Provébiu 15:18 - ꞌRe Ihâimana Uꞌâsi Mono Zadawa Wasuꞌu

¹⁸ I'rãi wa'ro su'u norĩ hã te za damreme na dasi'wapé hã te te 're poto za'ra. Tane nherẽ, atãma na 're ihâimana za'ra mono hã te za atãma na te te 're da'rãiwahâ za'ra.

Provébiu 15:18 ပူးပေါင်းရင်းမြစ်များ

Provébiu 10:12

Danhiti'ru hã te za dasisada dahâimana wasété zé hã te te dazada 're sani za'ra. Tane nherẽ, danhimizawizé hã te za dawasédé da te 're i'manharĩ za'ra mono zé hã te te 're azuwa, te te da'ãma 're i'a'madâ'â mono õ zarina.

Provébiu 14:29

Ni'wa simirosa'rata ré 're ihâimana mono hã, 'rãi waihu'u wẽ ré 're ihâimana mono zé, te wasu'u. Tane nherẽ, i'rãi wa'ro su'u norĩ hã, te simiza'rese ãna 're ihâimana za'ra mono zém na hã 're sihâi'ré za'ra.

Provébiu 15:1

'Re dazahi za'ra mono nherẽ, damreme wẽ na da te ãma 're idazada'âbâ za'ra mono zé hã, te za atãma na dahâimanazéb u hã dawi ãma saprĩ ni. Tazahã, damreme tete na dazada'âbâzé hã te za dazahi hã ãma dama hâimo ni.

Provébiu 15:19

Iwa'a norĩ 're inomro mono zé bâdâdi na hã 'wabzéré hã ahâ di. Tane nherẽ, sena na 're ihâimana za'ra mono norĩ nhibâdâdi hã iharé na si.

Provébiu 16:14

Apito 're isiti'rui mono zé hã dama simimnhasi uptabi di, dadâ'â da hã. Tane nherẽ, i'rãiwaihu'u wẽ hã te za te te 're hâimana wahâ, atãma na hã.

Provébiu 16:28

Iwasété norĩ hã te za damreme na dasi'ahâri hã te te 're sani za'ra. Te za duré dasiwaihu'u iwẽ siré 're idahâimana za'ra mono zém hawimhã da'ãma 're siwãnhizari za'ra.

Provébiu 22:24

Ihâimana wa'ro su'u siré hã 're aihâimana mono tõ.

Provébiu 25:15

Dahâimana wahâ zarina, te za dama ipire norĩ hã marĩ na te te ãma 're dazaze za'ra. Duré danhimirobzanhamri wẽ hã te za ropire hã te te 're uprosi za'ra.

Provébiu 26:21

Wedepro hawimhã te pré'a hã 're hâimana. Duré mimi hawimhã te uzâ hã 're hâimana. Tane te duré isi'wapé zei hawimhã dasi'wapé hã 're sãna'rata.

Provébiu 28:25

Ni'wa marĩ zô si te te sima 're irob'ruiwapari mono hã te za õne u'â dasi'wapé hã te te 're poto za'ra. Tane nherẽ, Uburé Danhib'apito te te 're i'umnhasi mono si te za rowẽ isa'ẽtẽ ré hã 're hâimana.

Provébiu 29:22

I'rãi wa'ro su'u norĩ hã te za damreme na dasi'wapé hã te te 're poto za'ra, duré ro'wa'rutu zama.

Mateu 5:9

— Duré, rowẽ na dasiré 're dahâimana za'ra mono da, ni'wam norĩ hã tinhimiroti wẽ na te te 're dapawaptob u'âsi za'ra mono wamhã, ta norĩ ma si, tãma 're rowẽ za'ẽtẽ za'ra mono di za. Ta norĩ si te za ti'ra na te te 're sisi za'ra, 'Re ihâimana u'âsi mono hã.