Provébiu 14:19 - ꞌRe Ihâimana Uꞌâsi Mono Zadawa Wasuꞌu

¹⁹ Iwasété norĩ hã te za wẽ na 're ihâimana za'ra mono norĩ nho'remhã tãma 're siwẽ'ẽ za'ra, wapu na 're isi'madâ'â za'ra mono zarina tãma hã, tipawaptobzé te te tiwi 're waptẽrẽ za'ra mono da hã.

Provébiu 14:19 ပူးပေါင်းရင်းမြစ်များ

Zenezi 42:6

Tahawa, Zuzé dama i'rãnho'õmo dâ'âsina daza'rui amoi hawi 're idasihutu mono ma hã ma tô amnho te te dama 're awede. Tawamhã idub'rata norĩ itẽme sihutu wamhã, ma tô isõ'remhã hi'rãtitõ tãma asimro. Ma tô duré ti'ubu na ti'ai u hã tãma roptob za'ra.

Zenezi 43:28

— Ĩhe, aima romhuri'wa wamama za'ra hã te zahadu rowẽ na 're hâimana.

Ezodu 11:8

Tawamhã Mozési, te te tãma inharĩzém na hã ma ãma tãma uzusi ãne: — Ã hã uburé aima romhuri'wa norĩ we ĩtẽme isi'aba'ré hã, te za ĩpapara hi'rãtitõ ĩnho'remhã asimro, ĩnhib'a'uwẽ norĩ te oto isimroi mono zé te te ĩwĩ waptẽrẽ za'ra da ãne: “Ã hawimhã te za a hã oto aiwato, asib'a'uwẽ norĩ aime si'aba'ré da.” Ãne te te ĩma nharĩ za'ra parip si, wa za wa hã ĩsi'uihâ na watobro. Tawamhã Mozési, apito Fara'oho hawimhã ma tô sahi sina watobro.

Ezodu 8:8

Tawamhã apito Fara'o, Mozési norĩ zô Arãhã me hã ma tô sô tihârâ zahuré, te te ãne tãma nharĩ zahuré da: — Ma'ãpé, asib'apito 'Re ihâimana u'âsi mono ma tãma aimreme aba, uti zarãpré hã ĩnhiti, duré ĩnhib'a'uwẽ norĩ nhiti te te satõrĩ za'ra da. Tawamhã wa hã wa za asib'a'uwẽ norĩ ma hã waprosi za'ra, za si'aba'ré da, Uburé Danhib'apito uptabi ma, abaze da te 're izata za'ra mono na tãma 're sõprub za'ra mono da hã.

Provébiu 11:29

Ni'wa, sisada za'ra marĩ te te 're azani u'âsi mono wamhã, te za rowa'u te te 're irowapõrĩ mono si tãma 're hâimana, tiwi 're idâ'â za'ra mono norĩ nhimarĩ, tãma 're 'maihâimana mono ãna hã. Isimiza'rese'õ norĩ hã te za i'rãi waihu'u wẽ ma romhuri'wa na tãma 're hâimana u'âsi za'ra.

Provébiu 14:18

Simiza'rese ãna 're ihâimana za'ra mono norĩ hã te tô tinhimiza'rese'õ zarina romnhi'esezé hã te te sima 're sani za'ra. Tane nherẽ, isimiza'rese norĩ hã te za i'rãi waihu'u wẽ zarina iwẽ si te te sitẽme 're sani za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:39

Tahawa, ma tô itẽme ai'aba'ré, tãma siwasu'u za'ra da, Paulu norĩ ma, ta norĩ hã te te sina 'ruiwapari za'ra tõ da. Taha pari, ma tô siwi sani zahuré dazazém hawi, neb zahuré da. Tawamhã ma tô tãma rob'ru za'ra, 'ri nho'õmo hawi neb zahuré da oto.

Apocalipsi 3:9

Ma'ãpé duré, waihu'u pese za'ra wa'aba. Satanasihi niwĩ 're ihâimana za'ra mono norĩ hã, e niha wa za tãma rob'manharĩ za'ra, ta norĩ ma hã. Ta norĩ hã zudeu nherẽ, zudeu norĩ hâimana wẽ zém na 're ihâimana za'ra mono na, dama 're siwasu'u za'ra mono zahã, te Satanasihi nhimiroti zarina si 're hâimana za'ra, sadawa nhipese na. Tahawa, wa za ãne tãma rob'manharĩ za'ra. Aipapara te za 're sina wa'wa, tãma aipire za'ra wa'aba wa. Tahawa, te za aiwaihu'u za'ra wa'wa, te 're i'asawi pese za'ra wa'aba mono na.

1 Samuéu 2:36

Tawamhã uburé asihudu hâiba amo norĩ hã 're ihâimana za'ra mono hã te za tãma 're siwẽ'ẽ za'ra apito ma, rob'uiprazé te te tiwi 're waptẽrẽ za'ra mono da hã, duré mra hã. Te za duré sasedoti norĩ pawapto'wa na te te 're romhuri za'ra mono da, sa'ẽtẽ te te 're rowaptẽrẽ za'ra, tisazéb da.