Provébiu 13:3 - ꞌRe Ihâimana Uꞌâsi Mono Zadawa Wasuꞌu

³ Ni'wa tinhimirobzanhamri wasété wi, 're sisadawa uwati mono wamhã, te za tihâimana wẽ zém na hã 're si'madâ'â. Tane nherẽ, ni'wa siwa'ru te te 're robzanhamri hâ mono wamhã, te za 'râwi tihâimana wẽ zé hã te te siwi 're uprosi.

Provébiu 13:3 ပူးပေါင်းရင်းမြစ်များ

Salmu 34:13

Tahawa, ma'ãpé asoto na aimreme iwasété na 're nharĩ za'ra wa'aba mono tõ. Duré asadawa nhipese na dama 're rowasu'u za'ra wa'aba mono tõ da, 're asi'madâ'â pese za'ra wa'aba mono.

Provébiu 10:14

Rowaihu'u wẽ na 're ihâimana za'ra mono norĩ hã te za uburé tinhimiza're wẽ hã te te sima ãma 're hâimo za'ra. Tane nherẽ, isimiza'rese'õ hã 're mreme zusi mono wamhã, te za ropire hã sisada te te 're sani za'ra.

Provébiu 10:19

Ni'wa hã te te 're robzanhamri hâ mono wamhã, te za tiwasédé te te 're i'manharĩ mono zéb u hã 'râwi pesere oto 're hâimana. Tane nherẽ, ni'wa hã niha na 'râwi timreme na 're si'madâ'â mono wamhã, te za ta hã 'rãi waihu'u wẽ ré 're hâimana.

Provébiu 10:8

I'rãi waihu'u wẽ 're ihâimana za'ra mono hã te za rotizé iwẽ hã te te sina 're uze za'ra. Tane nherẽ, timreme na 'râwi 're isi'madâ'â pese mono õ hã te za robzei'õ na tihâimana wẽ zé hã siwi uprosi.

Provébiu 12:13

Wasété na 're ihâimana za'ra mono norĩ hã te 'râwi timreme wasété na 're sisitob za'ra. Tane nherẽ, wẽ na i'uwaibaba na si 're ihâimana za'ra mono norĩ si te ropire hawi 're iwairébé mono zém na hã te te 're 'rãiwa'õmo za'ra.

Provébiu 13:4

Iwa'a hã marĩ te te sima 're 'ruiwapari u'âsi mono nherẽ, marĩ hã te te sima iwazere da hã mare di. Taré te za te te 're ro'wapé. Tane nherẽ, ni'wa simi'ẽ na siptete sina marĩ te te 're 'manharĩ mono wamhã, te za tô te te sima 're iwẽ mono hã te te sima ãma 're a'uwaimrami.

Provébiu 14:3

Simiza'rese ãna 'râwi 're isi'madâ'â ze za'ra mono norĩ hã te timreme zarina robzépada hã te te sitẽme 're ãwisi za'ra. Tane nherẽ, isimiza'rese wẽ norĩ hã te 'râwi timreme na si'wawi 're simapa za'ra.

Provébiu 18:21

Danhoto na damreme hã siptete di, isiminho'reptu zarina, ãma 're idahâimana za'ra mono zéb da hã. Duré ãma dapãrĩ da hã tô siptete di. Tahawa, damreme zarina te za tô niha hã da te dasima 're sani za'ra, iwẽ hã.

Provébiu 18:7

Isimiza'rese'õ nhimirobzanhamrizéb zarina te za ti'uprosizé hã te te sima ãma 're sani. Duré timreme na te za sisõwada, abaze mramizém na.

Provébiu 20:19

Dabâsi zei'wa norĩ hã te za dasi'rep si marĩ dama 're ihâimana za'ra mono na hã te te ãma dawi 're aropé. Tahawa imreme hâ norĩ nhiti romhâ na 're aihâimana mono.

Provébiu 21:23

Ni'wa niha na timreme zani wi 're si'madâ'â pese mono wamhã, te za ropire te te sisô iwazere nhiti hã 're hâimana.

Tiagu 1:26

Ãté ni'wam norĩ hã te za taré te te sina 're rosa'rata za'ra, 'Re ihâimana u'âsi mono nhimiroti 'madâ'â'wa na, tô sena ãma 're nomro mono newa, ta norĩ hã. Tane nherẽ, ãté 'râwi siwi 're simi'rãmi waihu'u za'ra mono õ di za, 're mreme wasété tõ za'ra mono da hã. Ãne wamhã, tô sena 'Re ihâimana u'âsi mono nhimiroti 'madâ'â'wa na 're hâimana za'ra mono õ di za. Taré te za tinhimirosa'rata na 'râwi sima 're sadawa nhipese za'ra.

Zuize 16:11

Tawamhã Sãsã, ma te duré ãne ãma sada'â asa: — Wedenhorõ isõrõ té zahadu marĩ hã da te ãma iwasisi õ na da te ĩwasisi mono wamhã, wa hã za ĩnhib'uware di, uburé aibâ norĩ ma, isiptede 're ihâimana za'ra mono ne hã.

Zuize 16:17

Tahawa sena na ma tô oto tãma wasu'u ãne: — Niwamhã ĩzéré hã isihâri waihu'u õ! Te duré tãma siwasu'u ãne: — Wa hã Nazire norĩ siré 'Re ihâimana u'âsi mono te na, wa tô 're ĩhâimana, ĩpoto zém hawim haré. Tahawa ĩzéré hã te sihâri wamhã, wa za ĩnhiptetezé hã simini. Ĩnhib'uware di za oto, uburé aibâ norĩ ma, isiptede 're ihâimana za'ra mono ne hã.