Provébiu 15:24 - ꞌRe Ihâimana Uꞌâsi Mono Zadawa Wasuꞌu

²⁴ Isimiza'rese wẽ norĩ hã bâdâdi na rowẽ na 're idahâimana hâ za'ra mono zém na si te 're nomro. Bâdâdi, 're idadâ'â za'ra mono zép te na 're inomro mono da hã mare di.

Provébiu 15:24 ပူးပေါင်းရင်းမြစ်များ

Salmu 16:11

A hã te 're idanomro mono zép té na bâdâdi hã ĩma 're iwasu'u mo. Duré ĩsiré 're i'aihâimana mono zé hã te rowẽ hã te te ĩma 're sa'ẽtẽ. Te duré õne u'â ĩma 're irowẽ mono zé hã te te ĩma 're sani.

Provébiu 2:18

Isõrõwa u aimorĩ wamhã, te za bâdâdi 're idadâ'â za'ra mono zép te u hã aimo. Õwa ni'wa morĩ wamhã, te za 're idadâ'â za'ra mono zép 'rata 'râwi tihâiba.

Provébiu 23:14

Wedehu na 're i'ahâri mono zarina, te za a hã dâ'â u'âsi 're imorĩzém hawimhã isõ'reptu.

Provébiu 4:18

I'uwaibaba na si 're inomro mono norĩ nhibâdâdi hã te tãma 're hâimana za'ra, bâtâ ro te te 're irowapré mono wim ne, te te 're irowa'a pese mono zéb u hã.

Provébiu 5:5

Ta hã 're idadâ'â za'ra mono zém na si 're imorĩzé hã. Tamomop si te ta hã te te 're da'anhimro.

Provébiu 6:23

E marĩ wa. Isimiroti zahuré zé hã rob'uiwẽzém ne te aima 're hâimana. Duré isimiwaihu'u zahuré zé hã 're idahâimana wẽ za'ra mono waihu'uzéb da, te aima 're hâimana.

Provébiu 7:27

Isõrõwa u 're ane mono wamhã, te za bâdâdi 're idadâ'â za'ra mono zép te u hã 're aimo, bâdâdi ãma idahâimana huture u hã.

Provébiu 9:8

Niwamhã da'ãma 're iwa'ẽi mono ma hã 're pẽtẽ mono tõ. Ãnei õ wamhã, te za asada hã 're sahi. Tane nherẽ, ni'wa i'rãi waihu'u wẽ ma, 're pẽtẽ mono wamhã, te za te te 're aiwazé.

Zuwã 14:6

Tawamhã Zezusi ma te asa ãma tãma wa'rã ãne: — Wa hã bâdâdi uptabi na, wa ĩsiwasu'u, duré tô sena na rowaihu'u wẽ nhomri'wa na, duré 're idanomro u'âsi mono zé nhomri'wa na. Tahawa, ni'wa hã ĩ'ãma 're morĩ õ nherẽ, Ĩmama u hã wisi waihu'u õ di za.

Filipu 3:20

Tane nherẽ, wa norĩ ma hã ti'ai ãma waza'rui uptabi hã wama 're hâimana za'ra mono õ di. Hâiwa ãma si te waza'rui uptabi hã wama 're hâimana za'ra. Ta hawi za wei wazô imorĩ zô si, wa wato sina wasina sô 're wanhimipari u'âsi za'ra, Wanho'reptui'wa zô, Wanhib'apito Zezu Cristuhu zô si.