Provébiu 17:10 - ꞌRe Ihâimana Uꞌâsi Mono Zadawa Wasuꞌu

¹⁰ Ni'wa i'rãi waihu'u wẽ ma, da te pẽtẽ wamhã, te za tihâimana pese zé hã sina uze, te te waihu'u wẽ wa. Tane nherẽ, isimiza'rese'õ hã 100 na da te 're pré'é mono nherẽ, siwaihu'u su'u õ di, tiwasété na hã.

Provébiu 17:10 ပူးပေါင်းရင်းမြစ်များ

Provébiu 13:1

Da'ra i'rãi waihu'u wẽ hã te za timama nhimiroti hã te te sina 're uzei pese. Tane nherẽ, uburé da'ãma 're iwa'ẽ za'ra mono norĩ hã marĩ na te te 're i'upa za'ra mono zé hã te te sina 're iwapari za'ra mono da hã mare di.

Provébiu 15:5

Isimiza'rese'õ hã te timama nhimiroti hã te te siwi 're wẽ'õ pese. Tazahã, ni'wa tihâimanazé pese zé te te sina 're i'uzei mono hã, te 'rãi waihu'u wẽ na 're hâimana.

Provébiu 17:11

Aibâ iwasédé hã te za romhâimanazé iwasété si õne u'â te te 're apoto. Tahawa, da'wapéi'wa da'ãma isiwamri'õ te za itẽme hã satõrĩ ni, te te ãma ro'wa'rutu da hã.

Provébiu 17:9

Ni'wa hã dawasédé da te tãma 're i'manharĩ mono zé te te da'ãma 're 'madâ'â mono õ wamhã, isimizawizé tãma 're ihâimana mono zém na hã te za dama sihâi'ré. Tane nherẽ, duré ni'wa dawasété na te te 're rosa'rata u'âsi mono wamhã, te za sina 're siwãnhizari zahuré.

Provébiu 19:25

'Râwi 're isi'madâ'â ze za'ra mono ma, te za da te tãma 're rob'manharĩ za'ra, simirosa'rata waihu'u prã na 're ihâimana za'ra mono norĩ hã sina 're iwata za'ra mono õ zé te te ãma 're waihu'u za'ra mono da. Duré ni'wa, i'rãi waihu'u wẽ ma hã da te tãma 're ipẽtẽ mono zarina, te za rowaihu iwẽ na hã te te sima ãma 're sa'ẽtẽ u'âsi.

Provébiu 27:22

Trigu 'rã hã wa'ĩni na da te 're isu pese za'ra mono ne, isimiza'rese'õ, a hã 're wati mono nherẽ, te za õ hã iwana 're ihâimana mono zém ne tinhimiza'rese õ na hã te te ãma 're uzusi u'âsi.

Provébiu 29:19

Marĩ dai õ di, dama romhuri'wai ma damreme na si da te tãma ipẽne hã, õ hã tinhib'ihâ'a mreme te te sadaihu'u wẽ nherẽ, te te wapari dai õ wa.

Apocalipsi 3:19

Wa hã te 're i'azawi pese mono norĩ hã wa tô te tãma 're aroti pese, tiwasété na 're sisãmri za'ra mono da. Wa duré te 're hâ za'ra, apâ 're nomro wẽ mono da. Tahawa, te za aiwasété wi aipizari za'ra wa'wa, sena na ĩ'ãma 're anomro u'âsi aba mono da oto.