Provébiu 15:7 - ꞌRe Ihâimana Uꞌâsi Mono Zadawa Wasuꞌu

⁷ I'rãi waihu'u wẽ mreme hã te rowaihu iwẽ na hã te te ãma dama 're ropé za'ra. Tazahã, isimiza'rese'õ norĩ, ãne hã te te dama 're 'manharĩ za'ra mono õ di.

Provébiu 15:7 ပူးပေါင်းရင်းမြစ်များ

Salmu 119:13

Ĩmreme 'rãihâ na wa uburé asimiroti ĩma isõmri na hã nasi ãma rowasu'u.

Salmu 45:2

Apito, a hã uburé aibâ norĩ nhipai u i'ai'madâ'â zei uptabi. Duré aimreme iwapari iwẽ iwapari ze. 'Re ihâimana u'âsi mono, ma tô iwẽ hã õne u'â te te aima 're pisutu.

Provébiu 15:2

I'rãi waihu'u wẽ mreme hã da te 're wapari za'ra mono wamhã, te za rowaihu iwẽ hã da te dasima 're wẽ za'ra. Tazahã, isimiza'rese'õ norĩ hã te za siwa'ru timreme wasété na si 're mreme zusi.

Provébiu 15:6

Wẽ na 're ihâimana mono nhorõwa 'remhã te marĩ ahâ na hã 're simi'wara. Tazahã, iwasété norĩ ma, te isimarĩ tãma 're ihâimana za'ra mono hã ropire te te tãma 're sõmri za'ra.

Provébiu 15:8

Danhimizama zada iwasété norĩ, Uburé Danhib'apito ma, te te 're isõmri za'ra mono hã tãma 'ru ti. Tane nherẽ, iwẽ norĩ, tãma 're imreme zusi mono zép si, tãma wẽ uptabi di.

Provébiu 16:23

'Rãi waihu'u wẽ na 're ihâimana za'ra mono norĩ hã te te 're nharĩ za'ra mono wana ré, te za te te sima 're rosa'rata pese za'ra a'â, waimri na. Tahawa te te dama 're i'awaihu'u mono zém na hã te za da te ãma 're saze su'u.

Provébiu 5:2

Ãne wamhã, te za niha na hã 're i'aihâimana mono zéb da hã iwaihu. Te za duré marĩ na 're irobzanhamri wẽ mono zarina asimiza'rese wẽ hã te te 're aihâi'ré.

Mateu 10:27

Uburé pi'uriwi te aima 're iwaihu'u za'ra wa'aba mono hã te za oto sõ'awi dama ãma 're irowasu'u za'ra wa'aba mo.

Mateu 12:34

A norĩ wa'wa hã te wahi ne 're anomro aba mo. Dapẽ'ẽ 're, da te 're irosa'rata za'ra mono zéb zarina te za 're damreme zusi. Tahawa, aiwasété na 're aihâimana za'ra wa'aba mono wa, marĩ iwẽ na 're aimreme zusi waihu'u aba mono õ di. Aipẽ'ẽ 're, 're irosa'rata wasété za'ra wa'aba mono zéb zarina si, te a norĩ wa'wa hã marĩ iwasété na si hã 're aimreme zusi aba mo.

Marcu 16:15

Tahawa, te ãne oto tãma nharĩ za'ra: — Daro mono bâ te za oto 're iropéi wa'aba mo, a'uwẽ mono bâ, ĩwasu'uwẽ na 're dapo're pu'u za'ra wa'aba mono da.

Éfézu 4:29

Aimreme wasété na dama 're aimreme zusi aba mono õ di za oto. Aimreme wẽ na si te za oto dama 're aimreme zusi aba mo, asimiroti wẽ na si 're dapawaptob za'ra wa'aba mono da ãma.

2 Timotiu 2:2

Ĩnhimirowasu'u hã ma tô aipo're na 're iwapari mo, isazei'wa norĩ nho'a te dama 're irowasu'u mono zé hã. Ta norĩ hã ahâ di. Tawamhã 're i'awapari mono zé hã te za aibâ norĩ ma 're i'awaihu'u mo, aima i'umnhasi za'ra norĩ ma hã, tãma iwaihu'u pese za'ra zéb zarina, ĩnhimirowasu'uzém na te te duré ãma 're uzusi za'ra mono da hã, dapawaptom na.

Tiagu 3:6

Tane danhoto hã unhama ro'o ne, te aiwa dama 're hâimana za'ra. Danhoto hawi, te za sipu'u pese na damreme wasédé hã te te 're ropé. Ta hawi te za 'râwi 're dasiwasété za'ra. Unhama ro hã te za danhimarĩ hã te te dawi 're uprosi. Tane danhoto wasété na, te za dahâimana wẽ hã da te dasiwi 're uprosi za'ra. Ropipa hawimhã te za damreme wasédé hã te te dama ãma 're sãna'rata, wa'uburé hã.