Provébiu 15:32 - ꞌRe Ihâimana Uꞌâsi Mono Zadawa Wasuꞌu

³² Ni'wa roti iwẽ te te siwi wẽ'õ wamhã, te za 'râwi tihâimanazé hã siwi wamna. Tane nherẽ, ni'wa tihâimana pese zé te te sina i'uzei pe hã te za rowaihu iwẽ hã te te sima 're sa'ẽtẽ u'âsi mono.

Provébiu 15:32 ပူးပေါင်းရင်းမြစ်များ

Provébiu 1:7

Rowaihu iwẽ hã da te 're waihu'u za'ra mono da wamhã, te za 'Re ihâimana u'âsi mono, Uburé Danhib'apito hã da te dasiwi 're wazéb za'ra. Tane nherẽ, isimiza'rese'õ norĩ hã te rowaihu'uzé iwẽ hã te te siwi 're wẽ'õ pese za'ra, taré newa. Te te 're iwaihu'u za'ra mono da hã te te sima 're wẽ za'ra mono õ di.

Provébiu 10:17

Ni'wa hã tihâimana pesezé te te sina 're i'uzei mono hã te za rowẽ na 're idanomro mono zép te bâdâdi na hã 're mo. Tane nherẽ, ni'wa te te sina 're i'uzei mono õ hã te za bâdâdi te te 're i'upai mono zém na hã isiti 're pusi.

Provébiu 13:18

Ni'wai ma, ihâimanazém na rotizé te te 're wẽ'õ mono wamhã, te za tinhimarĩ'õzé hã sitẽme waze, duré da te 're iwazé mono õ zama.

Provébiu 15:14

I'rãi waihu'u wẽ norĩ hã te rowaihu iwẽ zô si sima 're sõpré. Tane nherẽ, simiza'rese ãna 're ihâimana za'ra mono hã te tizaihâ na si te te 're rob'masi za'ra, tinhimiza'rese'õ zarina.

Provébiu 15:21

Isimiza'rese'õ norĩ te tinhimirosa'rata'õ zarina, marĩ na te te sima ãma 're rowẽ za'ra. Tane nherẽ, i'rãi waihu'u wẽ hã te za bâdâdi awa'awi na 're mo, sipi'rai ãna marĩ zô hã.

Provébiu 15:31

Ni'wa hã tihâimana pese zé iwẽ hã te te sina 're uzei mono wamhã, te za i'rãi waihu'u wẽ norĩ me hã 're hâimana u'âsi.

Provébiu 15:33

Ni'wa hã Uburé Danhib'apito te te 're wazé pese mono wamhã, te za tinhimiza'resezé hã waihu'u. Duré ni'wa dama wapu na 're isi'madâ'â mono zarina, te za da te dasiwi 're wazé.

Provébiu 15:5

Isimiza'rese'õ hã te timama nhimiroti hã te te siwi 're wẽ'õ pese. Tazahã, ni'wa tihâimanazé pese zé te te sina 're i'uzei mono hã, te 'rãi waihu'u wẽ na 're hâimana.

Provébiu 17:16

Isimiza'rese'õ norĩ rowaihu'u wẽ tãma 're hâimana za'ra mono da, rob'uiprazé te te ãma 're i'uprosi za'ra mono hã marĩ dai õ di. E marĩ wa. Ta norĩ hã tô te te waihu'u za'ra dai õ wa.

Provébiu 18:15

I'rãiwaihu'u wẽ 're ihâimana mono hã te õne u'â tipẽ'ẽ na marĩ te te 're iwaihu'u mono da hã sô 're si'wapé.

Provébiu 19:20

Ma'ãpé danhimiroti hã 're wapari pese mono, duré asima 're wẽ mono. Ãne wamhã, nimahã na te za ai'rãi waihu'u wẽ na oto 're aimo.

Provébiu 29:1

Ni'wa marĩ na te te 're i'upai mono zém na nasi da te tãma pẽtẽ nherẽ, pẽ'ẽ tete na dawi 're hâimana u'âsi mono wamhã, te za siwa'ru bâtâ na po're pu'u õ pese na ropipa hã sô wi.

Hebreu 12:15

'Re aihâimana za'ra wa'aba mono zém na, 'Re ihâimana u'âsi mono ma, asina tãma ãma 're uwaimrami za'ra wa'aba mono õ wa, tinhoprubzéb zarina, iwẽ uptabi hã te te aima 're ipisutu za'ra wa'aba mono hã 're simini za'ra wa'aba mono tõ da, te za 're asi'madâ'â pese za'ra wa'aba mo. Wede pa hã, ti'ai 'rowi 're simi'wara mono ré hã, taha wa'u isé hã dama simimnhasi õ di. Tane nherẽ, ipa hã da te oto 're sa'o'o za'ra mono wa, da te oto 're huri mono wamhã, te za te te 're da'rãiwamnarĩ za'ra, taha pa wa'u hã sé wa. Tane duré, a norĩ wa'wa hã te za ni'wam norĩ wi 're asi'madâ'â pese za'ra wa'aba mo, ta norĩ hã te te aiwi 're rowasété za'ra wa'aba mono tõ da, duré taha zarina a norĩ wa'wa hã 'râwi aiwasété na 're asi'uptob za'ra wa'aba mono tõ da, ta norĩ zu.

Tiagu 1:22

Taré isimiroti hã aipo're na 're wapari za'ra wa'aba mono õ di za, imreme wapari pese 'wa na, taré 'râwi asima 're asadawa nhipese za'ra wa'aba mono tõ da. Tô sena te za isimiroti hã 're i'madâ'â za'ra wa'aba mo.

Apocalipsi 3:19

Wa hã te 're i'azawi pese mono norĩ hã wa tô te tãma 're aroti pese, tiwasété na 're sisãmri za'ra mono da. Wa duré te 're hâ za'ra, apâ 're nomro wẽ mono da. Tahawa, te za aiwasété wi aipizari za'ra wa'wa, sena na ĩ'ãma 're anomro u'âsi aba mono da oto.