Provébiu 13:1 - ꞌRe Ihâimana Uꞌâsi Mono Zadawa Wasuꞌu

¹ Da'ra i'rãi waihu'u wẽ hã te za timama nhimiroti hã te te sina 're uzei pese. Tane nherẽ, uburé da'ãma 're iwa'ẽ za'ra mono norĩ hã marĩ na te te 're i'upa za'ra mono zé hã te te sina 're iwapari za'ra mono da hã mare di.

Provébiu 13:1 ပူးပေါင်းရင်းမြစ်များ

Provébiu 10:1

Da'ra i'rãi waihu'u wẽ, te za tihâimanazém na timama ma hã te te ãma 're rowẽ zani pese. Tane nherẽ, da'ra isimiza'rese'õ niha na 're ihâimana mono hã te za tina wi te te ãma 're robzei'õ zani.

Provébiu 12:15

Isimiza'rese'õ, te marĩ i'uwaibaba na te te 're i'manharĩ za'ra mono ne hã te te sina 're rosa'rata u'âsi za'ra. Tane nherẽ, i'rãi waihu'u wẽ norĩ hã te roti iwẽ te te 're iwapari za'ra mono zé hã te te sina 're uze za'ra.

Provébiu 14:6

Uburé marĩ na da'ãma 're iwa'ẽ za'ra mono ti'rãi waihu'u wẽ zô 're isi'wapé za'ra mono norĩ hã, niha hã ti'rãi waihu'u wẽ na tihâimanazé te te 're isõpẽtẽ za'ra mono da hã, mare di. Tane nherẽ, simiza'rese wẽ na 're ihâimana za'ra mono norĩ ma hã wapure di, te te 're iwaihu'u za'ra mono da hã.

Provébiu 15:12

Da'ãma 're iwa'ẽ mono ma hã tãma wẽ'õ di, ihâimanazé, da te tãma ipese da hã. Tahawa, niwamhã i'rãi waihu'u wẽ norĩ nhimirotizéb zô hã sima 're tob'uzui mono õ di.

Provébiu 15:20

Da'ra i'rãi waihu'u pe hã te za timama ma, te te ãma tãma 're rowẽ zani. Tane nherẽ, da'ra isimiza'rese'õ hã te za tarére na tina te te 're i'madâ'â mono zarina hã iwazéb õ na 're hâimana.

Provébiu 15:5

Isimiza'rese'õ hã te timama nhimiroti hã te te siwi 're wẽ'õ pese. Tazahã, ni'wa tihâimanazé pese zé te te sina 're i'uzei mono hã, te 'rãi waihu'u wẽ na 're hâimana.

Provébiu 7:24

Tahawa, ĩ'ra, te za ĩwapari pe! Aipo're pese na ĩwapari, za te aima inharĩzém na hã.

1 Samuéu 2:25

Ni'wa hã tisiré hâiba amo da, wasété wamhã, te za Uburé Danhib'apito hã mreme wapto. Tane nherẽ, oto ni'wa hã 'Re ihâimana u'âsi mono zada hâimana wamhã, ni'wa te te mreme wapto waihu'u õ di. Tane nherẽ, Erihi 'ra norĩ hã timama te te wapari zahuré õ di. E marĩ wa. Uburé Danhib'apito hã te te ãma sima rowairébé zahuré wa aré, te te ipãrĩ da hã.