Provébiu 16:28 - ꞌRe Ihâimana Uꞌâsi Mono Zadawa Wasuꞌu

²⁸ Iwasété norĩ hã te za damreme na dasi'ahâri hã te te 're sani za'ra. Te za duré dasiwaihu'u iwẽ siré 're idahâimana za'ra mono zém hawimhã da'ãma 're siwãnhizari za'ra.

Provébiu 16:28 ပူးပေါင်းရင်းမြစ်များ

Provébiu 15:18

I'rãi wa'ro su'u norĩ hã te za damreme na dasi'wapé hã te te 're poto za'ra. Tane nherẽ, atãma na 're ihâimana za'ra mono hã te za atãma na te te 're da'rãiwahâ za'ra.

Provébiu 16:27

Iwasété norĩ hã marĩ iwasédé te te 're i'manharĩ za'ra mono da si, te sima sô 're sõpré u'âsi. Timreme na te unhama ro'o ne dahâimanazé hã te te dawi 're uprosi za'ra iwẽ hã.

Provébiu 16:29

Rowasété 'manharĩ zei 'wa hã te za tisiwaihu hã te te sitẽme 're 'wani za'ra, bâdâdi iwasété na te te siré 're anhimroi mono da.

Provébiu 17:17

Ni'wa hã te za tisiwaihu te te 're sawi u'âsi. Ropipa hã sô watobro wamhã, te za isisãnawã ne hã tãma 're hâimana.

Provébiu 17:9

Ni'wa hã dawasédé da te tãma 're i'manharĩ mono zé te te da'ãma 're 'madâ'â mono õ wamhã, isimizawizé tãma 're ihâimana mono zém na hã te za dama sihâi'ré. Tane nherẽ, duré ni'wa dawasété na te te 're rosa'rata u'âsi mono wamhã, te za sina 're siwãnhizari zahuré.

Provébiu 18:6

Isimiza'rese'õ, timreme zahi zarina, te za dasi'wapé hã te te 're azani. Te za duré ti'ahârizé hã te te sisada ãma 're azani.

Provébiu 18:8

Dabâsi zei'wa norĩ mreme hã aiwa dasai wa'õtõre ise, dapẽ'ẽ u 're isisisi mono ne hã te 're hâimana.

Provébiu 29:22

I'rãi wa'ro su'u norĩ hã te za damreme na dasi'wapé hã te te 're poto za'ra, duré ro'wa'rutu zama.

Provébiu 30:33

Powawẽ hâiwa'u, da te 're iwasi za'ra mono hawimhã te i'u'ẽtẽ wapu uptobzé hã 're hâimana. Duré danhisi're wi da te 're idahâ za'ra mono zarina, te dawapru hã dawi 're pu'u za'ra. Tane duré 're dasisahi zani za'ra mono zarina, te dasi'wapé hã 're poto.

Provébiu 6:14

Simirosa'rata wasété na 're hâimana za'ra mono wa, te õne u'âsi te te sima 're rowa'õtõ za'ra, marĩ te te 're i'manharĩ wasété za'ra mono zéb da hã. Te duré ro'wa'rutuzém na hã ropâ te te dama ãma 're ropé.

Roma 1:29

Ta norĩ hã wasété uptabi na te 're hâimana za'ra. Marĩ zô si te te sima 're rob'ruiwapari za'ra. Te duré te te dama 're rob'manharĩ wasété za'ra. Marĩ na te te duré 're da'ruiwapari u'âsi za'ra. Te duré te te 're danhimro. Siti'ru sina, te ta norĩ hã dazô 're nomro, te te dama 're nharĩ za'ra mono da. Sadawa nhipese uptabi na, te 're hâimana za'ra. Niha te te dama 're rob'manharĩ za'ra mono da, te da'ãma te te sima 're rosa'rata wasété u'âsi za'ra. Taré te te duré sima 're dabâsi wasété u'âsi za'ra.

2 Corĩtu 12:20

Ai'ãma 're ĩhâtâ'â za'ra wa'aba mono sina, wa tô ai'ãma te 're rosa'rata u'âsi za'ra wa'wa, za ãma atẽme ĩmorĩ aba na dâ'âsina, duré 're aihâimana za'ra wa'aba mono zém na, za te aiwẽsãmri za'ra wa'aba õ na dâ'âsina. Ãté a norĩ wa'wa hã te za duré asiwi ĩwẽ'õ za'ra wa'wa, za ãma atẽme ĩmorĩ za'ra wa'aba wamhã. Ãté ãhã na hã te 're asisada'âbâ u'âsi za'ra wa'aba mo 'râwi. Ãté te duré marĩ na 're asi'ruiwapari za'ra wa'aba mo. Ãté te duré asisada 're asiti'ru za'ra wa'aba mo. Ãté asi'ãma si te duré 're irosa'rata za'ra wa'aba mo. Ãté te duré asi'ãma 're iwasété za'ra wa'aba mo. Ãté te duré asima 're idabâsi wasété za'ra wa'aba mo. Ãté dama aipire newa, te duré 'râwi 're asi'madâ'â ze za'ra wa'aba mo. Ãté siwa'ru te duré 're aihâimana za'ra wa'aba mo. Ãne na 're aihâimana za'ra wa'aba mono õ'umnhasite, wa ai'ãma te 're romnhimimnhasi u'âsi za'ra wa'wa, wa hã.

1 Samuéu 24:9

Tawamhã te Dawi tãma tinha ãne: — E marĩ da, ma tô iwapa danhimirowasu'u hã wa hã te ĩsima iwẽ na za marĩ iwasédé te aima i'manharĩ na hã.