Provébiu 13:13 - ꞌRe Ihâimana Uꞌâsi Mono Zadawa Wasuꞌu

¹³ Ni'wa roti iwẽ te te 're wazé mono õ wamhã, te za tihâimana wasété na 'râwi 're si'u'a. Tane nherẽ, ni'wa hã roti iwẽ te te 're wazé mono wamhã, te za iwẽ si te te sima 're azani.

Provébiu 13:13 ပူးပေါင်းရင်းမြစ်များ

Esdra 10:3

Tahawa, ãhã na awa'awi na wa za ipire na ropisutu za'ra ni, wate 'Re ihâimana u'âsi mono nho'remhã, pi'õ norĩ ma, 'ra ré si'aba'ré da, wa te tãma irob'ru za'ra zéb zarina. Ãne wa za asimiroti hã duré wate 'Re ihâimana u'âsi mono nhimiroti te te 're iwazéb za'ra mono norĩ mreme zama wasiwi 'manharĩ ni. Ãne wa za tô 'Re ihâimana u'âsi mono nhimiroti te te i'ruzé hã 'manharĩ za'ra ni.

Salmu 19:11

Taha na te wa hã asib'a'uwẽ ãma 're ĩpo're pu'u wẽ u'âsi mo. Duré aimreme te 're iwapari pese mono zarina, wa ĩpawa'âbâzé iwẽ hã te ĩsima te 're awaibui u'âsi.

Salmu 19:12

E 'wa hã marĩ na te te 're i'upai mono zé hã te te sina 'madâ'â waihu'u pese bâ. Apito, ma'ãpé ĩpẽ'ẽ 'remhã ĩma pari, ĩwasédé te 're i'a'manharĩ mono zé hã, te waihu'u ãna.

Ezodu 9:20

Tawamhã apito ma romhuri'wa norĩ, ãne na Uburé Danhib'apito te te dama iropipa wasu'u te te iwapari za'ra zé ma hã, ma tô tipahi pese za'ra. Tahawa tite pawa'âbâ ãna buru na te te tãma 're iromhuri za'ra mono norĩ hã ma tô tinhimizama siré hã 'ripara u te te 'mazasi za'ra.

Provébiu 1:25

Uburé ma tô ĩnhimiroti hã asiwi iwẽ'õ za'ra wa'wa. Duré niha na aihâimanazé te aima hiri za'ra wa'aba da hã asima wẽ za'ra wa'aba õ di.

Provébiu 13:12

Marĩ iwẽ zô 're idanhimipari za'ra mono zé hã dawi sô 're rowaptâ'â hâ za'ra mono wamhã, te za robzei'õ uptabi na dahâimanazé hã dama 'manha. Tane nherẽ, da te dasima 're iwẽ za'ra mono zé, i'manharĩ na, da te dasima ãma 're uwaimrami za'ra mono wamhã, dapẽ'ẽ 'remhã dama rowẽ za'ẽtẽ di za.

Provébiu 13:21

Iwasété na si 're ihâimana za'ra mono norĩ, ropire te te 're sitob za'ra mono da hã te isarina 're hâimana u'âsi za'ra. Tane nherẽ, i'uwaibaba na si 're ihâimana za'ra mono norĩ hã te za iwẽ hã te te sima 're sani za'ra.

Provébiu 16:20

Ni'wa rotizé te te wapari pese wamhã, te za rowẽzé hã tãma 're hâimana. Duré ni'wa Uburé Danhib'apito te te sina 're i'umnhasi mono hã te za robze na si 're hâimana.

Provébiu 19:16

Ni'wa 'Re ihâimana u'âsi mono nhimiroti te te 're wapari pese mono wamhã, te za 're hâimana hâ. Duré ni'wa isimiroti te te siwi 're wẽ'õ mono wamhã, 're hâimana hutu mono di za.

Mateu 5:12

Tahawa, ma'ãpé atoi u'âsi, ãma 're anomro aba mono za. 'Re ihâimana u'âsi mono hã te za marĩ iwẽ hã sa'ẽtẽ na te te aima 're sõmri za'ra wa'wa, hâiwa ãma asô 're isimi'wara aba mono hã. Duréihã 'Re ihâimana u'âsi mono zadawa 'mahârâ 'rata 'wa norĩ ma, ma tô da te tãma 're rob'manharĩ u'âsi za'ra, da te aima 're irob'manharĩ wasété za'ra wa'aba mono ne. — Ãne na ma tô Zezusi hã tãma waihu'u siromo za'ra romhâ ré, te te waihu'u zara da.

Luca 16:31

— Tawamhã Abra'ã hã te duré asa tãma tinha, ãne: “Ano norĩ hã Mozésihi nhimiroti hã te te saze za'ra õ di. Duré 'Re ihâimana u'âsi mono zadawa 'mahârâ'wa norĩ nhimiroti zama, te te saze za'ra õ di. Ãne wamhã, ni'wa hã dâ'â nherẽ, apâ hâiwa'utu wamhã, e te aré bété ãma saze za'ra. Te te ãma saze za'ra õ di aré, isimirowasu'u na hã.”

2 Zuwã 1:8

Tahawa, roti tô senai'õ na te te dama 're iroti za'ra mono norĩ wi, te za 're asi'madâ'â pese za'ra wa'aba mo 'râwi, 're iromhuri za'ra wa'aba mono zé wa'â hã 're simini tõ za'ra wa'aba mono da. Uburé marĩ iwẽ na 'Re ihâimana u'âsi mono, za te te aima iwa'âbâ za'ra wa'aba zé hã ubuni na asima 're waibui wa'aba mono da, te za 'râwi 're asi'madâ'â pese za'ra wa'aba mo tiwi.