Provébiu 15:6 - ꞌRe Ihâimana Uꞌâsi Mono Zadawa Wasuꞌu

⁶ Wẽ na 're ihâimana mono nhorõwa 'remhã te marĩ ahâ na hã 're simi'wara. Tazahã, iwasété norĩ ma, te isimarĩ tãma 're ihâimana za'ra mono hã ropire te te tãma 're sõmri za'ra.

Provébiu 15:6 ပူးပေါင်းရင်းမြစ်များ

Salmu 112:3

Isõrõwa ãma hã simarĩ ahâ uptabi di. Duré õhõ ma, te za 're ihâimana wẽ mono zé wa'rãmimhã iwẽ na si marĩ hã tãma 're pusi.

Provébiu 10:22

Uburé Danhib'apito nhimipawaptobzé wẽ zarina te za danhimarĩ hã dama 're wairébé. Tahawa, duré ni'wa 'râwi tinhiptete na hã te te ãma sisiwi waihu'u õ di, tinhimarĩ na hã.

Provébiu 13:22

Ni'wa te za iwẽ hã si'uirĩ na tisi'watébré 'ra ma, tinhimarĩ iwẽ hã tãma rẽme za'ra. Tanei õ di, iwasété norĩ nhimarĩ hã. Te za sena na 're ihâimana za'ra mono norĩ zô si, da te 're ubumro za'ra.

Provébiu 15:16

Wẽ uptabi di, danhimarĩ'õ, Uburé Danhib'apito da te 're iwazé pese mono zé hã, danhimarĩ pe dasina dahâtâ'â za'ẽtẽ na 're idahâimana mono zém nhipai u.

Provébiu 15:5

Isimiza'rese'õ hã te timama nhimiroti hã te te siwi 're wẽ'õ pese. Tazahã, ni'wa tihâimanazé pese zé te te sina 're i'uzei mono hã, te 'rãi waihu'u wẽ na 're hâimana.

Provébiu 15:7

I'rãi waihu'u wẽ mreme hã te rowaihu iwẽ na hã te te ãma dama 're ropé za'ra. Tazahã, isimiza'rese'õ norĩ, ãne hã te te dama 're 'manharĩ za'ra mono õ di.

Provébiu 16:8

Sena na 're idahâimana za'ra mono norĩ ma, suru na marĩ dama 're ihâimana za'ra mono hã wẽ uptabi di, senai'õ na 're idahâimana za'ra mono norĩ ma, marĩ ahâ na tãma 're ihâimana za'ra mono nhipai u.

Provébiu 21:20

I'rãi waihu'u wẽ norĩ, te tinhimarĩ na ibâ na si 're hâimana za'ra, dasa norĩ iwahuré na si. Tanei õ di, isimiza'rese'õ norĩ hã. Ta norĩ hã te taré uburé tinhimarĩ marĩ na si te te 're uprosi za'ra.

Provébiu 3:33

Iwasété norĩ nhorõwa 're, 're idahâimana za'ra mono ma hã te Uburé Danhib'apito ropipa hã te te tãma 're apisutu. I'uwaibaba na 're ihâimana za'ra mono nhorõwa 'rep si, te iwẽ hã te te tãma 're apisutu.

Provébiu 8:21

Ĩzawi pese 'wa norĩ hã wa te te 're pisutu u'âsi za'ra, 're simarĩ ahâ pese za'ra mono da hã. Wa duré isimirob za'ra zé isõrõwa 'remhã te tãma ãma 're a'rinhito.

Hebreu 11:26

Apito Fara'oho nhorõwa ãma 're sãmra u'âsi mono 'wa'âhã, te aré marĩ iwa'âbâ za'ẽtẽ na tinhibro pese, Ezitu ãma uburé marĩ hã iwa'âbâ za'ẽne hã 're isimi'wara mono na. Ta hã marĩ wa'âbâ za'ẽtẽ mono hã wẽ nherẽ, taha upana marĩ iwẽ uptabi si ma tô sima wẽ, Mozési hã. Danho'reptui'wa da, 'Re ihâimana u'âsi mono te te ipisutu ma si, te te 're robzépata mono da si, ma tô sima wẽ pese. Iwẽ hã 'Re ihâimana u'âsi mono, niwa za te te tãma isõmri na si, ma tô te te ãma 're rosa'rata u'âsi, Mozési hã.