Provébiu 16:21 - ꞌRe Ihâimana Uꞌâsi Mono Zadawa Wasuꞌu

²¹ Ni'wai ma ipẽ'ẽ na rowaihu iwẽ tãma 're ihâimana mono hã ta hã isimirowaihu'u wẽ uptabi. Duré ni'wa timreme wẽ na te te dama 're roti mono wamhã, te za da te ãma 're saze su'u za'ra.

Provébiu 16:21 ပူးပေါင်းရင်းမြစ်များ

Salmu 45:2

Apito, a hã uburé aibâ norĩ nhipai u i'ai'madâ'â zei uptabi. Duré aimreme iwapari iwẽ iwapari ze. 'Re ihâimana u'âsi mono, ma tô iwẽ hã õne u'â te te aima 're pisutu.

Provébiu 10:13

I'rãi waihu'u wẽ norĩ hã te za rowaihu iwẽ na si 're mreme zusi. Tane nherẽ, niha na simiza'rese ãna 're ihâimana za'ra mono norĩ hã te za da te tãma 're rob'manharĩ wasété za'ra.

Provébiu 10:23

Isimiza'rese'õ norĩ ma hã marĩ 'manharĩ wasété zé hã se ti, tãma hã. Tane nherẽ, i'rãi waihu'u wẽ norĩ ma hã rowaihu iwẽ si tãma ise za'ra hã.

Provébiu 10:8

I'rãi waihu'u wẽ 're ihâimana za'ra mono hã te za rotizé iwẽ hã te te sina 're uze za'ra. Tane nherẽ, timreme na 'râwi 're isi'madâ'â pese mono õ hã te za robzei'õ na tihâimana wẽ zé hã siwi uprosi.

Provébiu 15:7

I'rãi waihu'u wẽ mreme hã te rowaihu iwẽ na hã te te ãma dama 're ropé za'ra. Tazahã, isimiza'rese'õ norĩ, ãne hã te te dama 're 'manharĩ za'ra mono õ di.

Provébiu 16:22

Rowaihu'u wẽ hã te i'rãiwaihu'u wẽ norĩ ma, rowẽ na 're idahâimana za'ra mono na'rata zém na tãma 're hâimana za'ra. Tane nherẽ, simiza'rese ãna 're ihâimana za'ra mono norĩ hã te ti'ahârizép si te te sisô 're sani za'ra, tinhimiza'rese'õ zarina.

Provébiu 23:15

Ĩ'ra, ai'rãi waihu'u wẽ na 're aihâimana mono wamhã, ĩma hã 're rowẽ uptabi mono di za.

Provébiu 27:9

Dasisadazezém na 're dasi'mawamarĩ za'ra mono wa, te te dama 're irowẽ zani za'ra mono ne, te sena na 're idasisawi za'ra mono zé hã te te dama 're rowẽ zani za'ra.

Mateu 11:25

Tawamhã Zezusi hã te duré ãne Timama ma hã mre: — Ĩmama, a hã Danhib'apito uptabi, hâiwa ãma hã, duré ti'ai ãma zama. A hã ma tô rowaihu'u pese 'wa norĩ wi roti iwẽ hã 're i'anhito mo, te te 're waihu'u za'ra mono tõ da hã. Rowaihu'u prãi 'wa na 're ihâimana za'ra mono norĩ ma si, ma tô marĩ iwẽ hã 're i'awaihu'u mo. Tahawa, wa ai'ãma ĩwata, asõpru wa.

Luca 4:22

Tawamhã isimirowasu'u hã wẽ wa, aihĩni te ãma tawata za'ra ni. Mreme wẽ uptabi wa, ma ãma tatob'uzu za'ra ni. Tazahã, te dasima nharĩ za'ra ni, ãne: — E niha õ hã simirowasu'u waihu'u pese di, Zuzéhé 'ra nherẽ.

Zuwã 7:46

Tawamhã ma te asa ãma tãma wa'rãmi za'ra, ãne: — Ni'wa te te ãma wabzu õ di, isimiroti wẽ na hã. Tahawa, wa te wasiwi âri õ di, wa te wei wasiwi saprõni da, atẽme za'ra wa'aba hã.

Roma 16:19

Tanei õ di, a norĩ wa'wa hã. Zezusihi wasu'uwẽ 're iwapari pese za'ra wa'aba mono zém na, ma tô daro mono bâ isazei'wa norĩ hã aiwasu'u za'ra wa'wa hã te te 're wapari ze za'ra. Tahawa, ma tô ãma asina ĩma 're irowẽ zani za'ra wa'aba mo. Ãne wa, wa za duré aima roti za'ra wa'wa. Asimiza'rese sina, te za marĩ iwẽ hã 're i'manharĩ za'ra wa'aba mono zéb da si, asina 're asõpré wa'aba mo. Marĩ iwasédé hã 're 'manharĩ za'ra wa'aba mono da, asima 're 'madâ'â za'ra wa'aba mono õ di za. Te za tiwi 're asiptete za'ra wa'aba mo, aiwasété wi hã.

Tiagu 3:17

Hâiwa hawi dahâimanazém na rowaihu'u ré, 're dahâimana za'ra mono wamhã, te za dawasété ãna 're danomro. Roti wẽ na te za da te 're dapawaptob za'ra, rowẽ na dasiré 're dahâimana za'ra mono da. Duré danhimizawi pese na, te za 're danomro. Duré danhimipari pese na, te za 're danomro. Duré te za da'ãma 're dapẽ'ẽzé za'ra. Te za duré dasina 're dapẽ'ẽzé za'ra. Duré marĩ iwẽ na te za 're dasipawaptob za'ra. Duré danhimizawizé hã da te dama 're ba'a za'ra mono õ di za. Duré dahâimana zadawa nhipese na 're dahâimana za'ra mono õ di za.