Provébiu 15:15 - ꞌRe Ihâimana Uꞌâsi Mono Zadawa Wasuꞌu

¹⁵ Robzei ãna 're ihâimana za'ra mono norĩ hã te za bâtâ bâre ropire na 're hâimana za'ra. Tane nherẽ, pẽ'ẽ toi u'âsi 're ihâimana za'ra mono norĩ hã te za tihâimana ze zém na 're hâimana u'âsi za'ra.

Provébiu 15:15 ပူးပေါင်းရင်းမြစ်များ

Zenezi 37:35

Tawamhã uburé i'ra si'aibâ norĩ i'ra sipi'õ norĩ me, ma tô aré itẽme aihutu, te te sina pẽ'ẽtété za'ra da. Tane nherẽ, tisiwa'õ na te te ãma rosazâri da, te te sima wẽ õ wa, te ãne tãma nharĩ za'ra: — Ĩ'ra zô 're ĩsiwa'õi mono ré, te za ĩpẽ'ẽzé ré ĩ'ãma hã ti'a ni. Tawamhã ti'ra Zuzéhé zô 're isiwa'õ mono na hã ma tô, te te ãma uzusi u'âsi.

Zenezi 47:9

Tahawa, Zaco ma tô sada'â ãne: — 130 na ma tô oto ĩ'ãma tiwahu, hâiwi si nimomomhã 're ĩmorĩ ré hã. 'Re ĩhâimana mono zé hã 'ruture di, duré pire di. Tahawa, ĩhi'rata norĩ ãma wahub ahâ na 're iwahub za'ra mono ne, ĩ'ãma iwahub ahâ da hã waihu'u õ di.

Provébiu 15:13

Dapẽ'ẽ 're rowẽzé hã te za da'ubu zei pese. Tazahã, robzei'õ hã te za niha na dapẽ'ẽzei'õ hã dama tisõ.

Provébiu 15:14

I'rãi waihu'u wẽ norĩ hã te rowaihu iwẽ zô si sima 're sõpré. Tane nherẽ, simiza'rese ãna 're ihâimana za'ra mono hã te tizaihâ na si te te 're rob'masi za'ra, tinhimiza'rese'õ zarina.

Provébiu 15:16

Wẽ uptabi di, danhimarĩ'õ, Uburé Danhib'apito da te 're iwazé pese mono zé hã, danhimarĩ pe dasina dahâtâ'â za'ẽtẽ na 're idahâimana mono zém nhipai u.

Provébiu 16:22

Rowaihu'u wẽ hã te i'rãiwaihu'u wẽ norĩ ma, rowẽ na 're idahâimana za'ra mono na'rata zém na tãma 're hâimana za'ra. Tane nherẽ, simiza'rese ãna 're ihâimana za'ra mono norĩ hã te ti'ahârizép si te te sisô 're sani za'ra, tinhimiza'rese'õ zarina.

Provébiu 17:22

Dapẽ'ẽ 're rowẽzé hã te wedenhi iwẽ uptabi ne hã dama 're hâimana. Tane nherẽ, õne u'â dapẽ'ẽ 're robzei ãna 're idahâimana za'ra mono zé hã te za atãma na te te 're danhib'uwa zani za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:25

Tawamhã mara wa'wa, ma tô Paulu norĩ hã 'Re ihâimana u'âsi mono ma timreme zahuré, Silaha me. Tinho're na te duré ãma tiwata zahuré. Tawamhã 'ri 're wa'wa amo niwĩ isimasam norĩ hã te wapari za'ra, isõ're zahuré zé hã.

Roma 12:12

Uburé marĩ iwẽ hã 'Re ihâimana u'âsi mono, za te te wama 're i'apisutu mono zéb zô, wa za wanhimipari nhimi'ẽ na sô 're wahâimana za'ra, wato sina. Zezusihi zazei'wa oto 're anomro aba mono wa, da te 're ai'ruiwapari za'ra wa'aba mono nherẽ, te za asiptete sina ãma 're anomro u'âsi aba mo. 'Re ihâimana u'âsi mono ma, te za 're aimreme zusi u'âsi aba mo.

Roma 5:11

Tane nherẽ, taha si õ di. 'Re ihâimana u'âsi mono ãma, wa duré watoi u'âsi 're wahâimana za'ra, Wanhib'apito Zezu Cristu dâ'âzém na, wa'ãma 're siwadi za'ra mono wa oto.

2 Corĩtu 1:12

Ni'wam norĩ hã asiré 're hâimana za'ra wa'aba mono nherẽ, ma tô wahâimana nhipese na hã wa'ãma siwi tihi. Tane nherẽ, senai õ di ta hã. Wa norĩ hã 'râwi wapẽ'ẽ na 're wasiwẽ'õ mono õ di. E marĩ wa. Marĩ hã wa te ai'ãma 're 'manharĩ za'ra wa'aba mono õ wa, 're iwahâimana wẽ u'âsi mono zarina. Pi'uriwi aiwi 're wahâimana za'ra wa'aba mono õ di. Marĩ iwẽ si, wa tô wa te aima 're 'manharĩ za'ra wa'wa. Ti'ai ãma isazei'õ'wa norĩ nhimirowaihu'u pese zarina, 're wahâimana mono õ di. 'Re ihâimana u'âsi mono nhimizawi pese zéb zarina si, wa ãne na hã 're wahâimana oto.

2 Corĩtu 1:5

Wa norĩ hã Cristuhu zazei'wa 're wahâimana mono wa, wa wa te 're robzépata tô, ti'ab ré Cristu hã te te 're irobzépata mono ne. Isine, wa te 're robzépata mono nherẽ, ta hã te za te te 're wapawaptob u'âsi, wapẽ i're wama 're sa'wari mono da, wato sina duré 're wahâimana u'âsi mono da.

2 Corĩtu 6:10

Nimahã bâtâ na, da te dasina 're wapẽ'ẽzé zani za'ra mono nherẽ, wa watoi u'âsi 're wahâimana za'ra, 'Re ihâimana u'âsi mono ãma si. Duré wanhibrob'õ na 're wahâimana za'ra mono nherẽ, wa wa te 're dapawaptob za'ra, iwasu'uwẽ na si, danhibro pese ne, rowẽ na 're dahâimana u'âsi za'ra mono da, 'Re ihâimana u'âsi mono siré. Wa norĩ hã wanhimarĩ õ nherẽ, 'Re ihâimana u'âsi mono, uburé te te wama 're i'anhomri mono ré si, wa oto 're wanomro, iwẽ uptabi ré si.

1 Pedru 4:13

Cristu hã aiwana za'ra wa'aba, ma tô robzépata za'ẽtẽ. Tahawa, isine 're robzépata za'ra wa'aba mono wa, te za aipẽ'ẽ 're, 're ato za'ra wa'aba mo. E marĩ wa. Cristu hã tiwaihu'u pese na apâ wei morĩ wapsi, ato za'ẽne hã aima 're hâimana za'ra wa'aba mono wa.