Provébiu 13:21 - ꞌRe Ihâimana Uꞌâsi Mono Zadawa Wasuꞌu

²¹ Iwasété na si 're ihâimana za'ra mono norĩ, ropire te te 're sitob za'ra mono da hã te isarina 're hâimana u'âsi za'ra. Tane nherẽ, i'uwaibaba na si 're ihâimana za'ra mono norĩ hã te za iwẽ hã te te sima 're sani za'ra.

Provébiu 13:21 ပူးပေါင်းရင်းမြစ်များ

Zenezi 4:7

Tô i'uwaibaba na a hã 'manharĩ 'wa'âhã, te aré 're aihâ mo, rowẽ te. Tane nherẽ, ma tô asiwasé, a hã. Tahawa te i'aiwasétézé hã 'ridawa ãma asô mapa. Ta hã te sima wẽ, siptete na asada 're hâimana mono da. Tane nherẽ, te za a hã asiptete na ãma ai'uté da sada asipte.

Salmu 140:11

Isoto wasété norĩ, ti'ai 'remhã wẽ na siptete na 're hâimana za'ra mono tõ da si, ĩma iwẽ hã. Duré isipãrĩ ze norĩ zarina, ropipa si te te tô 're samarĩ za'ra mono, 're idâ'â za'ra mono zéb u.

Salmu 32:10

Iwasété norĩ hã te te 're robzépata za'ẽtẽ za'ra mono di. Tane nherẽ, Uburé Danhib'apito, te te sina 're i'umnhasi za'ra mono norĩ hã te i'wawi 're simapa za'ra.

Provébiu 11:31

Iwẽ norĩ hã ti'ab ré 're ihâimana wẽ za'ra mono wa'â te te 're waibui mono da wamhã, te za tô duré 're iwasété za'ra mono norĩ zama isimirob'manharĩ wasété zé wa'â hã dasiré te te 're waibu, tiwasédé te te 're i'manharĩ u'âsi za'ra mono norĩ hã.

Provébiu 13:13

Ni'wa roti iwẽ te te 're wazé mono õ wamhã, te za tihâimana wasété na 'râwi 're si'u'a. Tane nherẽ, ni'wa hã roti iwẽ te te 're wazé mono wamhã, te za iwẽ si te te sima 're azani.

Provébiu 17:13

Ni'wa, marĩ iwẽ da te tãma 're 'manharĩ mono nherẽ, aiwétési iwasédé te te dama 're ab'manharĩ mono wamhã, rowasédé hã isõrõwa hawimhã tãma isi'ré da hã mare di za.

Provébiu 24:16

E marĩ wa. Sena na 're ihâimana za'ra mono ahâ na tihâimanazém na 're rere'e mono nherẽ, te za apâ hã 're wahutu za'ra, hâiwi tipẽ'ẽ 'remhã para na 're simasa mono da hã. Tane nherẽ, iwasété norĩ si hã te za ropipa sô 're iwairébé mono hã te te 're uprosi.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:4

Tawamhã tame 're isi'ubumroi mono norĩ hã, Pauluhu nhib'rata na wahi hã te te 'madâ'â za'ra wamhã, te sima rowasu'u za'ra, ãne: — Õhõta aibâ hã wahi ma te tisa, isib'rata wi. Te za oto dârâ. Ãté tô dapãrĩ'wa. Tahawa, â hawi sisõ'reptu nherẽ, ãté te za oto tô dârâ.