Provébiu 14:18 - ꞌRe Ihâimana Uꞌâsi Mono Zadawa Wasuꞌu

¹⁸ Simiza'rese ãna 're ihâimana za'ra mono norĩ hã te tô tinhimiza'rese'õ zarina romnhi'esezé hã te te sima 're sani za'ra. Tane nherẽ, isimiza'rese norĩ hã te za i'rãi waihu'u wẽ zarina iwẽ si te te sitẽme 're sani za'ra.

Provébiu 14:18 ပူးပေါင်းရင်းမြစ်များ

Provébiu 14:17

Ni'wa i'rãi wa'ro su hã te tô marĩ iwẽ'õ hã te te 're ab'manharĩ, isimiza'rese'õ zarina. Tane nherẽ, te 'rã nhimiza'rese na 're ihâimana za'ra mono norĩ hã atãma na 're hâimana za'ra.

Provébiu 14:19

Iwasété norĩ hã te za wẽ na 're ihâimana za'ra mono norĩ nho'remhã tãma 're siwẽ'ẽ za'ra, wapu na 're isi'madâ'â za'ra mono zarina tãma hã, tipawaptobzé te te tiwi 're waptẽrẽ za'ra mono da hã.

Provébiu 3:35

Isimiza'rese wẽ norĩ hã te za da te 're iwazéb za'ra mono zé hã te te sina tãma 're hâimo za'ra. Tane nherẽ, duré niha na simiza'rese ãna 're ihâimana za'ra mono norĩ ãma, te za sidâpâsi isisé hã da te ãma 're sa'ra.

Daniéu 12:3

'Rãiwaihu'u wẽ na 're ihâimana za'ra mono norĩ hã te za tihâiba na te te sina 're rob'uiwẽ za'ra, hâiwa na 're isimasa mono norĩ te te 're irob'uiwẽ za'ra mono ne. Duré i'uwaibaba na si te te dama 're irowasu'u za'ra mono norĩ hã te za hâiwa na wasi te te 're irob'uiwẽ za'ra mono ne, te te 're rob'uiwẽ u'âsi za'ra, sina.

1 Pedru 1:18

A norĩ wa'wa hã ma tô iwaihu'u za'ra wa'wa, aiwa'âbâ za'ra wa'aba zé hã. Cristu hã ma tô aiwa'âbâ za'ra wa'wa, tarére na 're i'aihâimana za'ra wa'aba mono zém hawi, te te 're asõ'reptu za'ra wa'aba mono da, aihi'rata norĩ ne, 're aihâimana za'ra wa'aba mono tõ da oto. E ẽtẽ waipo pré oru na, duré e ẽtẽ waipo prã prata na ma tô ai'awa'âbâ 'wa. Taha na te te ai'awa'âbâ aba õ di. E marĩ wa. Ta norĩ hã wẽ u'âsi 're hâimana za'ra mono õ wa. Tahawa taha na te te aiwa'âbâ za'ra wa'aba õ di.

1 Pedru 5:4

Tawamhã Da'madâ'â'wai uptabi hã apâ wei morĩ wapsi, tãma 're idapawapto wẽ za'ra wa'aba mono zé wa'rãmi, te za oto aima wa'âbâ za'ra wa'wa, iwẽ uptabi na, si'utõrĩ'õ na oto aima 're hâimana u'âsi za'ra wa'aba mono da.