Provébiu 15:31 - ꞌRe Ihâimana Uꞌâsi Mono Zadawa Wasuꞌu

³¹ Ni'wa hã tihâimana pese zé iwẽ hã te te sina 're uzei mono wamhã, te za i'rãi waihu'u wẽ norĩ me hã 're hâimana u'âsi.

Provébiu 15:31 ပူးပေါင်းရင်းမြစ်များ

Provébiu 1:23

Ĩwapari za'ra wa'aba, niha na aihâimanazé te aima ihiri za'ra wa'aba zém na hã. Wa hã roti iwẽ si wa za aima sõmri za'ra wa'wa. Ĩnhimirosa'rata wẽ hã wa za aima hâi'ré za'ra wa'wa.

Provébiu 13:18

Ni'wai ma, ihâimanazém na rotizé te te 're wẽ'õ mono wamhã, te za tinhimarĩ'õzé hã sitẽme waze, duré da te 're iwazé mono õ zama.

Provébiu 13:20

Ni'wa hã i'rãi waihu'u wẽ norĩ siré 're morĩ wamhã, te za i'rãi waihu'u wẽ zé hã te te sina tãma 're hâimo u'âsi. Tane nherẽ, isimiza'rese'õ norĩ siré 're imorĩ hã te za tihâimana wasété na hã 'râwi ãma 're si'u'a.

Provébiu 15:30

Ni'wa ubu toi u'âsi na da te 'madâ'â wamhã, te za dapẽ'ẽ 'remhã ãma dama rowẽ waze. Duré rowasu'u wẽ hã da te wapari za'ra wamhã, dama rowẽ za'ra di.

Provébiu 15:32

Ni'wa roti iwẽ te te siwi wẽ'õ wamhã, te za 'râwi tihâimanazé hã siwi wamna. Tane nherẽ, ni'wa tihâimana pese zé te te sina i'uzei pe hã te za rowaihu iwẽ hã te te sima 're sa'ẽtẽ u'âsi mono.

Provébiu 15:5

Isimiza'rese'õ hã te timama nhimiroti hã te te siwi 're wẽ'õ pese. Tazahã, ni'wa tihâimanazé pese zé te te sina 're i'uzei mono hã, te 'rãi waihu'u wẽ na 're hâimana.

Provébiu 18:15

I'rãiwaihu'u wẽ 're ihâimana mono hã te õne u'â tipẽ'ẽ na marĩ te te 're iwaihu'u mono da hã sô 're si'wapé.

Provébiu 19:20

Ma'ãpé danhimiroti hã 're wapari pese mono, duré asima 're wẽ mono. Ãne wamhã, nimahã na te za ai'rãi waihu'u wẽ na oto 're aimo.

Provébiu 25:12

Ni'wai ma, i'rãiwaihu'u wẽ te te tãma ipẽne hã te te iwapari ze zé hã, danhiptõmo hi wasisizé oru na i'manharĩ nhipai u iwẽ uptabi, duré oru na marĩ da te 're i'manharĩ za'ra mono norĩ nhipai u zama iwẽ.

1 Zuwã 2:19

Ta norĩ hã ma tô aré wasiré 're si'rã'õtõ u'âsi, iwasu'uwẽ u. Wasiré uptabi 're hâimana za'ra mono õ nherẽ, ma tô aré wasiré 're hâimana za'ra. Wasiré uptabi, 're hâimana za'ra mono 'wa'âhã, te aré wasiré 're hâimana u'âsi za'ra, 'râwi. Tane nherẽ, ma tô wahawi 're wairébé. Tahawa, wa tô wasina waihu'u za'ra ni oto, wasiré uptabi 're ihâimana za'ra mono õ na hã.