Provébiu 16:32 - ꞌRe Ihâimana Uꞌâsi Mono Zadawa Wasuꞌu

³² Iwa'ro su'u õ norĩ hã wẽ uptabi di, isib'ru norĩ, isiptete norĩ nhipai u. Duré 'ri ahâ ãma da te 're i'ai'uté mono zém nhipai u, marĩ da te 're 'manharĩ za'ra mono tõ da, dasiwi 're idanhimi'rãmi za'ra mono zé hã wẽ uptabi di.

Provébiu 16:32 ပူးပေါင်းရင်းမြစ်များ

Salmu 103:8

Uburé Danhib'apito, iwẽ si te te dama 're ab'manharĩ u'âsi. Te duré da'ãma 're siwamri u'âsi. Te duré simizawi uptabi na 're hâimana.

Provébiu 14:29

Ni'wa simirosa'rata ré 're ihâimana mono hã, 'rãi waihu'u wẽ ré 're ihâimana mono zé, te wasu'u. Tane nherẽ, i'rãi wa'ro su'u norĩ hã, te simiza'rese ãna 're ihâimana za'ra mono zém na hã 're sihâi'ré za'ra.

Provébiu 15:18

I'rãi wa'ro su'u norĩ hã te za damreme na dasi'wapé hã te te 're poto za'ra. Tane nherẽ, atãma na 're ihâimana za'ra mono hã te za atãma na te te 're da'rãiwahâ za'ra.

Provébiu 16:19

Dapẽ'ẽ na 're dasi'madâ'â ze za'ra mono õ zarina isibrob'õ norĩ siré 're idahâimana za'ra mono zé hã wẽ uptabi di, 're isi'madâ'â ze za'ra mono norĩ siré danhimarĩ u 're idahâimana za'ra mono zém nhipai u.

Provébiu 16:31

Sena na i'uwaibaba na 're ihâimana za'ra mono norĩ hã te za 're ihâimana hâ za'ra mono zé hã te te sina 're sõ'õtõ za'ra. Tahawa te isi'a zarob'a hã danhoprezé iwẽ uptabi na hã tãma 're hâimana za'ra.

Provébiu 16:33

Ẽtẽre ui'éré ré iwazéb zahi hã te za da te 're sãmra, niha marĩ, da te 're i'manharĩ za'ra mono zé, da te 're waihu'u za'ra mono da hã. Tane nherẽ, Uburé Danhib'apito hawip si marĩ pisutuzé hã te 're hâimana.

Provébiu 19:11

I'rãi waihu'u wẽ norĩ hã dame 're si'rãi wa'ro su'u za'ra mono õ di. Duré dawasédé, da te tãma 're 'manharĩ mono nherẽ, te te da'ãma 're i'a'madâ'â mono õ zarina te za dasiwi da te 're wazé pese.

Provébiu 25:15

Dahâimana wahâ zarina, te za dama ipire norĩ hã marĩ na te te ãma 're dazaze za'ra. Duré danhimirobzanhamri wẽ hã te za ropire hã te te 're uprosi za'ra.

Provébiu 25:28

Dahâimana wa'ro zarina 're idasitété waihu'u mono õ, te 'ri 'wawi wa'ra 'rãihâ 're isipru pese mono ne hã 're hâimana.

Roma 12:21

Ãhã wasu'u na, wa za oto ĩnhimirowasu'u na hã aima 'rãsutu za'ra wa'wa. 'Râwi dasi'uihâ na 're idasi'ruiwa'âbâ za'ra mono zém na hã da'ãma 're sasõmri za'ra wa'aba mono õ di za. Marĩ iwẽ si te za dama 're i'manharĩ wẽ u'âsi za'ra wa'aba mo, taha na dahâimana wasédé hã dawi 're uprosi za'ra wa'aba mono da, duré taha zarina, tô sena oto ai'ãma 're dasiwadi za'ra wa'aba mono da.

Éfézu 5:1

A norĩ wa'wa hã 'Re ihâimana u'âsi mono 'ra oto 're anomro aba mono wa, tãma asawi za'ra wa'aba di. Tahawa, te za isirã zarina si oto 're anomro aba mo.

Tiagu 1:19

Ĩsisãnawã norĩ, ĩma asawi pese za'ra wa'aba norĩ hã, ãne wa za duré aima waihu'u za'ra wa'wa, ãma 're i'asipo're pu'u u'âsi za'ra wa'aba mono zéb da hã. Ari'iwi te za a'â 're idawapari za'ra wa'aba mo, aiwara sina aimreme hã 're sani za'ra wa'aba mono tõ da, duré dazada 're asahi za'ra wa'aba mono tõ da.

Apocalipsi 3:21

“Duré, ni'wam norĩ hã tidâ'âzéb u ĩwi sipizari ãna Satanasihi ãma te te i'ai'uté za'ra norĩ hã, ta norĩ hã wa za pisutu za'ra, danhib'apito 're ĩsimasisi mono zéb ãma, ĩzababa 're si'ubumroi u'âsi mono da. Wa hã ĩdâ'âzéb u ĩsipi'rai õ na Satanasihi ãma te ai'uté wa, taha pari Ĩmama zababa oto 're ĩnhamra u'âsi mono ne, te za ta norĩ hã ĩzababa 're si'ubumroi u'âsi.