Provébiu 14:28 - ꞌRe Ihâimana Uꞌâsi Mono Zadawa Wasuꞌu

²⁸ Danhib'apito hã da'ahâ uptabi ma, isi'i'rãnho'õmo na 're hâimana mono wamhã, taha si te sa'ẽtẽ na hã dama 're hâimana. Tahawa, marĩ dai õ di, da'umro ma nherẽ, 're idasi'i'rãnho'õmo za'ra mono hã.

Provébiu 14:28 ပူးပေါင်းရင်းမြစ်များ

Ezodu 1:12

Tane nherẽ, ezipsiu norĩ, Izaraéu nhihudu norĩ ma, te te 're rob'manharĩ wasété za'ra mono nherẽ, te we duré 're sitébré u'âsi, ipa 'rowib za'ra nherẽ. Tahawa, ezipsiu norĩ ma tô tãma tipahi za'ra.

Ezodu 1:22

Tahawa, apito Fara'o tinhib'a'uwẽ norĩ ma, ma tô ãne tãma roti za'ra: — Ma'ãpé asiwi ĩwapari aba! Izaraéu nhihudu norĩ 'watébrémi na 're poto za'ra mono wamhã, te za â 're isãmra aba mo, Nilu na pa nho'õmo nhisi ãma. Tane nherẽ, pi'õ na 're ipoto za'ra mono si, te za wẽ na 're prédub za'ra za.

Provébiu 14:27

Uburé Danhib'apito da te 're iwazéb za'ra mono zé hã rowẽ na 're idahâimana za'ra mono zém na'rata da hã te dama 're hâimana. Te duré 're dadâ'â za'ra mono da, 're idasisitob za'ra mono hawimhã te te 're da'azani.

Provébiu 14:29

Ni'wa simirosa'rata ré 're ihâimana mono hã, 'rãi waihu'u wẽ ré 're ihâimana mono zé, te wasu'u. Tane nherẽ, i'rãi wa'ro su'u norĩ hã, te simiza'rese ãna 're ihâimana za'ra mono zém na hã 're sihâi'ré za'ra.