Provébiu 15:26 - ꞌRe Ihâimana Uꞌâsi Mono Zadawa Wasuꞌu

²⁶ Uburé Danhib'apito, iwasété norĩ nhimirosa'rada hã te duré te te siwi 're awẽ'õ pese. Tãma iwẽ hã, damreme wẽ na da te dasima 're irobzanhamri za'ra mono si.

Provébiu 15:26 ပူးပေါင်းရင်းမြစ်များ

Salmu 19:14

Uburé Danhib'apito, ẽtẽ tõmo wawẽ ne ĩma 're i'aihâimana mono hã, duré ĩ'wawi 're i'aimapa mono, ĩmreme hã, duré ĩnhimirosa'rada hã 're iwẽsãmri mono da si, ĩma iwẽ hã.

Salmu 45:1

Damreme iwẽ hã te ĩpẽ hã te te sina 're sito, apito wasu'u wẽ na ĩnho're na te ãma romnhihâtâ ré hã. Ĩnhoto hã romnhihâtâ 'wa iwẽ te rowawizém ne hã te ĩma tihâiba.

Provébiu 11:20

Uburé Danhib'apito ma hã, ipẽ'ẽ 're wasété na 're ihâimana za'ra mono norĩ hã tãma 'ru za'ra di. Tane nherẽ, i'uwaibaba na si 're ihâimana za'ra mono norĩ ma hã, 're to za'ẽtẽ uptabi mono di.

Provébiu 15:23

Marĩ na da te 're dazada'âbâ wẽ za'ra mono wamhã, te za dama ãma rowẽ wazere ni. Duré danhimiroti wẽ bâtâ zarina da te dama ãma 're irowasu'u za'ra mono hã wẽ uptabi di.

Provébiu 15:25

Uburé Danhib'apito hã te 'râwi 're isi'madâ'â ze za'ra mono norĩ nhorõwa hã te te tiwi 're apru. Tane nherẽ, te imrotõ norĩ nhimarĩ hã te te tãma 're ab'madâ'â pese.

Provébiu 15:27

Ni'wa senai õ na 're ihâimana mono zéb zarina, marĩ zô si sima 're rĩtĩ mono wamhã, te za ropire hã isõrõwa 're, 're ihâimana za'ra mono norĩ ma hã te te 're azani. Tane nherẽ, ni'wa dama rowairébézéb da, dama ipire norĩ ma, pi'uriwi danhibzari te te siwi 're awẽ'õ mono wapsi, te za tô rowẽ na hã 're hâimana hâ.

Provébiu 16:24

Damreme iwẽ hã aiwa ropĩ isei uptabi ne te 're hâimana, dapẽ'ẽzani ma hã. Duré dahâiba pesezéb da hã wẽ uptabi di, damreme iwẽ hã.

Provébiu 24:9

Hâimana nhimiza'rese ãna 're ihâimana za'ra mono norĩ nhimirowa'õno hã ta hã dawasédé. Duré da'ãma 're iwa'ẽi za'ra mono norĩ hã, uburé dama 'ru za'ra di.

Mateu 15:19

Dapẽ'ẽ 're, danhimirosa'rata wasété hawim na si, te za dawasédé hã uburé da te ãma 're 'manharĩ za'ra, dasipãrĩ na hã, duré dasina danhimisaihuri na hã, duré marĩ na danhimisaihuri na hã, duré dazadawa nhipese na hã, duré da te da'ãma 're iwasété za'ra mono na hã.