Provébiu 12:3 - ꞌRe Ihâimana Uꞌâsi Mono Zadawa Wasuꞌu

³ Ni'wa iwasété si te te 're i'manharĩ mono hã te za sima romnhimimnhasi na si hã 're hâimana. Tane nherẽ, ni'wa sena na 're hâimana mono wamhã, da te irési da hã mare di, wede isari tede, rowa'u te te 're isa'o'o waihu'u mono õ ne.

Provébiu 12:3 ပူးပေါင်းရင်းမြစ်များ

Provébiu 10:25

Rowa'u isiptede iwatobro ne, ropire hã sô 're wairébé mono wamhã, te za iwasété norĩ hã 're si'utõrĩ. Tane nherẽ, te za sena na iwẽ na 're ihâimana za'ra mono norĩ hã tihâimana u'âsi zém na siptete na te te ãma 're uzusi za'ra.

Provébiu 11:5

Iwasédé, da te ãma 're isa'ra waihu'u mono õ norĩ hã i'uwaibaba na si 're ihâimana za'ra mono zéb zarina, te za bâdâdi irui'õ ne na 're nomro. Tane nherẽ, iwasété norĩ si te za ropire hã te te sisô 're sani za'ra.

Provébiu 12:12

Iwasété norĩ hã tô iwasété hâiba amo, marĩ hâimana nhipese na te te dawi 're iwaibui mono na hã te te 're 'ruiwapari za'ra, te te tiwi sima 're waibui mono da hã. Tane nherẽ, wẽ na 're ihâimana za'ra mono norĩ hã te siptete na si marĩ te te 're 'manharĩ wẽ u'âsi za'ra, dawaprã.

Colosu 2:7

Rowede hã sari pa na 're simasa mono wamhã, 're sina waihu'u mono õ di. Tane duré a norĩ wa'wa hã Cristu te te 're i'aipawaptob za'ra wa'aba mono zéb zarina si, te za aihâimana nhiptete sina ãma 're aihâimana za'ra wa'aba mo. Tawamhã taha si asina 're i'umnhasi za'ra wa'aba mono zéb zarina si te za asima 're isa'ẽtẽ za'ra wa'aba mo, Cristuhu wasu'uwẽ na tô sena da te aima ãma 're irowasu'u za'ra wa'aba mono zéb zarina. Te za duré ãma 're aiwata u'âsi za'ra wa'aba mo, 'Re ihâimana u'âsi mono ãma, Cristuhu nhimipawaptobzéb zarina.

1 Samuéu 25:33

Wẽ uptabi di ãhã na a hã i'manharĩ hã ĩpawaptobzém na. Wa hã wa tô aré ĩsima rowairébé, marĩ iwasédé te 'manharĩ da hã. Wa tô duré aré ĩsima wẽ, 'râwi ĩsi'ruiwa'âbâ da hã.