Provébiu 14:27 - ꞌRe Ihâimana Uꞌâsi Mono Zadawa Wasuꞌu

²⁷ Uburé Danhib'apito da te 're iwazéb za'ra mono zé hã rowẽ na 're idahâimana za'ra mono zém na'rata da hã te dama 're hâimana. Te duré 're dadâ'â za'ra mono da, 're idasisitob za'ra mono hawimhã te te 're da'azani.

Provébiu 14:27 ပူးပေါင်းရင်းမြစ်များ

Provébiu 10:27

Uburé Danhib'apito, da te 're wazéb za'ra mono wamhã, te za 're idahâimana za'ra mono zé bâdâ hã dama 're si'wani za'ra. Tane nherẽ, iwasété norĩ hã te za 're idâ'â za'ra mono zé bâtâ wana ré hã 're dâ'â za'ra.

Provébiu 13:14

I'rãiwaihu'u wẽ norĩ nhimiroti hã rowẽ na 're idahâimana za'ra mono zém na'rata da hã te dama 're hâimana. Ta hã te za dadâ'â da, 're idasisitob za'ra mono zé wi, te te 're da'apawapto, roti iwẽ hã.

Provébiu 14:26

Ni'wa hã Uburé Danhib'apito te te 're wazé mono wamhã, te za isiptete uparizé hã tãma 're hâimana, duré i'ra norĩ 'wawi dasimapazéb zama.

Provébiu 14:28

Danhib'apito hã da'ahâ uptabi ma, isi'i'rãnho'õmo na 're hâimana mono wamhã, taha si te sa'ẽtẽ na hã dama 're hâimana. Tahawa, marĩ dai õ di, da'umro ma nherẽ, 're idasi'i'rãnho'õmo za'ra mono hã.

Provébiu 19:23

Ni'wa, Uburé Danhib'apito te te 're wazé mono wamhã, te za rowẽ na si 're hâimana hâ pese, sima iwẽ na.

Provébiu 22:5

Iwasété norĩ nhibâdâdi na te 'wabzéré hã sô 're hâimana za'ra, duré abazei mramizé hã. Ni'wa hã ihâimanazé tãma sawi wamhã, te za tãma 're hâiba za'o.

Apocalipsi 21:6

Tawamhã te duré ĩma tinha, ãne: — Tâibâ oto. Wa tô te ãma a'uwaimrami. Wa hã isãna'rata hawimhã marĩ õ ré hã, wa tô 're ĩhâimana u'âsi. Uburé marĩ hã si'utõrĩ pese nherẽ, wa hã marĩ zarina ĩsi'utõrĩ õ di za. Õne u'âsi, wa za 're ĩhâimana. Tawamhã ni'wam norĩ hã te te 're 'rubu za'ra mono wamhã, wa za â u'â hã te tãma 're õb za'ra, wa'âbâ ãna, da te 're âhuri mono wa, ĩsiré rowẽ na 're idanomro u'âsi mono zéb da hã.