Provébiu 16:14 - ꞌRe Ihâimana Uꞌâsi Mono Zadawa Wasuꞌu

¹⁴ Apito 're isiti'rui mono zé hã dama simimnhasi uptabi di, dadâ'â da hã. Tane nherẽ, i'rãiwaihu'u wẽ hã te za te te 're hâimana wahâ, atãma na hã.

Provébiu 16:14 ပူးပေါင်းရင်းမြစ်များ

Zenezi 40:2

Tahawa sada siti'ru zahuré wa,

Provébiu 15:18

I'rãi wa'ro su'u norĩ hã te za damreme na dasi'wapé hã te te 're poto za'ra. Tane nherẽ, atãma na 're ihâimana za'ra mono hã te za atãma na te te 're da'rãiwahâ za'ra.

Provébiu 16:13

Apito norĩ hã sena na 're imreme zusi mono norĩ ãma te za te te sima 're rowẽ. Duré i'uwaibaba na si 're imreme zusi mono norĩ si tãma isawi pese za'ra hã.

Provébiu 16:15

Apito ubu to sina ihâimanazé hã dahâimanazé iwẽ te te dama 're i'apisutu mono zé, te wasu'u. Duré te te 're ida'awẽsãmri mono zé hã tã a'ẽ ta'a wi hâiwa nhirõtõ hawi 're ita'a za'ra mono zém ne hã te 're hâimana.

Provébiu 17:11

Aibâ iwasédé hã te za romhâimanazé iwasété si õne u'â te te 're apoto. Tahawa, da'wapéi'wa da'ãma isiwamri'õ te za itẽme hã satõrĩ ni, te te ãma ro'wa'rutu da hã.

Provébiu 19:12

Apito 're isahi mono zé hã aiwa hu'u zérépa wairõ ne te 're hâimana. Tane nherẽ, isimizawizé hã aiwa atébré rowarã na du te te 're iwaihi za'ra mono ne hã.

Provébiu 20:2

Apito 're isahi mono zé hã aiwa hu'u zérépa wairõ ne te 're hâimana. Duré apito ni'wa te te sina siti'rui wazere wamhã, te za 'râwi romnhimimnha hã sisada waze, tihâimanazéb da.

Provébiu 29:26

Dama ipire hã te te 're ida'awẽsãmri mono da hã, te uburé da te dasi'ãma 're rosa'rata ze za'ra. Tane nherẽ, te 'Re ihâimana u'âsi mono si dahâiba mono bâ te te sima 're ida'awẽ mono zéb zarina te te dama 're arowairébé, i'uwaibaba na.

Provébiu 29:8

Da'ãma 're iwa'ẽ za'ra mono hã te za 'ri nho'õmo mono bâ ro'wa'rudu hã te te dawi 're sani za'ra. Tane nherẽ, te za 'rãiwaihu'u wẽ na 're ihâimana za'ra mono hã dasisada dahâimana wa'ro zé hã te te dawi 're uprosi za'ra, rowẽ na si apâ 're romhâimana mono da.

Daniéu 2:16

Ãne wa, ma tô Daniéu apito u hã mo, te te tiwi waptẽrẽ da, bâdâ te te a'â tãma sõmri da, isimirosawẽrẽ na te te ãma tãma saprĩ da.

Marcu 6:27

Tawamhã ma tô ti'ru, awa'awi i'rã te te we âri da, da'wapéi'wa hã. Tawamhã awa'awi te sô mo, dazazéb u. Tame awa'awi ma tô butu nhizâ, Zuwã Batista hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 12:20

Tawamhã apito Erodi hã ma tô sahi u'âsi dazada hâimana, Tiru na 'ri nho'õmo nhisi ãma 're idahâimana za'ra mono norĩ zada, duré Sidõ na 'ri nho'õmo nhisi ãma 're idahâimana za'ra mono norĩ da zama. Tahawa, Tiru hawi ma tô da'madâ'â'wa norĩ hã ai'aba'ré, apito Erodihi u, Sidõ hawib zama. Erodi hã te te siwi sadaihu'u da, ma itẽme hã sito. Tawamhã Blastu na Erodihi nhibrob 'madâ'â'wa nhisi u uimrehẽne, ma tô aihutu. Tawamhã te ãne tãma siwasu'u za'ra, Blastuhu ma hã: — Ma'ãpé, wa'ãma aime za'ra na, Erodihi me apâ wa te wasima ropese za'ra da, wasazé hã wa te duré wasima 're uipra za'ra mono da, isib'a'uwẽ norĩ wi apâ. Tawamhã Blastu hã ma tô ãma saze za'ra, ãma sime za'ra da. Taha pari, ma tô Erodihi u aihutu, te te duré ta hã sadawa pibu za'ra da, tisazé te te apâ 're i'uipra za'ra mono zéb da hã.

2 Corĩtu 5:20

Tahawa, ma tô Cristu hã datẽme wazatõrĩ za'ra, isadawa para, wa te dama 're sadawa wasu'u za'ra mono da. Ãne, wa wa te dama 're roti pese za'ra, Cristuhu nhisi na: “Ma'ãpé, 'râwi asi'madâ'â za'ra wa'aba, 'Re ihâimana u'âsi mono hã ai'ãma siwadi za'ra wa'aba da oto.” Ãne na ma tô wa'u'âbâ te te dama 're aroti pese, 'Re ihâimana u'âsi mono hã.