Provébiu 17:15 - ꞌRe Ihâimana Uꞌâsi Mono Zadawa Wasuꞌu

¹⁵ Uburé Danhib'apito ma hã maparane tãma iwẽ'õ pe hã te 're hâimana zahuré: Iwẽ norĩ ãma iwasédé hã, da te ãma 're isa'ra mono hã wẽ nherẽ, duré iwasété norĩ marĩ na te te 're upa za'ra mono nherẽ, wẽ na da te 're iwasu'u za'ra mono, marĩ 'manharĩ'õ'wa na.

Provébiu 17:15 ပူးပေါင်းရင်းမြစ်များ

Salmu 94:21

Sena na 're ihâimana za'ra mono norĩ zada, te ta norĩ hã tinhimirowa'õno te te sima 're 'manharĩ za'ra. Te duré iharé na si 're ihâimana za'ra mono norĩ ma, te te tãma 're rowairébé za'ra, 're dâ'â za'ra mono da hã, ibâi õ nherẽ.

Provébiu 11:1

Uburé Danhib'apito ma, senai õ na marĩ pire pibuzém na te te dama 're iromhuri za'ra mono norĩ hã tãma 'ru ti. Sena na marĩ pire pibuzém na te te dama ãma 're iromhuri za'ra mono norĩ si tãma iwẽ hã.

Provébiu 15:8

Danhimizama zada iwasété norĩ, Uburé Danhib'apito ma, te te 're isõmri za'ra mono hã tãma 'ru ti. Tane nherẽ, iwẽ norĩ, tãma 're imreme zusi mono zép si, tãma wẽ uptabi di.

Provébiu 17:26

Wẽ'õ di, iwẽ hã te te dama irowa'âbâ da hã da'upana, õ hãi õ nherẽ. Duré i'uwaibaba õ di, dama i'rãnho'u sena na 're ihâimana za'ra mono, da te 're ipré'é mono da hã.

Provébiu 18:5

I'uwaibaba õ di, marĩ 'manharĩ wasété 'wa norĩ niwĩ, da'ãma rowairébé'wa 're ihâimana mono da hã, duré marĩ 'manharĩ wasété õ 'wa norĩ ma, ibâ na rowairébé te te i'manharĩ õ na ihâiba hã.

Provébiu 31:5

Te te 're âhuri mono wamhã, roti na rowaihu'uzé dama 're ihâimana za'ra mono na hã ãma 're ipo're pu'u mono da hã mare di. Duré da te 're iwati za'ra mono norĩ ma, i'uwaibaba na te te tãma 're rowairébé za'ra mono na hã te te ãma uwaimrami õ di za.

Provébiu 6:16

7 na marĩ iwasédé, Uburé Danhib'apito ma i'ru, ã norĩ hã: 'râwi 're idasi'madâ'â ze za'ra mono, dazadawa nhipe, danhib'rata na iwẽ pãrĩ, danhimirosa'rata wasété na da te dasima 're irowa'õtõ za'ra mono, marĩ 'manharĩ wasété zéb da, sa'ẽtẽ dapara hã te te 're idanhimroi mono, dazadawa nhipese na dama dawasu'u, duré dasiwaihu'u 'rem nherẽ, dasi'wapé zani'wa.

Roma 4:5

Tanei õ di, 'Re ihâimana u'âsi mono hã. Marĩ hã da te 're i'manharĩ wẽ za'ra mono na, te 'râwi 're dasi'madâ'â ze za'ra, taha na si 'Re ihâimana u'âsi mono hã dawasédé hã te te oto da'ãma 're i'ab'madâ'â mono õ na, te te sima da'ãma 're aroti mono newa. Tane nherẽ, te te sima da'ãma 're aroti mono õ di, taha na dawasédé hã te te oto da'ãma 're ab'madâ'â tõ mono da, taha zarina te te oto 're ida'awẽsãmri mono zéb da hã. 'Re ihâimana u'âsi mono hã da te dasina 're umnhasi za'ra mono wapsi, te za te te sina 're da'awẽsãmri, dawasédé hã za oto te te da'ãma 're ab'madâ'â mono õ wa, duré dawasété na 're danomro mono nherẽ, te te 're da'ahâ za'ra mono tõ da.

Tiagu 5:6

Ni'wam norĩ hã marĩ hã te te 're 'manharĩ wasété za'ra mono õ nherẽ, ma tô a norĩ wa'wa hã taré dama 're i'ru za'ra wa'aba mo, da te 're simroi mono da. Ta norĩ ma, waihu'u za'ra õ di, 're isisõ'reptu za'ra mono zéb da hã.