Provébiu 16:24 - ꞌRe Ihâimana Uꞌâsi Mono Zadawa Wasuꞌu

²⁴ Damreme iwẽ hã aiwa ropĩ isei uptabi ne te 're hâimana, dapẽ'ẽzani ma hã. Duré dahâiba pesezéb da hã wẽ uptabi di, damreme iwẽ hã.

Provébiu 16:24 ပူးပေါင်းရင်းမြစ်များ

Salmu 119:103

Aimreme hã te aiwa marĩ isei uptabi ne, 're hâimana. Tô sei uptabi di, ropĩni nhipai u hã.

Salmu 19:10

Sô rob'ruiwapari za'ẽtẽ uptabi di, ẽtẽ waipo pré oru nhipai u, tô oru iwazari'õ iwẽ uptabi nhipai u. Duré ropĩni ise nhipai u, tô ropĩ iwazari'õ ise uptabi nhipai u te 're hâimana, isimiroti hã.

Provébiu 12:18

Dasi'aba'ré na damreme zani hã aiwa, sib'ézé 'wa pa 'wa 'rãsutu ne hã te 're hâimana za'ra. Tane nherẽ, i'rãi waihu'u wẽ norĩ mreme hã te te 're da'a'rãzéptâ'â waihu'u pese mono di.

Provébiu 15:23

Marĩ na da te 're dazada'âbâ wẽ za'ra mono wamhã, te za dama ãma rowẽ wazere ni. Duré danhimiroti wẽ bâtâ zarina da te dama ãma 're irowasu'u za'ra mono hã wẽ uptabi di.

Provébiu 15:26

Uburé Danhib'apito, iwasété norĩ nhimirosa'rada hã te duré te te siwi 're awẽ'õ pese. Tãma iwẽ hã, damreme wẽ na da te dasima 're irobzanhamri za'ra mono si.

Provébiu 17:22

Dapẽ'ẽ 're rowẽzé hã te wedenhi iwẽ uptabi ne hã dama 're hâimana. Tane nherẽ, õne u'â dapẽ'ẽ 're robzei ãna 're idahâimana za'ra mono zé hã te za atãma na te te 're danhib'uwa zani za'ra.

Provébiu 23:16

Asimirowaihu'u wẽ zarina 're nharĩ mono wamhã, aima ĩto za'ẽtẽ di za, ĩpẽ'ẽ na hã.

Provébiu 27:9

Dasisadazezém na 're dasi'mawamarĩ za'ra mono wa, te te dama 're irowẽ zani za'ra mono ne, te sena na 're idasisawi za'ra mono zé hã te te dama 're rowẽ zani za'ra.

Provébiu 3:8

Ãne wamhã, te za aihâzé'õzé hã aima tisõ. Te za duré te te 're aihi nhiptete u'âsi.

Provébiu 4:22

Rowaihu iwẽ hã ni'wam norĩ te te 're waihu'u za'ra mono wamhã, te za 're ihâimana hâ za'ra mono zé hã te te tãma 're sõmri za'ra, duré hâzé ãna 're ihâimana za'ra mono zé hã.

Apocalipsi 10:10

Tawamhã wa tô oto ti'â, isib'rata hawi ibaihâ nhinha isurure hã. Te âri wamhã, wa tô ti'rẽ. Te 'rẽne wamhã, ropĩni ne hã sei uptabi di, ĩzadai'ré 'remhã. Tane nherẽ, oto te sõmri wamhã, ĩpẽ'ẽ 'remhã, ma ĩdi'izé.