Provébiu 13:12 - ꞌRe Ihâimana Uꞌâsi Mono Zadawa Wasuꞌu

¹² Marĩ iwẽ zô 're idanhimipari za'ra mono zé hã dawi sô 're rowaptâ'â hâ za'ra mono wamhã, te za robzei'õ uptabi na dahâimanazé hã dama 'manha. Tane nherẽ, da te dasima 're iwẽ za'ra mono zé, i'manharĩ na, da te dasima ãma 're uwaimrami za'ra mono wamhã, dapẽ'ẽ 'remhã dama rowẽ za'ẽtẽ di za.

Provébiu 13:12 ပူးပေါင်းရင်းမြစ်များ

Zenezi 46:30

Tawamhã Zaco, te ãne ti'ra ma tinha: — Wa za oto dârâ ĩsima iwẽ na, ĩtõmo na te ai'ubu 'madâ'â wa oto, duré zahadu aihâiba ré 're i'aihâimana mono na zama te waihu'u wa.

Neemia 2:2

Tahawa te ĩzadanha ãne: — E marĩ wa, ma tô bété ai'ubu zei'õ, aihâzé õ nherẽ. Ãté tô aipẽ'ẽzé wa. Ãhã wa, wa tô imreme ma ĩpahi.

Salmu 69:3

Ĩnho'reptuzéb zô ĩhârâ wa'a wa, wa ĩnho're'a. Ĩtõmo zadâ'â zahuré di oto, ĩte 'Re ihâimana u'âsi mono, asô 're ĩnhimipari mono zém na ĩnho'reptu da.

Provébiu 11:30

Sena na 're ihâimana za'ra mono norĩ hã te za rowẽ na 're idahâimana za'ra mono zé hã te te dama 're ãwisi za'ra. Duré i'rãi waihu'u wẽ norĩ hã te za tisiwaihu'u norĩ na hã ãma 're hâ'â.

Provébiu 13:11

Rob'uiprazé senai'õ na waptu na da te dasima 're isa'ẽtẽ za'ra mono hã te za i'arĩ na dawi sina te te 're ti'awi za'ra. Tane nherẽ, ni'wam norĩ hã atãma na suru nherẽ, te te sima 're ubumroi u'âsi za'ra mono wamhã, te za tãma sina 're hâ'â za'ra.

Provébiu 13:13

Ni'wa roti iwẽ te te 're wazé mono õ wamhã, te za tihâimana wasété na 'râwi 're si'u'a. Tane nherẽ, ni'wa hã roti iwẽ te te 're wazé mono wamhã, te za iwẽ si te te sima 're azani.

Provébiu 13:19

Marĩ hã da te dasima 're iwẽ zahi za'ra mono, da te oto 're uwaimrami za'ra mono wamhã, wẽ uptabi di. Tane nherẽ, isimiza'rese'õ norĩ hã marĩ iwasédé te te 're irẽme za'ra mono da hã tãma wẽ'õ uptabi za'ra di.

Provébiu 3:18

Rowaihu iwẽ hã te za 're idahâimana hâ za'ra mono zé hã te te dama 're sõmri za'ra, aiwa wede 're isimasam hâ mono ne. Ni'wa te te sima sawi wamhã, te za rowẽ na 're hâimana.

Zuwã 16:22

Tane duré a norĩ wa'wa hã, te za aipẽ'ẽzé hã a'â isépata za'ra wa'wa. Apâ atẽme ĩwisi aba wapsi, aima 're rowẽ za'ra wa'aba mono di za. Robzei u'âsi te za 're anomro aba mo.

Apocalipsi 2:7

“A norĩ wa'wa hã asimipari pese aba wamhã, ma'ãpé wapari pese za'ra wa'aba, Ĩmama pẽ'ẽzani hã ĩzazei'wa norĩ ma, te te irotizém na hã. Ãne isimiroti hã: Ni'wam norĩ hã tidâ'âzéb u ĩwi sipizari ãna Satanasihi ãma te te i'ai'uté za'ra norĩ hã ta norĩ ma si, wa za tãma pisutu za'ra, rob'rãi u'â hã te te 're huri u'âsi mono da. Taha wede hã 'Re ihâimana u'âsi mono 're isãmra u'âsi mono zéb ãma te 're sa, rowẽ uptabi ãma hã, i'rã hã da te 're huri mono wa, dadâ'â ãna 're idanomro u'âsi mono zé hã. Ãne Ĩmama pẽ'ẽzani te te irotizé hã.”

Apocalipsi 22:2

'Ri nho'õmo wa'wa, 'ri nhi'ridi inomro wa'wa, te tipraba. Duré wede hã â praba zada'ré si'uiwa na isãna'rata si'uiwa sisa'ridi hã te tame 're sa, i'rã hã da te 're huri mono wa, 'Re ihâimana u'âsi mono 'rata, dato sina 're idanomro u'âsi mono zé hã. A'amo sidâpâsi i'rãzé ta hã. Duré wahub sidâpâsi te 're 'rãi u'âsi. Duré isu hã daro mono bâ apâ ãma 're idazéptâ'â za'ra mono zéb da hã te 're hâimana za'ra.