Provébiu 15:33 - ꞌRe Ihâimana Uꞌâsi Mono Zadawa Wasuꞌu

³³ Ni'wa hã Uburé Danhib'apito te te 're wazé pese mono wamhã, te za tinhimiza'resezé hã waihu'u. Duré ni'wa dama wapu na 're isi'madâ'â mono zarina, te za da te dasiwi 're wazé.

Provébiu 15:33 ပူးပေါင်းရင်းမြစ်များ

Salmu 34:11

Ĩsiwaihu ipréduptém norĩ, we ai'aba'réi wa'aba. Ma'ãpé asiwi ĩwapari za'ra wa'aba. Uburé Danhib'apito wazébzém na, wa za ãma aima rowahutu za'ra wa'wa.

Provébiu 1:2

à hã te za te te 're wa'apawapto, rowaihu iwẽ hã duré rotizé iwẽ hã sõ'awi 're ihâimana mono õ hã, rosa'rata na wa te ãma 're waihu'u za'ra mono da hã,

Provébiu 1:7

Rowaihu iwẽ hã da te 're waihu'u za'ra mono da wamhã, te za 'Re ihâimana u'âsi mono, Uburé Danhib'apito hã da te dasiwi 're wazéb za'ra. Tane nherẽ, isimiza'rese'õ norĩ hã te rowaihu'uzé iwẽ hã te te siwi 're wẽ'õ pese za'ra, taré newa. Te te 're iwaihu'u za'ra mono da hã te te sima 're wẽ za'ra mono õ di.

Provébiu 15:32

Ni'wa roti iwẽ te te siwi wẽ'õ wamhã, te za 'râwi tihâimanazé hã siwi wamna. Tane nherẽ, ni'wa tihâimana pese zé te te sina i'uzei pe hã te za rowaihu iwẽ hã te te sima 're sa'ẽtẽ u'âsi mono.

Provébiu 16:1

Dapẽ'ẽ 're da te 're irowa'õtõ za'ra mono ré hã te za 're dahâimana za'ra. Tane nherẽ, te za Danhib'apito 'Re ihâimana u'âsi mono si niha hã te te dama 're apisutu.

Provébiu 18:12

'Râwi 're idasi'madâ'â ze za'ra mono na hã te za ãma 're dasiwamnarĩ za'ra. Tane nherẽ, ni'wa dama wapu na 're isi'madâ'â mono zarina, te za da te dasiwi 're wazé pese.

Provébiu 29:23

'Râwi 're idasi'madâ'â ze za'ra mono zéb zarina, te za 'râwi 're dasiwazéb za'ra. Tane nherẽ, dama dawapu na 're idasi'madâ'â mono zéb zarina, te za dama dawazé pese zé hã da te dasina 're sani za'ra.

Provébiu 8:13

Uburé Danhib'apito, da te 're wazéb za'ra mono wamhã, uburé marĩ iwasété da, 're idanhiti'ru za'ra mono zé, te wasu'u. 'Râwi 're idasi'madâ'â ze za'ra mono zé hã ĩma 'ru ti, dasina 're idawata za'ra mono zéb zama, dahâimana wasété zama, duré damreme wasété zama.

Luca 14:11

Tane, ni'wa hã pire wẽ te, 'râwi sina 're wata mono wamhã, 'Re ihâimana u'âsi mono, te za tãma pisutu, wapu na 're hâimana mono da oto. Duré ni'wa hã, tipire na 'râwi 're si'madâ'â mono õ wamhã, te za tãma pisutu, dama pire na 're hâimana mono da oto.

Tiagu 4:10

Aihâimana wẽ na tãma 're asiwasu'u za'ra wa'aba mono õ di za, Danhib'apito uptabi ma hã, asina 're aiwata za'ra wa'aba mono tõ da. Aihâimana wasété na si te za tãma 're asiwasu'u za'ra wa'aba mo. Tawamhã robzei'õ hawi te za ai'ãma 're sisaprĩ za'ra wa'wa, rowẽ na oto 're aihâimana za'ra wa'aba mono da.

1 Pedru 5:5

Ipréduptém norĩ, iprédum norĩ mreme si te za 're iwapari pese za'ra wa'aba mo. Isazei'wa norĩ, aihĩni te za romhuri na 're asipawaptob za'ra wa'aba mo, aipire na 're asi'madâ'â za'ra wa'aba mono ãna. Duréihã ãne na ma tô rob'ui'éré, 'Re ihâimana u'âsi mono zadawa 'mahârâ'wa hã: “Dapire na 'râwi 're idasi'madâ'â ze za'ra mono norĩ da si, te za 're hâimana, 'Re ihâimana u'âsi mono hã. Dapire na 'râwi da te dasi'ãma 're irosa'rata za'ra mono õ norĩ si, te za te te 're apawaptob u'âsi.”