Provébiu 13:4 - ꞌRe Ihâimana Uꞌâsi Mono Zadawa Wasuꞌu

⁴ Iwa'a hã marĩ te te sima 're 'ruiwapari u'âsi mono nherẽ, marĩ hã te te sima iwazere da hã mare di. Taré te za te te 're ro'wapé. Tane nherẽ, ni'wa simi'ẽ na siptete sina marĩ te te 're 'manharĩ mono wamhã, te za tô te te sima 're iwẽ mono hã te te sima ãma 're a'uwaimrami.

Provébiu 13:4 ပူးပေါင်းရင်းမြစ်များ

Zenezi 26:32

Tawamhã tô taha bâtâ na Izaquihi ma romhuri'wa norĩ te te siwi i'ab're wa, ub're nasi ipu ãne te te tãma wasu'u za'ra da hã, ma tô itẽme ai'aba'ré: “Wa te wasiwi i'ab're 'remhã â hã wa tô wasiwi sõpẽtẽ ni!”

Provébiu 10:4

Tinhib'rata na iwa'a norĩ te te 're iromhuri za'ra mono õ hã te za tinhimarĩ na hã te te ãma siwi 're ti'awi pese za'ra. Tane nherẽ, ni'wa siptete na tinhib'rata na te te 're iromhuri pese mono si te za tinhimarĩ hã te te ãma sima 're azani.

Provébiu 11:25

Ni'wa hã dama 're sõpru mono wamhã, te za 're sisibro pese. Duré ni'wa te te 're da'apawapto mono wamhã, te za da te dasiwi 're pawapto.

Provébiu 12:11

Ni'wa hã tiburu na te te 're romhuri pese mono wamhã, te za sa 're romnhimi'wara, sa'ẽtẽ na isazéb da hã. Tane nherẽ, ni'wa marĩ iwapure zô si 're irĩtĩ mono na taré bâdâ te te sina 're uprosi mono wamhã, ta hã isimiza'rese'õ.

Provébiu 12:24

Ni'wa hã tinhiptede te te sima 're 'manharĩ mono wamhã, te za dama i'rãnho'õmo na 're hâimana. Tane nherẽ, iwa'a norĩ hã te za danhib'a'uwẽ na hã te te dama 're romhuri za'ẽtẽ u'âsi za'ra.

Provébiu 12:27

Aba'wa iwa'a hã tinhisõpãrĩ nhi hã te te sima 're isebre za'ra mono da hã mare di. Romhuri pese 'wa norĩ si te za sibro pese na 're hâimana za'ra.

Provébiu 13:3

Ni'wa tinhimirobzanhamri wasété wi, 're sisadawa uwati mono wamhã, te za tihâimana wẽ zém na hã 're si'madâ'â. Tane nherẽ, ni'wa siwa'ru te te 're robzanhamri hâ mono wamhã, te za 'râwi tihâimana wẽ zé hã te te siwi 're uprosi.

Provébiu 13:5

Sena na 're ihâimana za'ra mono norĩ ma hã dazadawa nhipe hã tãma 'ru ti. Tane nherẽ, iwasété norĩ hã te za dama rowazébzé hã te te dama 're sani za'ra.

Provébiu 20:4

Rob're'wa iwa'a hã, rob'rezé uwaibaba te te iti'ai hâipo'o mono õ hã, te te dame 're iroptehâri mono da hã mare di.

Provébiu 21:25

Iwa'a, marĩ na te te sima 're irob'ruiwapari mono na te za 'râwi tinhimirosa'rata na taré 're sipãrĩ niha da ne, duré niwamhã romhuri na tinhib'rada hã te te 're nomri mono õ wa.

Provébiu 21:5

Ni'wa atãma na marĩ na te te sima ãma 're irowa'õtõ wẽ mono hã te za marĩ si'utõrĩ ãna sa'ẽtẽ na sa 're simi'wara. Duré ni'wa waptu na sa'ẽtẽ te te sima ãma 're irowa'õtõ mono hã te za marĩ zô tiwi sô 're rowaptâ'â.

Provébiu 24:30

Wa hã, aibâ iwa'a isimiza'rese'õ buru wa'waibaba hã wa tô ro'razâ, duré uwa 'ru na ite buru wa'waibaba na zama.

Provébiu 24:31

Uburé, ma te ro'wa wede hã duré warõno hã te te suwa. Duré ẽtẽ na i'wawi wara siprum haré hã te nomro.

Provébiu 26:13

Iwa'a hã te za tinha ãne: “Hu'u zérépa te bâdâdi wamhã nhamra. Te te ĩ'âri wamhã, bété.”

Provébiu 28:25

Ni'wa marĩ zô si te te sima 're irob'ruiwapari mono hã te za õne u'â dasi'wapé hã te te 're poto za'ra. Tane nherẽ, Uburé Danhib'apito te te 're i'umnhasi mono si te za rowẽ isa'ẽtẽ ré hã 're hâimana.

Provébiu 6:6

Aiwa'a za'ra wa'aba norĩ, 'rãti norĩ 're ihâimana za'ra mono zém na rosa'rata za'ra wa'aba, marĩ hã ãma waihu'u za'ra wa'aba da!

Provébiu 8:34

Ni'wa hã te te 're ĩwapari pese mono hã te za tãma robze sina 're hâimana, ĩnhorõwa 'ridawa ãma tame ĩzô bâtâ sidâpâsi 're isimipari mono hã.

Zuwã 6:27

Dasa hã siwamnarĩ su'u di. Tahawa, taha zô si 're romhuri za'ra wa'aba mono õ di za. Dasa ne isi'utõrĩ'õ zô si, te za 're irob'ruiwapari za'ra wa'aba mo, wẽ na 're ihâimana u'âsi mono zô si. Ta hã rowẽ u'âsi dadâ'â ãna 're idahâimana u'âsi za'ra mono zé, te wasu'u. Wa hã ti'ai ãma dasiré ĩpoto wa, ma tô Ĩmama hã ĩpisutu, isadawa para te dama 're anhomri mono da, rowẽ u'âsi 're idahâimana u'âsi za'ra mono zé hã.

Hebreu 6:11

Wa tô ĩsima aiwẽ za'ra wa'wa, tô õhõ na si 'Re ihâimana u'âsi mono ma, 're aihâimana u'âsi za'ra wa'aba mono da, rob'rãsutu u, iwẽ uptabi zô 're asimipari za'ra wa'aba mono zé hã asina 're uwaimrami za'ra wa'aba mono da.

Zozué 7:3

Tawamhã oto apâ sihutu wamhã, ma tô ãne Zozuéhé ma rowasu'u za'ra: — Uburé aihĩni pese iwasi'aba'ré da hã mare di za. Tahawa te za 2 miu na wahâiba za'ra na si iwazatõrĩ za'ra, aibâ norĩ hã, niha wamhã duré 3 miu na wahâiba za'ra na, Ai hã te te siwi i'wapé da hã, õmemhã da'umrore na 're dahâimana za'ra mono wa.