Provébiu 16:1 - ꞌRe Ihâimana Uꞌâsi Mono Zadawa Wasuꞌu

¹ Dapẽ'ẽ 're da te 're irowa'õtõ za'ra mono ré hã te za 're dahâimana za'ra. Tane nherẽ, te za Danhib'apito 'Re ihâimana u'âsi mono si niha hã te te dama 're apisutu.

Provébiu 16:1 ပူးပေါင်းရင်းမြစ်များ

Esdra 7:27

Tawamhã Esdra te ãne tinha: — Uburé Danhib'apito, wahi'rata norĩ te 'Re ihâimana u'âsi mono ãma, wa ãma ĩwata, wẽ uptabi wa, niha na apito pẽ'ẽ 'remhã rosa'rata na hã te te ãma tiwi saprĩ wa, Zeruzalẽ ãma Uburé Danhib'apito nhorõwa 'ri te te iwazézém na hã.

Neemia 1:11

Tahawa, ma'ãpé ĩmreme na te ãma aiwi 're irowaptẽrẽ mono zé hã wapari ãhã na hã. Duré aima romhuri'wa hâiba amo norĩ ai'ãma 're iwata ze za'ra mono nhimirowaptẽrẽ zama te za iwapa. Ma'ãpé duré ĩma 'manharĩ, iwẽ na si ĩma romhâimana da, apito hã iwẽ na te te ĩma rowairébé da. Tô taha wamhã, wa tô uwa 'rãi wa'u isé za'wari'wa na aré 're ĩhâimana, apito ma hã.

Salmu 10:17

Uburé Danhib'apito, a hã te za da te ãma 're iro'wa'rutu za'ra mono norĩ mreme hã 're i'awapari mo. Te za duré ipẽ'ẽ nhiptetezé hã tãma 're i'anhomri mo.

Salmu 119:36

Ĩma 're 'manharĩ mono, asimiroti si te 're 'madâ'â pese mono da, 're ĩsisibro pese mono zô si, te ĩsima 're irob'ruiwapari mono upana, ãma 're ĩhâimana wẽ mono da, taha na si.

Ezodu 4:15

Tawamhã Arãhã ma, a hã rowasu'u wamhã, te za aimreme nhipai u dama tinha. Tawamhã duré wa hã wa za aipawapto wa'wa, niha na dama inharĩ aba zéb da hã. Duré wa za i'ab'manharĩ aba zéb da hã aima waihu'u 'wa.

Provébiu 15:33

Ni'wa hã Uburé Danhib'apito te te 're wazé pese mono wamhã, te za tinhimiza'resezé hã waihu'u. Duré ni'wa dama wapu na 're isi'madâ'â mono zarina, te za da te dasiwi 're wazé.

Provébiu 16:9

'Râwi danhimirowa'õtõ 'manharĩ na hã te tô 're dahâimana za'ra. Tane nherẽ, te 'Re ihâimana u'âsi mono si 're idahâimana za'ra mono zé hã te te dama 're anhimro.

Provébiu 19:21

Dapẽ'ẽ 're, da te 're irowa'õtõ za'ra mono zé hã ahâ di. Tane nherẽ, Uburé Danhib'apito te te dama 're i'apisutu mono zéb zarina si te za tô dama 're wairébé.

Provébiu 20:24

Uburé Danhib'apito si te tô te te 're da'anhimro. Ãne wa, e niha te za bété ni'wa 're imorĩzé hã sina waihu'u.

Provébiu 21:1

Ti'ai ãma apito nhimirosa'rada, Uburé Danhib'apito ma waihu'u pese di, te te tãma 're i'rui mono da hã, â nima niwĩ 're praba mono da, te te sima iwẽzéb zarina, te te tãma ipisutu ne.

2 Corĩtu 8:16

'Re ihâimana u'âsi mono, ma tô Tituhu ma pisutu, tãma asawi pese za'ra wa'aba zéb zarina, te te aipawaptob za'ra wa'aba da, wa norĩ hã wa te duré 're i'asawi pese za'ra wa'aba mono ne. Tahawa, wa tô ãma wawata ni, 'Re ihâimana u'âsi mono ãma hã, tô sena wa, õ hã.

Filipu 2:13

E marĩ wa. 'Re ihâimana u'âsi mono hã aipẽ'ẽ 're, te te ai'ãma 're romhuri u'âsi za'ra wa'aba mono wa, isimipawaptobzém na marĩ na ãma 're sazei pese za'ra wa'aba mono da, duré taha zarina i'uwaibaba si marĩ hã tãma 're 'manharĩ wẽ za'ra wa'aba mono da, te te sima 're i'aiwẽ za'ra wa'aba mono zéb uwaibaba.