Provébiu 17:1 - ꞌRe Ihâimana Uꞌâsi Mono Zadawa Wasuꞌu

¹ I'u'ẽtẽ wapu wẽ'ẽi 'ré si, da te 're huri mono nherẽ, dapẽ'ẽ 're dama 're irowẽ za'ra mono si, wẽ uptabi di. 'Ri 're dasa isa'ẽtẽ na 're dasaihuri u'âsi mono nherẽ, ãma 're idasihâ za'ra mono hã, taha si wẽ'õ di.

Provébiu 17:1 ပူးပေါင်းရင်းမြစ်များ

Provébiu 15:16

Wẽ uptabi di, danhimarĩ'õ, Uburé Danhib'apito da te 're iwazé pese mono zé hã, danhimarĩ pe dasina dahâtâ'â za'ẽtẽ na 're idahâimana mono zém nhipai u.

Provébiu 15:17

Wẽ uptabi di duré, dasai wa'aba zém norĩ 're idasisawi pese za'ra mono siré da te 're ihuri mono da hã, dasisada 're idanhiti'ru za'ra mono ãma powawẽ hâi pese nhi hã da te 're ihuri mono nhipai u hã.

Provébiu 16:8

Sena na 're idahâimana za'ra mono norĩ ma, suru na marĩ dama 're ihâimana za'ra mono hã wẽ uptabi di, senai'õ na 're idahâimana za'ra mono norĩ ma, marĩ ahâ na tãma 're ihâimana za'ra mono nhipai u.

Provébiu 17:2

Pawa'âbâ ãna dama romhuri'wa i'rãiwaihu'u pe hã te za ti'madâ'â'wai 'ra hã sipa, tinhimiwada'uri na, timama ma, te te sina irowazém hiri hã. Taha zarina te za duré imama nhimarĩ zama isisãnawã norĩ siré sima 'mai'â, i'uirĩ na hã.

Provébiu 21:19

Wẽ di aibâ a'ubuni wi timro nhiti 're ihâimana mono da hã, imro isimiwati pe isiwapsari zei me 're isãmra mono nhipai u.

Provébiu 21:9

Wẽ di, aibâ 'ri upsibi hâpâ zasé're ãma, timro nhiti 're ihâimana mono da hã, imro isimiwati pese me 'ri 're, 're isãmra mono nhipai u.

Provébiu 7:14

— Ĩnhorõwa ãma te romnhi hã tihâiba, ã bâtâ na hã 'Re ihâimana u'âsi mono ma, te iropisutuzé te tãma ãma i'uwaimramizéb da hã, danhoprubzé ãma dama 're irowẽ za'ẽtẽ za'ra mono zé hã.