Provébiu 15:25 - ꞌRe Ihâimana Uꞌâsi Mono Zadawa Wasuꞌu

²⁵ Uburé Danhib'apito hã te 'râwi 're isi'madâ'â ze za'ra mono norĩ nhorõwa hã te te tiwi 're apru. Tane nherẽ, te imrotõ norĩ nhimarĩ hã te te tãma 're ab'madâ'â pese.

Provébiu 15:25 ပူးပေါင်းရင်းမြစ်များ

Salmu 10:14

Tane nherẽ, 'Re ihâimana u'âsi mono, a hã robzépatazé, duré robzei'õzé, 're ab'madâ'â mono wamhã, te õne u'â 're da'apawapto mono da hã asima 're iwẽ mo. Duré ni'wam norĩ, si'wawi 're isimapa waihu'u za'ra mono õ norĩ, te aiwétési te te sina 're ai'umnhasi u'âsi za'ra. Tahawa, marĩ zô tiwi 're iro'wanhi'riti za'ra mono hã te õne u'â 're i'apawaptob u'âsi mo.

Provébiu 12:7

Iwasété norĩ 're si'utõrĩ mono wa, te za oto sô 're robaba za'ra. Tane nherẽ, sena na i'uwaibaba na si 're ihâimana za'ra mono nhorõwa si te za uburé marĩ da hã siptete na 're simasab u'âsi.

Provébiu 14:11

Iwasété norĩ nhorõwa hã te za 're siprub za'ra. Tane nherẽ, romhâ 'manharĩ na iwẽ norĩ nhib'ri si te za hâiwim haré 're simasab u'âsi.

Provébiu 15:26

Uburé Danhib'apito, iwasété norĩ nhimirosa'rada hã te duré te te siwi 're awẽ'õ pese. Tãma iwẽ hã, damreme wẽ na da te dasima 're irobzanhamri za'ra mono si.

Provébiu 23:10

Aihi'rata norĩ ti'a nhizârizé mono na ẽne te te siwi isa'ra mono hã apraba tõ, aima rob're wairob da hã. Duré imama'õ norĩ nhipti'a hã tiwi 're awaibui mono tõ.

Daniéu 5:20

Tane nherẽ, ma tô tipẽ'ẽ na hã 're si'madâ'â ze. Ma tô duré si'rep si pẽ'ẽ tete na 're hâimana. Taha zarina ma tô da'madâ'â nhiptetezé hã tiwi sina ti'awi pese.

Tiagu 1:27

Ãne 're hâimana za'ra mono õ di za, 'Re ihâimana u'âsi mono nhimiroti 'madâ'â pese 'wa norĩ hã. Ãne te za ta norĩ hã 're hâimana za'ra. Imama'õ norĩ hã duré ina'õ norĩ hã te za te te 're pawaptob za'ra. Pi'õi mrotõ norĩ zama te za duré te te 're pawaptob za'ra, ropire hã tãma 're hâimana za'ra mono wamhã. Tihâimanazém na te za duré 're sipibui pese za'ra, Wanhib'apito zazei'õ'wa norĩ nhimirosa'rata zarina 're hâimana wasété za'ra mono tõ da. Ãne wamhã, te za Wamama hã te te 're da'awaihu'u, tô sena isimiroti 'madâ'â pese 'wa 're idahâimana za'ra mono na hã.

1 Pedru 5:5

Ipréduptém norĩ, iprédum norĩ mreme si te za 're iwapari pese za'ra wa'aba mo. Isazei'wa norĩ, aihĩni te za romhuri na 're asipawaptob za'ra wa'aba mo, aipire na 're asi'madâ'â za'ra wa'aba mono ãna. Duréihã ãne na ma tô rob'ui'éré, 'Re ihâimana u'âsi mono zadawa 'mahârâ'wa hã: “Dapire na 'râwi 're idasi'madâ'â ze za'ra mono norĩ da si, te za 're hâimana, 'Re ihâimana u'âsi mono hã. Dapire na 'râwi da te dasi'ãma 're irosa'rata za'ra mono õ norĩ si, te za te te 're apawaptob u'âsi.”