Provébiu 14:14 - ꞌRe Ihâimana Uꞌâsi Mono Zadawa Wasuꞌu

¹⁴ Iwẽ hawi 're isipizari za'ra mono norĩ hã tiwasété 'manharĩ na te te 're i'upa za'ra mono zéb zarina, te za romnhi'esezé hã te te sima 're sani za'ra. Tane nherẽ, wẽ na 're ihâimana za'ra mono norĩ hã te za ro iwẽ hã te te sima 're sani za'ra.

Provébiu 14:14 ပူးပေါင်းရင်းမြစ်များ

Provébiu 12:14

Ni'wa hã timreme wẽ zarina, te za iwẽ hã te te sima 're azani. Tinhib'rata na te te 're iromhuri wẽ mono zéb zarina, te za duré iwẽ hã te te sima ãma 're azani.

Provébiu 12:21

Ropire hã i'uwaibaba na si 're ihâimana za'ra mono norĩ zô, 're iwairébé mono da hã, mare di. Tane nherẽ, wasété na 're ihâimana za'ra mono norĩ si te ropire hã te te 're sõpẽtẽ u'âsi za'ra.

Provébiu 14:10

Dapẽ'ẽ 're marĩ zépata pire hã dasi'rep si dama waihu'u pese di. Tane duré date robze hã ni'wai ma, da te ipo'o da hã waihu'u õ di.

Provébiu 14:15

Simirosa'rata waihu'u prã na 're ihâimana za'ra mono norĩ hã te za uburé marĩ na te te 're dazaze su'u za'ra. Tanei õ di, isimiza'rese norĩ hã. Te sisõwamhã te te 're rob'madâ'â wẽ za'ra.

Provébiu 18:20

Uburé marĩ na 're inharĩ mono zéb zarina, te za marĩ hã asô 're pusi, iwẽ hã duré iwasété zama.

Provébiu 9:12

Ai'rãi waihu'u wẽ na 're aihâimana mono wamhã, te za iwẽ hã asima 're isa'ẽtẽ mo, ate da hã. Duré da'ãma 're aiwa'ẽi mono wamhã, te za taha zarina 're irobzépata mono na hã 're aihâimana mo.

Zuwã 4:14

Ĩnhib'â hã te dama 're anhomri mono wa, da te 're âhuri mono wamhã, 'rubu ãna te za iré 're dasi'ubumroi u'âsi. Ub're 're isidototo u'âsi za'ra mono ne, dawi 're si'utõrĩ waihu'u za'ra mono õ di za, da te 're âhuri mono wamhã. Tawamhã 're dadâ'â za'ra mono ãna, te za 're dasi'ubumroi u'âsi, hâiwa ãma.

2 Corĩtu 1:12

Ni'wam norĩ hã asiré 're hâimana za'ra wa'aba mono nherẽ, ma tô wahâimana nhipese na hã wa'ãma siwi tihi. Tane nherẽ, senai õ di ta hã. Wa norĩ hã 'râwi wapẽ'ẽ na 're wasiwẽ'õ mono õ di. E marĩ wa. Marĩ hã wa te ai'ãma 're 'manharĩ za'ra wa'aba mono õ wa, 're iwahâimana wẽ u'âsi mono zarina. Pi'uriwi aiwi 're wahâimana za'ra wa'aba mono õ di. Marĩ iwẽ si, wa tô wa te aima 're 'manharĩ za'ra wa'wa. Ti'ai ãma isazei'õ'wa norĩ nhimirowaihu'u pese zarina, 're wahâimana mono õ di. 'Re ihâimana u'âsi mono nhimizawi pese zéb zarina si, wa ãne na hã 're wahâimana oto.

Galata 6:4

Romhuri hã te wama 're hâimana za'ra wahâiba mono bâ, wa te wasina 're i'madâ'â pese za'ra mono da hã. Ãne wa, wa za aihĩni 'râwi wa te wasima 're rosa'rata pese za'ra, wa te wasina 're 'madâ'â pese za'ra mono da, wanhimiromhuri hã. Wa te wasina 're 'madâ'â pese za'ra mono wamhã, wa za 'râwi wapẽ'ẽ 're wasima 're wato za'ra. Danhimiromhuri hã wanhimiromhuri me aiwab õ na, wa te da'ãma 're rosa'rata za'ra mono õ di za.

Galata 6:8

Danhimirosa'rata wasété zarina 're danomro u'âsi mono wamhã, te za 'Re ihâimana u'âsi mono nhiti 're dahâimana u'âsi za'ra, rowẽ isi'utõrĩ'õ nhiti. 'Re ihâimana u'âsi mono pẽ'ẽzani nhimiwada'uri zarina si 're danomro mono wamhã, te za rowẽ isi'utõrĩ'õ ãma 're dahâimana u'âsi za'ra, 'Re ihâimana u'âsi mono 'rata.

Hebreu 3:12

Ĩsisãnawã norĩ, 'râwi te za 're asi'madâ'â pese za'ra wa'aba mo, 'Re ihâimana u'âsi mono nhimiroti hã asimirosa'rata wasété aba zarina, asiwi 're wẽ'õ za'ra wa'aba mono wa, tiwi 're aipizari za'ra wa'aba mono tõ da, aré i'rata 're dasi'ubumroi u'âsi mono da, dapisutu'wai wi hã.