Provébiu 16:7 - ꞌRe Ihâimana Uꞌâsi Mono Zadawa Wasuꞌu

⁷ Uburé Danhib'apito hã, ni'wa ihâimanazém na te te wẽsãmri wamhã, te za isitob'ru norĩ ime rowẽ na 're hâimana za'ra mono da hã te te ãma tiwi 're azaprĩ, ihâimanazém na hã.

Provébiu 16:7 ပူးပေါင်းရင်းမြစ်များ

Zenezi 27:41

Tawamhã Ezau, Zacoho da ma tô ab'rui pese. E marĩ wa. Imama, 'Re ihâimana u'âsi mono ma, iwẽ õhõ ma si te te 're apisutu mono da, ãma mreme wa. Tahawa ma tô ãne sima rosa'rata: “Ĩmama dâ'âzé hã romhuture di oto. Te za tidâ'â su'u. Tawamhã nimahã na apâ wapo're simrami wa, wapẽ'ẽ hâza'õtõ wapsi, wa za ĩno hã tiwĩ za.”

Zenezi 32:28

Tawamhã te duré tãma tinha ãne: — Asisi õ di za oto, Zaco na. 'Re ihâimana u'âsi mono ma tô i'wapé. Duré aibâ norĩ zama ma tô i'wapé za'ra. Tahawa, ma tô ãma i'ai'uté za'ra. Ãhã wa, asisi hã za oto Izaraéu na.

Zenezi 33:4

Tane nherẽ, Ezau, Zaco te te sõpẽtẽ da ma tô wara sina, sina uzusi. Te te sina uzusi wamhã, ma tô ibutu na hã sitẽme 'wani, te te sawi da, tino hã. Ma tô duré tob'rata hârâ na sawi. Tawamhã ma tô duré sina aiwa'õ zahuré, sipẽ'ẽ rĩ wa.

Esdra 8:36

Tawamhã apito nhimirowaihu'uzém na romnhihâdâ ma tô duré dama i'rãnho'õmo norĩ ma, tisõ, duré daza'rui wa'õno Eufrati bâtâ zasizém niwĩ da'madâ'â'wa norĩ ma zama. Tawamhã ma tô duré ta norĩ hã 'Re ihâimana u'âsi mono nhorõwa 'ri 're romhurizém na hã dapawaptob za'ra.

Salmu 69:31

à hã, Uburé Danhib'apito ma hã tãma wẽ uptabi di za, powawẽ iba'u iprédup siromo zata na tãma danhoprubzém nhipai u hã.

Ezodu 3:21

— Tawamhã wa za duré ezipsiu norĩ ma 'manharĩ za'ra, za te te aiwazéb za'ra wa'aba da hã. Tahawa nimahã na oto aiwairébé aba da wamhã, asib'rata baba na hã ai'aba'réi wa'aba õ di za.

Provébiu 16:8

Sena na 're idahâimana za'ra mono norĩ ma, suru na marĩ dama 're ihâimana za'ra mono hã wẽ uptabi di, senai'õ na 're idahâimana za'ra mono norĩ ma, marĩ ahâ na tãma 're ihâimana za'ra mono nhipai u.

Provébiu 3:17

Te za dapẽ'ẽ 'remhã dahâimanazé iwẽ ise hã te te dama 're anhomri. Te za duré rowẽ na dasima iwẽ na 're idahâimana za'ra mono zé hã te te 're da'anhimro.

Daniéu 1:9

Tawamhã 'Re ihâimana u'âsi mono, ma tô Apenasi hã simirosa'rata pi'ra, Daniéu ma, iwẽ na si te te tãma 're 'manharĩ mono da, duré ãma 're siwãrĩ u'âsi mono da.

Roma 8:31

'Re ihâimana u'âsi mono hã ãne hã te te wama 're apisutu mono wamhã, e niha wa za tawamhã 're wahâimana za'ra. Ta hã, wa niwĩ oto 're hâimana za'ra mono wa, e 'wa hã te za wa'ãma ai'uté. Mare di. Uburé wanhitob'ru norĩ nhiptetezé hã, tarére 'Re ihâimana u'âsi mono ma hã.

Filipu 4:18

Ãme wa tô uburé marĩ hã ĩsima waibui wẽ, we asiwi ĩpawaptob za'ra wa'aba zé hã. Epafroditu hã ma tô we ĩma ãwisi wẽ, we ĩma asõprub za'ra wa'aba zé hã. Tahawa, marĩ zô ĩwi rowaptâ'â õ di oto. Sa'ẽtẽ na te za oto marĩ hã ĩma tihâiba. Ãne wa, wa ĩsina ai'uze za'ra wa'wa, we ĩma asõprub za'ra wa'aba zém na hã. Asõprub za'ra wa'aba zé hã wẽ uptabi di, 'Re ihâimana u'âsi mono ma hã. Wedewati isadaze hã 'Re ihâimana u'âsi mono ma, da te 're izata za'ra mono zéb zarina, tãma ãma 're irowẽ pusi mono ne, tãma wẽ uptabi di duré ãhã na hã, we ĩma asõprub za'ra wa'aba zé hã.

Colosu 1:10

Tawapsi, te za Wanhib'apito zazei'wa hâimanazéb zarina 're anomro wẽ wa'aba mono zém na, tãma ãma asina 're i'uwaimrami za'ra wa'aba mo. Marĩ iwẽ si 're 'manharĩ za'ra wa'aba mono wamhã, Wanhib'apito hã te za toi uptabi na aihâimanazém na te te 're ai'uzei pese za'ra wa'wa. Tawamhã 're aihâimana wẽ za'ra wa'aba mono zém hawi, te za tô marĩ 're i'manharĩ wẽ za'ra wa'aba mono zém na asima 're isa'ẽtẽ za'ra wa'aba mo. Tawamhã 'Re ihâimana u'âsi mono hã iwaihu'u za'ra wa'aba zém na te za duré asima 're isa'ẽtẽ za'ra wa'aba mo, asi'uihâ na.

Colosu 3:20

Ai'uté norĩ, aimama nhimiroti te za 're iwapari pese za'ra wa'aba mo, ana nhimiroti zama, Cristuhu zazei'wa oto 're ihâimana za'ra mono zéb zarina. E marĩ wa. 'Re ihâimana u'âsi mono hã te te aima 're wẽ za'ra wa'aba mono wa, ãne hã.

1 Pedru 3:13

A norĩ wa'wa hã 're anomro wẽ wa'aba mono da, tô sena asina 're rosa'rata za'ra wa'aba mono wamhã, e 'wa hã te za rowasédé hã te te aima 're 'manharĩ za'ra wa'wa.

1 Zuwã 3:22

Duré, isimiroti hã wa te 're 'madâ'â pese za'ra mono wamhã, te te wama 're i'awẽ mono zéb uwaibaba si 're wahâimana za'ra mono wamhã, wa te tiwi 're irowaptẽrẽ za'ra mono zéb uwaibaba si, te za uburé marĩ hã iwẽ te te wama 're anhomri.