Provébiu 15:17 - ꞌRe Ihâimana Uꞌâsi Mono Zadawa Wasuꞌu

¹⁷ Wẽ uptabi di duré, dasai wa'aba zém norĩ 're idasisawi pese za'ra mono siré da te 're ihuri mono da hã, dasisada 're idanhiti'ru za'ra mono ãma powawẽ hâi pese nhi hã da te 're ihuri mono nhipai u hã.

Provébiu 15:17 ပူးပေါင်းရင်းမြစ်များ

Provébiu 16:8

Sena na 're idahâimana za'ra mono norĩ ma, suru na marĩ dama 're ihâimana za'ra mono hã wẽ uptabi di, senai'õ na 're idahâimana za'ra mono norĩ ma, marĩ ahâ na tãma 're ihâimana za'ra mono nhipai u.

Provébiu 17:1

I'u'ẽtẽ wapu wẽ'ẽi 'ré si, da te 're huri mono nherẽ, dapẽ'ẽ 're dama 're irowẽ za'ra mono si, wẽ uptabi di. 'Ri 're dasa isa'ẽtẽ na 're dasaihuri u'âsi mono nherẽ, ãma 're idasihâ za'ra mono hã, taha si wẽ'õ di.

Provébiu 21:19

Wẽ di aibâ a'ubuni wi timro nhiti 're ihâimana mono da hã, imro isimiwati pe isiwapsari zei me 're isãmra mono nhipai u.

Mateu 22:4

Tahawa, te duré apito, tãma iromhuri'wa norĩ hâiba amo hã satõrĩ za'ra, ãne: “Mo oto ai'aba'réi wa'aba, aré sô ĩhârâ 'rata za'ra norĩ zô. Tawamhã ãne te za tãma ĩzadawa wasu'u za'ra wa'wa: ‘Powawẽ norĩ hã, duré powawẽ zapu da te dasima ihâipese za'ra hã ma dasiwi simro ni. Uburé ma tô marĩ hã dasiwi 'rã'õtõ ni, dasa da te ihurizéb da hã. Tahawa, te za we ĩtẽme ai'aba'réi wa'wa oto, wasiré wasa hã wa te huri da, ĩ'ra ĩma imrozém na.’ Ãne te za ta norĩ ma ĩzadawa wasu'u za'ra wa'wa.” — Tawamhã apito hã te te sô satõrĩ za'ra wa, te oto sô ai'aba'ré.

Luca 15:23

Tawamhã te duré tãma nharĩ za'ra, ãne: “Powawẽ zapu zama, we asiwi 'mai'ãwisi aba, wĩrĩ aba da, ihâipe hã.

Filipu 2:1

Cristuhu ãma 're aihâimana za'ra wa'aba mono wa, te oto asiptete sina ãma 're anomro aba mo, tiwi 're aipizari za'ra wa'aba mono ãna. Cristu hã te te 're asawi pese za'ra wa'aba mono na, 'râwi asina 're iwaihu'u za'ra wa'aba mono zéb zarina, te duré aima 're rowẽ wairébé u'âsi 'wa, asina 're aihâtâ'â za'ra wa'aba mono ãna. 'Re ihâimana u'âsi mono pẽ'ẽzani siré te duré 're aihâimana za'ra wa'aba mo, simisutu. Da te 're robzépata za'ra mono wamhã, ma tô duré da'ãma 're aipẽ'ẽzé za'ra wa'aba mo, 're dapawaptob za'ra wa'aba mono da.

1 Zuwã 4:16

'Re ihâimana u'âsi mono hã simizawi pese uptabi di. Tane ni'wam norĩ hã te te 're dazawi pese za'ra mono wamhã, ta norĩ si te 'Re ihâimana u'âsi mono ãma 're hâimana za'ra, 'râwi. Ta norĩ 'ratap si te duré 'Re ihâimana u'âsi mono hã 're sãmra, 'râwi. 'Re ihâimana u'âsi mono te te 're iwa'azawi pese mono zé hã wama waihu'u pese za'ra di oto. Taha na wa te wasiwi ãma 're wawã za'ra mono õ di za oto.