Provébiu 13:14 - ꞌRe Ihâimana Uꞌâsi Mono Zadawa Wasuꞌu

¹⁴ I'rãiwaihu'u wẽ norĩ nhimiroti hã rowẽ na 're idahâimana za'ra mono zém na'rata da hã te dama 're hâimana. Ta hã te za dadâ'â da, 're idasisitob za'ra mono zé wi, te te 're da'apawapto, roti iwẽ hã.

Provébiu 13:14 ပူးပေါင်းရင်းမြစ်များ

Provébiu 10:11

Sena na 're ihâimana za'ra mono norĩ mreme hã, rowẽ na 're idahâimana za'ra mono zém na'rata da hã te tô dama 're hâimana. Tane nherẽ, iwasété norĩ te te 're idawamnarĩ za'ra mono da hã te timreme zô simrami pese na hã 're hâimana za'ra.

Provébiu 14:27

Uburé Danhib'apito da te 're iwazéb za'ra mono zé hã rowẽ na 're idahâimana za'ra mono zém na'rata da hã te dama 're hâimana. Te duré 're dadâ'â za'ra mono da, 're idasisitob za'ra mono hawimhã te te 're da'azani.

Provébiu 15:24

Isimiza'rese wẽ norĩ hã bâdâdi na rowẽ na 're idahâimana hâ za'ra mono zém na si te 're nomro. Bâdâdi, 're idadâ'â za'ra mono zép te na 're inomro mono da hã mare di.

Provébiu 16:17

Sena na i'uwaibaba na 're ihâimana za'ra mono norĩ hã te za bâdâdi iwẽ na hã iwasété nhiti 're nomro. Duré ni'wa bâdâdi na timorĩzé te te sima 're i'madâ'â pese mono hã te za tihâimanazém na 're sisõ'reptu.

Provébiu 16:22

Rowaihu'u wẽ hã te i'rãiwaihu'u wẽ norĩ ma, rowẽ na 're idahâimana za'ra mono na'rata zém na tãma 're hâimana za'ra. Tane nherẽ, simiza'rese ãna 're ihâimana za'ra mono norĩ hã te ti'ahârizép si te te sisô 're sani za'ra, tinhimiza'rese'õ zarina.

Provébiu 16:6

Ni'wa hã 'Re ihâimana u'âsi mono te te 're sawi pese mono wamhã, duré sena na tãma 're hâimana mono wamhã, iwasédé hã te te ãma 're ab'madâ'â mono õ di za. Duré ni'wa, Uburé Danhib'apito te te 're iwazé mono hã te za marĩ iwasété wi hã tiwi sina 're hâiba za'o u'âsi, romhâ na.

Provébiu 9:11

Rowaihu iwẽ hã aima 're ihâimana mono zéb zarina, te za 're i'aihâimana hâ mono zéb da, bâdâ hã aima 're si'apraba.

1 Samuéu 25:33

Wẽ uptabi di ãhã na a hã i'manharĩ hã ĩpawaptobzém na. Wa hã wa tô aré ĩsima rowairébé, marĩ iwasédé te 'manharĩ da hã. Wa tô duré aré ĩsima wẽ, 'râwi ĩsi'ruiwa'âbâ da hã.