Provébiu 14:16 - ꞌRe Ihâimana Uꞌâsi Mono Zadawa Wasuꞌu

¹⁶ I'rãi waihu'u wẽ norĩ hã te za ropire tãma 're hâimana za'ra mono tõ da, 're si'madâ'â pese za'ra. Tanei õ di, isimiza'rese'õ norĩ hã. Te rosa'rata ãna si'aba'ré na marĩ hã te te 're 'manharĩ za'ra.

Provébiu 14:16 ပူးပေါင်းရင်းမြစ်များ

Zenezi 33:9

Tawamhã te Ezau ãne tãma tinha asa: — Ĩno, mare di. Ĩnhimizama hã ahâ uptabi di. Tahawa tô aima hâimana za'ra, ate bâ.

Zenezi 42:18

Ãhã wa, si'ubdatõ bâtâ ãma te Zuzé tãma siwasu'u za'ra ãne: — Wa hã 'Re ihâimana u'âsi mono hã wa tô te 're wazé pese. Tahawa, te aima iwaihu'u za'ra wa'aba zéb zarina, ĩma 'manharĩ za'ra wa'aba wapsi, da te ai'uprosi aba da hã te dama asa'ré za'ra wa'aba õ di za.

Neemia 5:15

Ĩwana dama i'rãnho'õmo norĩ, ma tô ropire hã te te dama 're sõmri za'ra. Ma tô duré bâtâ sidâpâsi mreme tete na te te dawi 're waibu, ẽtẽ waipo prã prata 480 grama na ipire pibuzém na da te tãma ãma 're wa'âbâ za'ra mono da, dasa norĩ uiprazéb da hã duré uwa 'rãi wa'u isé uiprazéb da. Tãma romhuri'wa norĩ zama ma tô duré te te 're dawati za'ra. Tane nherẽ, wa hã wa tô romhâimanazé aimawi na tãma ãma romhâimana za'ra, 'Re ihâimana u'âsi mono hã, te 're wazé pese mono wa.

Salmu 119:120

Asõ'remhã wa 're ĩrẽrẽ'ẽ u'âsi. Duré dama 're i'arowairébé mono zé ma hã wa 're ĩpahi u'âsi.

Salmu 34:14

Iwasété wi asa'o hâ za'ra wa'aba, iwẽ si oto 're 'manharĩ za'ra wa'aba mono da. Duré rowẽ na 're i'aihâimana za'ra wa'aba mono zéb zô si, 're i'asõpré wa'aba mono zéb zarina, te za oto uburé marĩ iwẽ si hã 're i'manharĩ za'ra wa'aba mo.

Provébiu 1:32

Isimiza'rese'õ norĩ hã te za 're dâ'â za'ra, rowaihu iwẽ hã te te siwi 're wẽ'õ za'ra mono wa. Duré ta norĩ hã rowaihu iwẽ zô 're isi'wapé za'ra mono õ norĩ hã te za 'râwi 're si'uprosi.

Provébiu 14:15

Simirosa'rata waihu'u prã na 're ihâimana za'ra mono norĩ hã te za uburé marĩ na te te 're dazaze su'u za'ra. Tanei õ di, isimiza'rese norĩ hã. Te sisõwamhã te te 're rob'madâ'â wẽ za'ra.

Provébiu 14:17

Ni'wa i'rãi wa'ro su hã te tô marĩ iwẽ'õ hã te te 're ab'manharĩ, isimiza'rese'õ zarina. Tane nherẽ, te 'rã nhimiza'rese na 're ihâimana za'ra mono norĩ hã atãma na 're hâimana za'ra.

Provébiu 16:17

Sena na i'uwaibaba na 're ihâimana za'ra mono norĩ hã te za bâdâdi iwẽ na hã iwasété nhiti 're nomro. Duré ni'wa bâdâdi na timorĩzé te te sima 're i'madâ'â pese mono hã te za tihâimanazém na 're sisõ'reptu.

Provébiu 16:6

Ni'wa hã 'Re ihâimana u'âsi mono te te 're sawi pese mono wamhã, duré sena na tãma 're hâimana mono wamhã, iwasédé hã te te ãma 're ab'madâ'â mono õ di za. Duré ni'wa, Uburé Danhib'apito te te 're iwazé mono hã te za marĩ iwasété wi hã tiwi sina 're hâiba za'o u'âsi, romhâ na.

Provébiu 22:3

Isimiza'rese wẽ, marĩ isimimnha te te 'madâ'â wamhã, te za tãma ai'ré, romhâ na ré. Tanei õ di, isimiza'rese'õ hã. Ta hã te za õne haré itẽme mo. Tahawa, te za robzépada hã sisô waze.

Provébiu 28:14

Ni'wa, Uburé Danhib'apito pahi sina te te 're wazé pese mono wamhã, tãma 're rowẽ u'âsi mono di. Tane nherẽ, ni'wa pẽ'ẽ tete na 're hâimana mono wamhã, te za ropire u hã waptãrã.

Provébiu 29:9

Aibâ isimiza'rese wẽ, isimiza'rese'õ da hâimana da, dama rowairébézéb u morĩ wamhã, te za isimiza'rese'õ hã taré nasi ãma wasété. Te za duré nasi sahi sina robzanha. Tawamhã ro'wa'rutu uptabi di za.

Provébiu 3:7

Ai'rãi waihu'u pese na, asina 're rosa'rata mono tõ. Uburé Danhib'apito hã 're wazé mono. Aiba niwĩ uburé marĩ iwasété wi hã tãma 're aipâi mono, marĩ 're ab'manharĩ tõ mono da.

Provébiu 7:22

Tawamhã si'aba'ré na ma tô oto isarina mo, powawẽ ipãrĩzéb u da te 're isimroi mono ne, duré pozé wedenhorõ nhihâ're uwaibaba 're sisa'rei mono wa, ãma 're isiwaibui mono ne.

Zuwã 9:40

Tawamhã farizeu norĩ i'rata isimasa, te tãma nharĩ za'ra, ãne: — Wa norĩ hã bété. E wapẽ'ẽ 're, watob'a na wa 're wanomro. E wa norĩ hã te iwawasu'u za'ra.

1 Tesalonita 5:22

Uburé marĩ iwasédé hã te za asiwi 're iwẽ'õ pese za'ra wa'aba mo, iré 're anomro aba mono tõ da.