Provébiu 14:10 - ꞌRe Ihâimana Uꞌâsi Mono Zadawa Wasuꞌu

¹⁰ Dapẽ'ẽ 're marĩ zépata pire hã dasi'rep si dama waihu'u pese di. Tane duré date robze hã ni'wai ma, da te ipo'o da hã waihu'u õ di.

Provébiu 14:10 ပူးပေါင်းရင်းမြစ်များ

Zenezi 42:21

Tahawa te ãne sima nharĩ za'ra: — Sena na wa oto robzépata za'ra ni, wanoi ma, wa te tãma irob'manharĩ za'ra zarina. Ta hã te te robzépata wa, wapo're na'rata te te sina wawi rowaptẽrẽ za'ra nherẽ, wa te wasiwi wapari õ di. Tahawa awa'awi na wa oto robzépata za'ra ni.

Provébiu 15:13

Dapẽ'ẽ 're rowẽzé hã te za da'ubu zei pese. Tazahã, robzei'õ hã te za niha na dapẽ'ẽzei'õ hã dama tisõ.

Provébiu 18:14

Dapẽ'ẽ 're rowẽzém na danhiptede hã te za dahâzé wamhã, te te 're da'a'upari. Tane nherẽ, dapẽ'ẽ 're dawi 're irobzei'õ za'ra mono wi hã ni'wa tiwi 're sima'wara waihu'u mono õ di.

Zuwã 12:27

— Ãhã na te ĩsina rosa'rata ahâ di. E Ĩmama ma, wa za ĩsi'ru, te te dawi ĩnho'reptu da, ĩdâ'â õ ré, te robzépata tõ da. Mare di. Tãma ĩsi'rui õ di za, te te dawi ĩnho'reptu da hã. Dazada ĩdâ'â da si, wa wei mo.

Zuwã 14:18

— Te airẽme za'ra wa'aba õ di za, aimama za'ra wa'aba õ ne. Wa za we apâ atẽme ĩmorĩ 'wa.

Zuwã 14:23

Tawamhã Zezusi asa te duré tãma tinha, ãne: — Ni'wam norĩ hã te te 're ĩzawi pese za'ra mono wamhã, te za ĩnhimiroti si te te 're 'madâ'â pese za'ra. Tawamhã Ĩmama, te za duré asa hã te te 're sawi pese za'ra. Wa norĩ hã wa za itẽme 're wasihutu, i'rata 're wahâimana u'âsi za'ra mono da.

Filipu 4:7

Rowẽ hã 'Re ihâimana u'âsi mono te te wama 're i'apisutu mono hã, iwẽ uptabi hã te wama 're hâimana za'ra, da te 're iwaihu'u za'ra mono õ hã. Taha si te za te te 're aipẽ'ẽ nomri wẽ za'ra wa'wa, marĩ na 're aihâtâ'â za'ra wa'aba mono ãna 're aihâimana za'ra wa'aba mono da, Cristu Zezusihi ãma oto 're anomro aba mono zéb zarina. Ãne hã 'Re ihâimana u'âsi mono hawi rowẽ hã aima 're hâimana za'ra wa'aba mono da, te za asi'ãma tãma 're aimreme zusi u'âsi aba mo.

1 Pedru 1:8

A norĩ wa'wa hã atõmo na asiwi 're 'madâ'â za'ra wa'aba mono õ di, Zezu Cristu hã. Tane nherẽ, aima sawi uptabi za'ra wa'aba di, Wanhib'apito hã. Atõmo na asiwi 're 'madâ'â za'ra wa'aba mono õ nherẽ, te Wanhib'apito umnhasi sina 're aihâimana za'ra wa'aba mo. Tahawa, aima 're rowẽ za'ra wa'aba mono wa, te aipẽ'ẽ 're, 're atoi u'âsi za'ra wa'aba mo, ato za'ẽtẽ za'ra wa'aba na. E marĩ wa. 'Re aihâimana wasété za'ra wa'aba mono zém hawi, te te 're asõ'reptu za'ra wa'aba mono wa. Taha da, te Wanhib'apito hã asina 're i'umnhasi za'ra wa'aba mo, te te 're asõ'reptu za'ra wa'aba mono da.

Apocalipsi 2:17

“Asimipari pese za'ra wa'aba wamhã, ma'ãpé wapari pese za'ra wa'aba, Ĩmama pẽ'ẽzani hã ĩzazei'wa norĩ ma, te te irotizém na hã. Ãne isimiroti hã: Ni'wam norĩ hã tidâ'âzéb u ĩwi sipizari ãna Satanasihi ãma te te i'ai'uté za'ra norĩ hã ta norĩ ma, wa za dasa ise hã duréi te dama ihâi'ré'õ hã te tãma 're anhomri, mana na dasa nhisi hã. Duré ẽtẽ'a, wa za te tãma 're anhomri ihâiba mono bâ, isisi itém na ãma irob'ui'éré za'ra ré hã dama isa'rese'õ hã. Te te 're iwaibui mono norĩ ma si, za waihu'u pese di, isisi ité hã. Ãne Ĩmama pẽ'ẽzani te te irotizé hã.”

1 Samuéu 1:10

Tawamhã Ãna hã tãma robzei'õ pese na ma tô wahudu hâiwi, duré wawa sina. Tawamhã ma tô mre, Uburé Danhib'apito ma hã.

1 Samuéu 1:15

Tawamhã ma te ãma tãma wa'rã ãne: — Ma. Ĩsi'rãiwamnarĩ õ di, ĩnhib'apito. Duré te hâ'rẽne õ di, uwa 'rãi wa'u isé hã, duré âzaipro hã. Wa hã wa tô tãma mre, Uburé Danhib'apito nho'remhã, ĩma robzei õ uptabi wa. Duré wa tô tãma wasu'u, te irobzépatazé hã.