Provébiu 13:25 - ꞌRe Ihâimana Uꞌâsi Mono Zadawa Wasuꞌu

²⁵ Sena na 're ihâimana za'ra mono norĩ hã te tisa hã te te 're 'mahâpãrĩ u'âsi za'ra. Tanei õ di, iwasété na 're ihâimana za'ra mono norĩ hã. Te za mra hã te te 're sépata u'âsi za'ra, ta norĩ hã.

Provébiu 13:25 ပူးပေါင်းရင်းမြစ်များ

Salmu 103:5

Õ hã te duré marĩ iwẽ na ĩpẽ'ẽ 'remhã te te ĩma 're sa'ẽtẽ. Ãne wa, wa tô ĩhâiba tém na 're ĩhâimana mono zém na, te ãma uzusi u'âsi, si'õmo wawẽ siptete na 're ihâimana mono ne.

Salmu 132:15

Wa hã wa za danho ahâ na, ro te ipisutu ma hã 're ĩnhoprub u'âsi. Duré isibrob'õ iwa 're isi'ubumroi mono norĩ ma, wa za dasa ahâ na te tãma 're sõmri za'ra.

Salmu 34:10

Hu'u zérépa norĩ wi, isa zô tiwi 're ro'wanhi'riti za'ra mono wamhã, te za mra hã te te 're sépata za'ra. Tanei õ di, Uburé Danhib'apito nhimipawaptobzéb zô sima 're isõpré mono norĩ wi hã, tiwi sô 're robaba za'ra mono õ di, marĩ zô.

Provébiu 10:3

Uburé Danhib'apito, wẽ na 're ihâimana za'ra mono norĩ hã, mra te te 're sépata za'ra mono da, te te 're i'a'madâ'â rẽme mono da hã, mare di. Tane nherẽ, te za wasété na 're inomro mono norĩ wi, marĩ te te sima 're iwẽ uptabi za'ra mono hã te te tiwi 're anhito.

Provébiu 13:18

Ni'wai ma, ihâimanazém na rotizé te te 're wẽ'õ mono wamhã, te za tinhimarĩ'õzé hã sitẽme waze, duré da te 're iwazé mono õ zama.

Provébiu 24:34

Tane nherẽ, asõtõ ré, te za ro'wa na isimisaihuri te te 're idasusi za'ra mono ne, 're asimarĩ mono õ zé hã oto asusi.

Provébiu 6:11

Tawamhã nomro ré, te za simarĩ ãna ihâimanazé hã sô wi, ro'wa na isimisaihuri dazô 're isihutu mono ne, te te susi da.

Luca 15:14

— Tawamhã tinhibro hã ma uburé uprosi pese oto, ai'repudu hã. Tawamhã tame darob ãma 're idasi'ubumroi mono norĩ hã ma tô duré mram na 're dasi'ubumro. Dasai õ di. Tahawa, ma tô ai'repudu hã mra hã dame sépata.

2 Tesalonita 3:10

Ai'rata 're wahâimana za'ra wa'aba mono ré hã, wa tô ãne na nasi aima roti za'ra wa'aba ni: “Ni'wa hã, te te 're romhuri mono õ wamhã, dame 're sai mono õ di za, mram na hã.”

1 Timotiu 4:8

Ãne wa za duré aima waihu'u. Ãté ni'wam norĩ hã te za te te sima 're pisutu za'ra, 're sihâiba wairob za'ra mono da, dahâiba wairobzé hã wẽ wa, dahâiba ma hã. Ãne hã dama 're rowẽ za'ra mono nherẽ, 'Re ihâimana u'âsi mono nhimiroti zarina 're danomro wẽ mono da, da te dasima 're pisutu pese za'ra mono wamhã, dama 're rowẽ uptabi za'ra mono di za. Rowẽ na te za ãma 're danomro, ti'ai ãma, hâiwa ãma zama. Tô sena wa tô aima rowaihu'u. Ãhã wasu'u hã tô sena wa, aihĩni te za da te ãma 're saze za'ra.

Hebreu 13:5

Rob'uiprazéb zawizé, te te aima 're roti za'ra wa'aba mono tõ da, tãma asina 're rowairébé za'ra wa'aba mono õ di za. Asibro hã aima 're ihâimana za'ra wa'aba mono na si, te za asima 're irowẽ za'ra wa'aba mo. Duréihã 'Re ihâimana u'âsi mono hã ma tô ãne dama sina ropisutu: “Niwamhã te airẽme za'ra wa'aba õ di za. Duré asiwaprosi 're aihâimana za'ra wa'aba mono da, asiti za'ra wa'aba 're ĩhâimana waihu'u mono õ di za.”