Provébiu 15:21 - ꞌRe Ihâimana Uꞌâsi Mono Zadawa Wasuꞌu

²¹ Isimiza'rese'õ norĩ te tinhimirosa'rata'õ zarina, marĩ na te te sima ãma 're rowẽ za'ra. Tane nherẽ, i'rãi waihu'u wẽ hã te za bâdâdi awa'awi na 're mo, sipi'rai ãna marĩ zô hã.

Provébiu 15:21 ပူးပေါင်းရင်းမြစ်များ

Provébiu 10:23

Isimiza'rese'õ norĩ ma hã marĩ 'manharĩ wasété zé hã se ti, tãma hã. Tane nherẽ, i'rãi waihu'u wẽ norĩ ma hã rowaihu iwẽ si tãma ise za'ra hã.

Provébiu 11:12

Ni'wa isimiza'rese'õ te za iwaptoma 're ihâimana mono ãma 're to, timreme wasété na. Isimiza'rese si te za mreme wasété tõ da hã siwi 're pẽ'ẽ hâ, te te nharĩ tõ da hã.

Provébiu 14:16

I'rãi waihu'u wẽ norĩ hã te za ropire tãma 're hâimana za'ra mono tõ da, 're si'madâ'â pese za'ra. Tanei õ di, isimiza'rese'õ norĩ hã. Te rosa'rata ãna si'aba'ré na marĩ hã te te 're 'manharĩ za'ra.

Provébiu 14:8

Simiza'rese na 're ihâimana mono ma si tãma waihu'u pese di, ti'rãi waihu'u wẽ zarina, i'uwaibaba na si, za 're imorĩ da hã. Tane nherẽ, simiza'rese ãna 're ihâimana mono hã te za 'rãi waihu'u'õ zarina 're sisimini.

Provébiu 14:9

Simiza'rese ãna 're ihâimana za'ra mono norĩ, tiwasédé te te 're 'manharĩ za'ra mono wamhã, 're isiwẽ'õ za'ra mono da hã mare di, tarére tãma za'ra hã. Tane nherẽ, iwẽ norĩ si te za tô tiwasété pari zéb zô hã sima 're sõpré u'âsi.

Provébiu 15:22

Ni'wam norĩ hã tãma roti ãna 're hâimana za'ra mono wamhã, te za marĩ na simirowa'õtõ nhib'uwa na hã 're hâimana za'ra. Tane nherẽ, tãma roti pese na 're ihâimana za'ra mono norĩ hã te za iwẽ na te te sima 're romhâimana za'ra.

Provébiu 4:25

Asisõwap si 're rob'madâ'â u'âsi mono, 're irob'umnhasi mono zéb zarina.

Provébiu 4:26

Marĩ hã 're i'manharĩ mono da hã asima 're rosa'rata wẽ mono. Tawamhã asima 're irowa'õtõ mono zé hã te za i'uwaibaba na si te te ãma aima 're uwaimrami.

Éfézu 5:15

Tahawa, wa za aima roti za'ra wa'wa, 'râwi asina 're asõpré u'âsi aba mono da, 're i'anomro wẽ wa'aba mono zéb da na hã. Sena na roti wẽ waihu'u'õ'wa ne, 're anomro wasété aba mono õ di za oto. Roti sena hã oto aima waihu'u pese za'ra wa'aba wa, te za ãma 're anomro wẽ wa'aba mo, tô sena roti wẽ zarina si.

Tiagu 3:13

E 'wam norĩ hã te 'Re ihâimana u'âsi mono hawi dahâimanazém na rowaihu'u ré 're hâimana za'ra, asiré wa'aba hã isimirosa'rata za'ẽne hã. Ãne hã ni'wam norĩ hã asiré 're hâimana za'ra wa'aba mono wamhã, hâimana wẽ na te za 're hâimana za'ra. 'Râwi tiwẽ na sina 're wata za'ra mono õ di za. Ãne wamhã, hâiwa hawi rowaihu'u ré 're inomro mono na, te za da te ãma 're waihu'u za'ra.