wa'aba ni, zudeu'õ norĩ ma, wa te tãma 're rowasu'u za'ra mono da oto.

2 Corĩtu 6:1

Wa norĩ hã 'Re ihâimana u'âsi mono siré, wa te tãma 're iromhuri za'ra mono norĩ hã, wa za oto aima ãma roti pese za'ra wa'aba ni. 'Re ihâimana u'âsi mono, ma tô tinhimizawi pese zéb zarina, aima 're sõprub za'ra wa'wa, iwẽ na hã. Tahawa, isazei'wa na taré dama 're asiwasu'u za'ra wa'aba mono õ di za. 'Re aihâimana za'ra wa'aba mono zém na, te za asa iwa'rãmi asina tãma 're i'uwaimrami u'âsi za'ra wa'aba mo, 'Re ihâimana u'âsi mono ma hã.