Provébiu 13:18 - ꞌRe Ihâimana Uꞌâsi Mono Zadawa Wasuꞌu

¹⁸ Ni'wai ma, ihâimanazém na rotizé te te 're wẽ'õ mono wamhã, te za tinhimarĩ'õzé hã sitẽme waze, duré da te 're iwazé mono õ zama.

Provébiu 13:18 ပူးပေါင်းရင်းမြစ်များ

Provébiu 12:1

Ni'wa hã tihâimanazém na te te upai wa, da te tãma roti wamhã, te za sima wẽ upta, te te iwaihu'u wẽ da si. Simiza'rese ãna 're ihâimana mono si tihâimana pese zé te te sina 're i'uzei mono da hã mare di za. Te za te te sina 're wẽ'õ.

Provébiu 13:13

Ni'wa roti iwẽ te te 're wazé mono õ wamhã, te za tihâimana wasété na 'râwi 're si'u'a. Tane nherẽ, ni'wa hã roti iwẽ te te 're wazé mono wamhã, te za iwẽ si te te sima 're azani.

Provébiu 13:19

Marĩ hã da te dasima 're iwẽ zahi za'ra mono, da te oto 're uwaimrami za'ra mono wamhã, wẽ uptabi di. Tane nherẽ, isimiza'rese'õ norĩ hã marĩ iwasédé te te 're irẽme za'ra mono da hã tãma wẽ'õ uptabi za'ra di.

Provébiu 13:25

Sena na 're ihâimana za'ra mono norĩ hã te tisa hã te te 're 'mahâpãrĩ u'âsi za'ra. Tanei õ di, iwasété na 're ihâimana za'ra mono norĩ hã. Te za mra hã te te 're sépata u'âsi za'ra, ta norĩ hã.

Provébiu 15:5

Isimiza'rese'õ hã te timama nhimiroti hã te te siwi 're wẽ'õ pese. Tazahã, ni'wa tihâimanazé pese zé te te sina 're i'uzei mono hã, te 'rãi waihu'u wẽ na 're hâimana.

Provébiu 19:6

Dama ipire na 're ihâimana za'ra mono norĩ, te te 're dawẽsãmri za'ra mono da hã, te za uburé dasima 're danhopré. Duré sapa'abâ isibzari ze siwaihu'u norĩ hã ahâ uptabi di.

Provébiu 25:12

Ni'wai ma, i'rãiwaihu'u wẽ te te tãma ipẽne hã te te iwapari ze zé hã, danhiptõmo hi wasisizé oru na i'manharĩ nhipai u iwẽ uptabi, duré oru na marĩ da te 're i'manharĩ za'ra mono norĩ nhipai u zama iwẽ.

Provébiu 9:9

Ni'wa i'rãi waihu'u wẽ ma, marĩ na ãma tãma 're roti mono wamhã, te za ti'rãi waihu'u wẽ hã te te ãma sima 're sa'ẽtẽ. Duré i'uwaibaba si 're imorĩ ma, marĩ na ãma tãma 're rowaihu'u mono wamhã, te za ti'rã nhimiza're hã te te sima 're sa'ẽtẽ.

Hebreu 12:25

Tahawa, te za 're asi'madâ'â pese za'ra wa'aba mo, 'Re ihâimana u'âsi mono hã te te aima 're rowasu'u za'ra wa'aba mono wamhã, tiwi 're asipo're nhitob za'ra wa'aba mono tõ da. Duréihã Sina'i na ẽtẽ 'rãihâ nhisi ãma, 'Re ihâimana u'âsi mono ti'ai u te te we dama rowasu'u wamhã, isimiroti wapari'õ'wa norĩ hã wairébé õ di, te te idahâ za'ra zé wi hã. Wa norĩ hã bété. E 'Re ihâimana u'âsi mono hã hâiwa hawi te te wei wama 're aroti wẽ mono nherẽ, tiwi 're wasipizari za'ra mono wamhã, e isimihâzé wi wasi'uihâ na 're wawairébé mono da bâ, wa za bété wanhimipari ãna hã 're wanomro u'âsi.