Provébiu 14:9 - ꞌRe Ihâimana Uꞌâsi Mono Zadawa Wasuꞌu

⁹ Simiza'rese ãna 're ihâimana za'ra mono norĩ, tiwasédé te te 're 'manharĩ za'ra mono wamhã, 're isiwẽ'õ za'ra mono da hã mare di, tarére tãma za'ra hã. Tane nherẽ, iwẽ norĩ si te za tô tiwasété pari zéb zô hã sima 're sõpré u'âsi.

Provébiu 14:9 ပူးပေါင်းရင်းမြစ်များ

Provébiu 1:22

— Isimiza'rese'õ norĩ! E momo te za i'rãsutu za'ra wa'wa, asimiza'rese'õ na 're i'aihâimana za'ra wa'aba mono zé hã. E niwa te za rowaihu iwẽ na aiwa'ẽ ze zé hã iwaihu'u za'ra wa'wa. E niwamhã bété ãne na hã asiwaihu'u za'ra wa'aba õ di.

Provébiu 10:23

Isimiza'rese'õ norĩ ma hã marĩ 'manharĩ wasété zé hã se ti, tãma hã. Tane nherẽ, i'rãi waihu'u wẽ norĩ ma hã rowaihu iwẽ si tãma ise za'ra hã.

Provébiu 11:20

Uburé Danhib'apito ma hã, ipẽ'ẽ 're wasété na 're ihâimana za'ra mono norĩ hã tãma 'ru za'ra di. Tane nherẽ, i'uwaibaba na si 're ihâimana za'ra mono norĩ ma hã, 're to za'ẽtẽ uptabi mono di.

Provébiu 12:2

Iwẽ norĩ hã te Uburé Danhib'apito hã te te 're awẽsãmri. Tane nherẽ, wasété na te te sima 're irowa'õtõ za'ra mono norĩ si te te siwi 're awẽ'õ pese, niha hã te te tãma 're apisutu mono da hã.

Provébiu 13:15

Isimiza'rese norĩ hã da te 're iwazéb za'ra mono zé te te si'ãma 're sani za'ra. Tane nherẽ, iwasété norĩ hã te dawaprã 're isi'utõrĩ mono zéb u 're nomro.

Provébiu 3:34

Da'ãma 're iwa'ẽ za'ra mono norĩ ãma te za 're wa'ẽ iwa'rãmi. 'Râwi 're isi'madâ'â ze za'ra mono õ norĩ si te za te te 're apawapto.

Provébiu 3:4

Ãne hã 're 'manharĩ mono wamhã, te za 'Re ihâimana u'âsi mono ma, sa'ẽtẽ na asina tãma 're irowẽ zani mo. Duré ti'ai ãma zama te za asina dama 're irowẽ zani mo. Te za duré da te dasima 're aiwasu'u wẽ za'ra.

Provébiu 30:20

Damro aibâ na 're isimisaihuri mono zé hã ãne: Ta hã tihâimanazém na te te upai wa, si'upsõi pari, te za ãne tinha: “Tiha na hã te upai õ di!”

Provébiu 8:35

E marĩ wa. Ni'wa hã te te ĩnhopẽtẽ wamhã, te za rowẽ na 're ihâimana u'âsi mono zé hã sõpẽtẽ. Ãne wamhã, Uburé Danhib'apito tãma ipẽ'ẽto zarina, te za wẽsã.

Zuda 1:18

Ãne ma tô ta norĩ hã wama waihu'u siromo za'ra: “Nimahã na iropsi'utõrĩzéb u hã aibâ norĩ te za dawazari 're hâimana za'ra, iwasété norĩ hã. 'Re ihâimana u'âsi mono hã te te siwi 're wazé mono õ di za. Te za duré ai'ãma 're wa'ẽ za'ra wa'wa. Si'uihâ na marĩ hã te te sima 're iwẽ za'ra mono zéb uwaibaba si, te za te te 're 'manharĩ za'ra, iwasétére hã.” Ãne ma tô wama waihu'u siromo za'ra, Zezu Cristuhu zadawa wasu'u'wa norĩ hã.