Provébiu 13:6 - ꞌRe Ihâimana Uꞌâsi Mono Zadawa Wasuꞌu

⁶ Sena na 're idahâimana za'ra mono zé hã te za wasété ãna 're ihâimana za'ra mono norĩ 'wawimhã 're simapa. Tane nherẽ, dawasédé da te 're i'manharĩ za'ra mono zé hã te za te te 're da'a'uprosi.

Provébiu 13:6 ပူးပေါင်းရင်းမြစ်များ

Salmu 119:1

Iwasédé, da te ãma 're isa'ra waihu'u mono õ norĩ si, te to sina hã 're nomro, Uburé Danhib'apito nhimiroti zarina si 're ihâimana za'ra mono norĩ hã.

Salmu 140:11

Isoto wasété norĩ, ti'ai 'remhã wẽ na siptete na 're hâimana za'ra mono tõ da si, ĩma iwẽ hã. Duré isipãrĩ ze norĩ zarina, ropipa si te te tô 're samarĩ za'ra mono, 're idâ'â za'ra mono zéb u.

Provébiu 10:29

Uburé Danhib'apito, i'uwaibaba na si 're ihâimana za'ra mono norĩ 'wawimhã te 're simapa. Tane nherẽ, marĩ iwasédé te te 're i'manharĩ za'ra mono norĩ ma hã te za te te 're i'uprosi za'ra mono zéb da si, te te tãma 're apisutu.

Provébiu 11:20

Uburé Danhib'apito ma hã, ipẽ'ẽ 're wasété na 're ihâimana za'ra mono norĩ hã tãma 'ru za'ra di. Tane nherẽ, i'uwaibaba na si 're ihâimana za'ra mono norĩ ma hã, 're to za'ẽtẽ uptabi mono di.

Provébiu 11:3

I'uwaibaba na si 're ihâimana za'ra mono norĩ hã te za sena na tihâimanazém na si 're sisimro. Tane nherẽ, iwasété norĩ, senai õ na 're ihâimana za'ra mono zéb zarina, te 'râwimhã 're si'uprosi.

Provébiu 21:12

'Re ihâimana u'âsi mono, sena uptabi 're ihâimana mono hã te iwasété norĩ nhorõwa hã te te 're ab'madâ'â. Taha zarina te ropipa hã te te tãma 're apisutu.

Provébiu 5:22

Marĩ 'manharĩ wasété 'wa norĩ wasétézé hã abaze mramizém ne hã te tãma 're hâimana za'ra. Tiwasété na hã te tô 're sisitob za'ra, abazipara na abaze hã imramizém na da te 're iwaibui mono ne.