Provébiu 13:22 - ꞌRe Ihâimana Uꞌâsi Mono Zadawa Wasuꞌu

²² Ni'wa te za iwẽ hã si'uirĩ na tisi'watébré 'ra ma, tinhimarĩ iwẽ hã tãma rẽme za'ra. Tanei õ di, iwasété norĩ nhimarĩ hã. Te za sena na 're ihâimana za'ra mono norĩ zô si, da te 're ubumro za'ra.

Provébiu 13:22 ပူးပေါင်းရင်းမြစ်များ

Esdra 9:12

Ta norĩ hã ma tô duré te te wama 're nharĩ za'ra, niwamhã õ norĩ a'uwẽ na hã ãma 're wamro za'ra mono tõ da. Ma tô duré wama te te 're nharĩ za'ra, õ norĩ hã niwamhã tãma 're irowẽ za'ra mono zéb da, duré sibro pese na 're hâimana za'ra mono da hã, wa te 're pawapto za'ra mono tõ da. Tawapsi wa za, u, ãhã ti'ai 're rob'rã norĩ hã wa te 're huri, wasima iwẽ na. Tawapsi wa za duré, u, wanhihudu norĩ ma, wasi'uirĩ na ãhã ti'a hã wa te tãma 're sõmri za'ra, ãma 're sipti'a za'ra mono da hã.

Salmu 102:28

Asib'a'uwẽ 'ra norĩ hã romhutu'õmhã te za sima iwẽ na 're hâimana za'ra. Duré ta norĩ nhihudu norĩ hã te za õne u'â asimi'madâ'âzéb 'remhã 're hâimana za'ra.

Salmu 112:2

Taha nhihudu norĩ hã te za ti'a na ropisutu téb ãma siptete na 're hâimana za'ra. Te za duré rowẽ na si 're hâimana za'ra, ta norĩ hã.

Provébiu 17:6

Danhihudu hã te za da te 're 'madâ'â ze za'ra, da te 're iwẽsãmri za'ra mono zéb zarina. Tane te za duré da'ra norĩ hã timama hâimanazé hã te te 're 'madâ'â ze za'ra, te te 're iwẽsãmri za'ra mono zéb zarina.

Provébiu 28:8

Ni'wa hã rob'uiprazé te te dawi i'âri nhisiwi iwa'âbâ na isisiwi, sa'ẽtẽ na da te ãma tiwi 're hâimo mono zarina, 're idanhimarĩ pese za'ra mono te, rob'uiprazé hã te za isimarĩ'õ norĩ zawi'wai ma hã tãma tirẽ, siwaihu'u ãna.