Provébiu 15:12 - ꞌRe Ihâimana Uꞌâsi Mono Zadawa Wasuꞌu

¹² Da'ãma 're iwa'ẽ mono ma hã tãma wẽ'õ di, ihâimanazé, da te tãma ipese da hã. Tahawa, niwamhã i'rãi waihu'u wẽ norĩ nhimirotizéb zô hã sima 're tob'uzui mono õ di.

Provébiu 15:12 ပူးပေါင်းရင်းမြစ်များ

Provébiu 1:22

— Isimiza'rese'õ norĩ! E momo te za i'rãsutu za'ra wa'wa, asimiza'rese'õ na 're i'aihâimana za'ra wa'aba mono zé hã. E niwa te za rowaihu iwẽ na aiwa'ẽ ze zé hã iwaihu'u za'ra wa'wa. E niwamhã bété ãne na hã asiwaihu'u za'ra wa'aba õ di.

Provébiu 13:1

Da'ra i'rãi waihu'u wẽ hã te za timama nhimiroti hã te te sina 're uzei pese. Tane nherẽ, uburé da'ãma 're iwa'ẽ za'ra mono norĩ hã marĩ na te te 're i'upa za'ra mono zé hã te te sina 're iwapari za'ra mono da hã mare di.

Provébiu 14:6

Uburé marĩ na da'ãma 're iwa'ẽ za'ra mono ti'rãi waihu'u wẽ zô 're isi'wapé za'ra mono norĩ hã, niha hã ti'rãi waihu'u wẽ na tihâimanazé te te 're isõpẽtẽ za'ra mono da hã, mare di. Tane nherẽ, simiza'rese wẽ na 're ihâimana za'ra mono norĩ ma hã wapure di, te te 're iwaihu'u za'ra mono da hã.

Provébiu 15:10

Ni'wa hã bâdâdi iwẽ te te rẽme zahi wamhã, te za rob'manharĩ pipa zé hã sitẽme ãwisi. Duré ni'wa tihâimanazé pese zé hã te te sina 're uzei mono õ wamhã, te za duré dârâ.

Zuwã 7:7

Da te 're ai'ruiwapari za'ra wa'aba mono õ di za. Ĩwétési te da te dasiwi 're ĩ'ruiwapari. E marĩ wa. Da te 're i'manharĩ wasété za'ra mono zé hã te dama 're awaihu'u mono wa.

2 Timotiu 4:3

E marĩ wa, wa ãne aima ti'ru. Nimahã na hã sena roti hã da te 're wapari ze za'ra mono õ di za. Rowasu'u hã da te 're iwapari ze za'ra mono zéb uwaibaba si, te za da te 're wapari za'ra. Dama rowahutu'wa da, te za da'ahâ na da te dasima 're pisutu za'ra, rowasu'u hã da te 're iwapari ze za'ra mono zéb uwaibaba si, te te dama 're rowasu'u za'ra mono da.