Provébiu 13:15 - ꞌRe Ihâimana Uꞌâsi Mono Zadawa Wasuꞌu

¹⁵ Isimiza'rese norĩ hã da te 're iwazéb za'ra mono zé te te si'ãma 're sani za'ra. Tane nherẽ, iwasété norĩ hã te dawaprã 're isi'utõrĩ mono zéb u 're nomro.

Provébiu 13:15 ပူးပေါင်းရင်းမြစ်များ

Provébiu 14:35

Apito ma romhuri'wa norĩ hã te za tinhimiromhuri na te te ãma tãma 're rowẽ zani za'ra. Tane nherẽ, siséb ãna te te 're iromhuri za'ra mono norĩ hã te za isimihâzé hã te te sisada 're sani za'ra.

Provébiu 15:10

Ni'wa hã bâdâdi iwẽ te te rẽme zahi wamhã, te za rob'manharĩ pipa zé hã sitẽme ãwisi. Duré ni'wa tihâimanazé pese zé hã te te sina 're uzei mono õ wamhã, te za duré dârâ.

Provébiu 3:4

Ãne hã 're 'manharĩ mono wamhã, te za 'Re ihâimana u'âsi mono ma, sa'ẽtẽ na asina tãma 're irowẽ zani mo. Duré ti'ai ãma zama te za asina dama 're irowẽ zani mo. Te za duré da te dasima 're aiwasu'u wẽ za'ra.

Provébiu 4:19

Tane nherẽ, iwasété norĩ nhibâdâdi, i'rãdâ'â ra, 're imara 'rã pese mono ne hã. Ta norĩ hã te te 're i'marõpãrĩ za'ra mono zé hã te te 're 'madâ'â waihu'u za'ra mono õ di, duré te te sina 're 'madâ'â waihu'u za'ra mono õ di.

Luca 2:52

Tawamhã ma tô oto tiprédu, Zezusi hã. Isimiroti hã wẽ uptabi di. Wẽ na 're morĩ wa, ma tô wẽsã, 'Re ihâimana u'âsi mono hã. Isiré zudeu norĩ hã ma tô duré wẽsãmri za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:10

Tahawa, te te irobzépata mono zéb sidâpâsi ma tô nasi pawapto, tiwi robzei'õ tõ da. Tawamhã apito Fara'oho nho're nasi hâimana wamhã, 'Re ihâimana u'âsi mono ma tô tiwaihu'u pe hã tãma tisõ, ihâimana wẽ zéb da hã. Tahawa, apito Fara'o hã ma tô wẽsã, Zuzé hã. Taha zarina ma tô tãma pisutu, Ezitu ãma roti'wa da oto, isadawa para. Isibro hã duré isõrõwa zama te te tãma 're 'madâ'â mono da zama, ma tô duré pisutu.

Roma 6:21

Aiwasété na si 're aihâimana za'ra wa'aba mono ré, e marĩ ma tô aima 're hâimana za'ra wa'wa, 're i'manharĩ za'ra wa'aba mono zé wa'rãmimhã, ãma aima 're irowẽ za'ra wa'aba mono zéb da hã. Robaba di. Taha na asimi'manharĩ wasété za'ra wa'aba zém na ãma 're aséb za'ra wa'aba mono di oto. Ãne si, da te 're 'manharĩ u'âsi za'ra mono wamhã, dapẽ'ẽ 're, dadâ'â u'âsi ne, te za tô 're dahâimana za'ra.